How to read Quran translation properly

maulana, agla sawal dilli se hai ans sahib ka. unhon ne likha hai maulana sahib, last class mein aap ne ek hadees batai thi ke agar quran ka matlab tafseer ke baghair nikal liya to wo galat hoga, chahe sahi matlab kyun na ho. lekin aap hamein tarjuma parhne ke liye taakeed karte hain aur ghhor-o-fikr ke liye bhi kehte hain. aap yeh wazeh kar dijiye ke hamein quran ka tarjuma kis tareeqe se parhna chahiye. daikhen, woh jo hadith mein ne sunai thi, woh hadith aise logon ke baray mein hai jo sincere na hon quran ke baray mein.

hawai tor par baaten nikalen. aise hi hawa mein apna dimagh dorayen. attkal mein, attkal. jo kehte hain na, attkal. to kabhi ittifaq se agar sahi baat bhi keh dein to chounke unhon ne yani sincere nahi thay woh, sanjeeda nahi thay woh, to apni ghair sanjeedgi ke barabar woh ghalat qarar payen gi. to quran ko parhna chahiye bohat ziyada sanjeedgi ke sath, bohat ziyada sincerity ke sath. is ko bohat hi ziyada yani

allah ka yani yeh ehsas le kar ke ke agar mein koi ghalat baat kahun ga to allah ka meri pakar hogi. to in sab baaton ko le kar agar aap parhen ge to bil farz aap ghalat kisi baat ka ghalat matan nikalein, tab bhi aap nahi pakar jayen ge. yeh bhi samajh lijiye. yani ghair sanjeeda aadmi agar theek baat kahe to bhi pakar jayega woh. lekin sanjeeda aadmi agar koi ghalat baat ittifaq se keh de to woh pakar, is ki pakar nahi hogi. mein aap ko aik misaal deta hoon

ke aik hadith hai, aik hadith hai ke aik baddo ka oont gum ho gaya desert mein. ab woh dor raha hai idhar udhar. achaanak us ne dekha ke mein oont filani jagah, aik aik khara hua hai aik jagah, pahar ke kisi hissay mein mil gaya us ko. to aap jante hain ke qadeem zamanay mein oont jo tha, kisi baddo ke liye sab kuch hota tha. sab kuch wohi hota tha. isi par us ki zindagi depend karti thi. to bohat khush hua, bohat khush hua, bohat khush hua. to us ki zuban se nikal gaya allahumma anta abdi wa ana rabbuk a khuda, tu mera banda hai aur mein tera rab hoon.

yani ulta kaha gaya woh. yani kehna to chahiye tha ke a khuda, tu mera rab hai, mein tera banda hoon. woh ulta kaha gaya woh. tab bhi allah taala ke haan us ki bakhshish ho gayi. kyunke intentionally he was not wrong to yaad rakhiye, quran mein aap khoob ghor kijeye. khoob ghor kijeye. aur agar aap sanjeeda honge, allah ka darr aap ke dil mein hoga, waqeatan aap sachai tak pohnchne ki niyat aap ke andar hogi, to bil farz koi baat ghalat aa jaye aap ke zehn mein to pakar nahi hogi is ki.

to asal cheez hai inma al awal bil niyyat aap ki niyat durust ho, aap ka intention durust ho, yeh asal ahmiyat hai. baqi cheezen irrelevant hain. maulana, un ka doosra sawal yeh hai ke hadith jibril mein dawat ka zikr kyun nahi kiya gaya? hadith jibril apne aap mein dawat hai.

jab mein is ko parh raha tha to mein ne socha ke aasman se aik farishta aya, woh dawti to thi woh, batane ke liye. allah ne farishta bheja ke jao mere baddo ko bata do أَطَاعْكُمْ لَوَلَّمَكُمْ مِنْ دِيْنِكُمْ woh tumhare paas aaye tumhara deen batane ke liye. to deen ko batana yahi to dawat hai.

woh ek demonstration diya unhon ne ke deen ko batane ke liye safar karo. toh mujhe ek waqea yaad aaya ke abhi bangalore mein hamare saathi hain sarah fatima, toh woh walk karne gayi theen kisi park mein. toh wahan unhon ne dekha ek ek darakht ke neeche ek lady khadi hui hai. ek senior lady, ek hindu lady. toh woh qareeb gayeen toh bohat sad theen, bohat hi ghamgeen theen woh.

toh unhon ne poocha ke aap kyun ghamgeen kyun hain? toh unhon ne dekha ke dekho yahan par ek owl ka bachcha, yaani ullu ka bachcha gira, upar se gir pada hai. woh urr nahi sakti a aur is ko koway noch rahe hain. main yahan khadi hoon, kowon se bachane ke liye bhi khadi ho gayi yahan par. toh unhon ne kaha ke aap pareshan na hon, main abhi is ko karti hoon. toh daud kar ghar gayeen, woh ek bas apne saath ek ek thela laeen, us bohat achhe tareeqe se us ko lapet kar thele mein rakha.

unhon ne kaha ke dekhen bangalore mein ek hospital hai, wahan is ka ilaaj hota hai. woh log ilaaj kar ke us ko free kar dete hain aur bohat nominal charge lete hain is ka. toh main is ko wahan pahunchati hoon. aaj hi pahuncha doongi, aap bilkul dhyan rakhiye. achha, is ke baad doosri pehlu suniye. jab woh ghar gayeen thela laane ke liye toh saath saath unhon ne quran bhi le liya. angrezi ka quran. woh lady parhi likhi thi.

toh unhon ne kaha ke main bhi ek NGO se ta'alluq mein raha hoon. hum quran distribute karte hain. toh woh lady bohat khush hui. unhon ne kaha ke main ek international NGO hoon, is ki member main hoon. aur main saare mulkon mein jaati rehti hoon. toh us ne ek aisi ajeeb baat kahi. us ne kaha ke main ek hindu family mein paida hui toh mujhe ghar mein geeta mil gayi. geeta mere paas hai. meri education hui ek christian school mein. wahan mujhe bible diya gaya. toh geeta aur bible mere paas ho gaye. ab main saari duniya ke mukhtalif mulkon mein gayi hoon lekin kisi musalman ne kabhi mujhe quran nahi diya tha.

aaj aap ne quran diya mujhe. toh bohat khush hui woh. toh main samajhta hoon ke ek demonstration tha ke allah taala ne jibril ko bheja ke jaao mere bando ko batao. aur phir bando ka hi karna hai ke jagah ja kar bataen woh. woh jo hai is mein ke lawallamkum min deenikum ke jibril aaye hain tumhare paas tum ko batane ke liye tumhara deen. yahi toh sab ko karna hai ke jagah jagah jayen aap.

logon ko allah ka jo bataya hua deen hai us ko pahunchayen. lekin is is is is lady ne yeh kaha toh bohat mujhe ajeeb laga ke kitne mulkon mein woh gayi hoon, kitne musalmanon se is ki mulaqat hui hai. kabhi kisi ne us ko quran nahi diya. toh humein toh ek jazba is se milta hai ke allah ne jab farishton ko bhej diya ke ja kar mere bando ko deen batao toh mujhe bhi yahi kaam karna hai. ke allah ke bando ko allah ka deen pahunchana hai. yeh toh bohat bada pehlu is ke andar maujood hai. maulana, agla sawal dilli se hai abdul rehman sahib