When will Makkah situation become Madinah?

maulana, yeh sawal balochistan pakistan area se aya hai, mister anjum sahab ka. unhon ne likha hai: "maulana sahab, aap individual daawa work ke daai hain, lekin hamare haan makkah wali situation hai. mera sawal yeh hai ke yeh madinah wali surat kab ikhtiyar kare gi? is ke baray mein batayen." dekhiye, makkah aur madinah, makkhi daur aur madani daur jo hai, yeh history ke phenomena hain. yeh dawat ka principle nahi hai. aisa kya ho sakta? ek sahab, ek bohat baray aalim ki kitab hai "dawat deen" par, us mein dawat ko teen marhalay bataye hain.

unhon ne dawat, hijrat, jihad. yeh sahi nahi hai. yeh rasool Allah ke zamanay mein jo waqea paish aya, woh ek history thi. aisi isi ko aap ko repeat nahi karna hai ke pehle dawat do, phir hijrat karo, phir larai karo. yeh koi islam nahi hai. history jo hai, badalti hai halaat ke aitbar se. aaj aap makkah o madinah ki is tarah mat sochiye, aap quran o hadith ki is tarah mat sochiye. bas jo hain aap ka aas paas, un ko dawat dijiye.

yeh intezar kyun kar rahe hain ke ek daur badle, doosra daur aaye? tareekh kabhi bhi is tarah repeat nahi hua karti jis tarah se log samajhte hain. aisa kabhi nahi hone wala hai dobara ke aap dawat dein, phir hijrat karein, phir jihad kar ke larai karein. yeh tasawwur bilkul galat hai. yeh history ko principle ka usool dena, history ko usool ka darja dena hai. history dekhiye, yaad rakhiye, usool jo hai, woh history se akhaz nahi hota. woh jo text hai, quran o hadith, us se akhaz hota hai.

principle hamesha nikala jaye ga text se, history se nahi. yeh bohat bari bhool hai jis mein bohat se log mubtala hain. to us mein apne zehan ko aap durust kijiye aur dawat ke rastay jo khulay hain, un par apne aap ko laga dijiye. maulana, agla sawal lene se pehle ek comment parhna chahenge jo dilli se aya hai muhammad ans sahab ka. unhon ne likha hai: "maulana, aap jo bata rahe hain ke twenty first century mein sare mawaqe khul chuke hain, yeh bilkul sahi hai.