How to overcome frustration and purify soul

maulana, agla sawal aya hai Ghulam Ali sahib ka. unhon ne apni location nahi likhi hai par un ka sawal yeh hai Maulana sahib Please tell me how can one come out of frustration and find the truth of life? How can one purify one's soul? Please tell me as I am in lot of negativity. dekhiye, frustration ka jo muamla hai is par mein ne bohat socha bhi hai, bohat likha bhi hai, bohat parha bhi hai.

meri aakhri jo is muamle mein jo discovery hai woh yeh hai ke dunya mein do qism ke goal hote hain: achievable goal aur unachievable goal. Achievable goal aur unachievable goal. to jab bhi aap unachievable goal ko apna goal banayein ge to aakhir mein frustration aye ga. aur jab achievable goal ko apna goal banayein ge to frustration nahi aye ga. jaise hum is waqt aik building mein hain, is ke upper story mein hain. hum ne neeche jana hai. to aap jante hain ke wahan par stair bani hui hain, seedhiyan bani hui hain.

seedhiyon se jayein neeche to kaha hum ne achievable goal ka tareeqa ikhtiyar kiya. is ke baad aap khirkiyon se kooden, khirkiyon se kood kar jayein ke jaldi se pahunch jayein road par. to woh hoga unachievable goal. kyunke aap sarak par nahi pahunchein ge, hospital jana pare ga aap ko. aise hi dekhiye, sari Muslim dunya mein kyun khalfashar hai, kyun larai hai? kyunke woh unachievable goal ko apna goal bana rakha hai. woh kya hai? un ke apne zubzub mein. aik aisa system banana jo perfect system ho, ideal system ho.

saari muslim dunya ka problem yahi hai. to perfect system ya ideal system to allah ke creation plan ke mutabiq possible hi nahi hai. is dunya mein har cheez imperfectly rahe gi. har cheez less than ideal rahe gi. to ek aisi dunya jo allah ne banai hai, is tarah se ke yahan har cheez jo mile aap ko wo less than ideal ho.

wahan aap chahte hain ke aap ko ideal system mile, ideal government mile. isi liye aap dekhen, muslim dunya mein foran log ruler ke khilaaf hangama karne lagte hain. abhi misr mein ek inqilaab aaya aur phir jo ruler wahan hai, us ke khilaaf hangama ho raha hai. kyun? in ko less than ideal dikhaya jata hai wo. to aap ko dekhen, dunya mein less than ideal par raazi hona hai. bas yahi waahid raaz hai apne aap ko frustration se bachane ka. you have to accept what is less than ideal. you have to accept the imperfect. kyunke doosra choice aap ke liye nahi hai.

ab aap apne aap ko aur doosron ko dekhen to har ek ko aap yahi paen ge, apne aap ko bhi aap paen ge ke aap unachievable ko apna goal banai hui hain. misal ke tor par dekhen, marriage hoti hai, aapas mein koi jhagda hota hai, koi ladaai hoti hai, koi suppression hota hai ke yahan bhi unachievable goal ko le kar. yani husband samajhta hai ke mujhe ek ideal wife chahiye. wife chahti hai ke mujhe ideal husband chahiye. lekin allah ta'ala ne is dunya mein koi na ideal mard paida kiya, na ideal aurat paida ki.

to agar aap shadi kar ke is tarah yani rahen ke dunya mein sirf less than ideal hi possible tha, wo mujhe mil gaya to bohat happy life reh gayi aap ki. koi bhi chahe, badshah ho, chahe wealthy aadmi ho, koi bhi aadmi. namumkin hai is ko ideal pyar mile, ideal spouse mile. yeh mumkin hi nahi. isi liye har jagah talaaq hai, har jagah jhagde hain. to business ho ya job ho ya family ho ya society ho, sab log aisi baaton ko apna goal banai hui hain jo sarr-e-se achievable hi nahi.

to kya hoga phir? frustration aayega. main allah ke fazl se frustration mein nahi jeeta. kyunke maine is haqeeqat ko daryaft kar liya hai ke mujhe ek aisi dunya mein rehna hai jo allah ne banai hai bator-e-dar-ul-qabz. quran mein hai ke laqad khalaqnal insana fi qabzin hum ne paida kiya insaan ko problem mein. problem, challenge. yeh to rahe ga. jab rahe ga to phir is ko accept karo is ko.

to ek hi simple formula hai tension free life ka, wo yeh hai you have to accept the reality don't run after your desires apni khwahishon ke peeche dauriye. you have to accept the reality bas aur koi doosra formula nahi hai. maulana, agla sawal dilli se hai ans sahib ka. unhon ne likha hai maulana sahib, last class mein aap ne ek hadees batai thi ke agar quran ka matlab tafseer ke baghair nikal liya to wo galat hoga, chahe sahi matlab kyun na ho.