Living in God's glory instead of self-glory

maulana, agla sawal delhi se hai, miss naghma sadi ki ka. Unhon ne likha hai: "Recognizing God's sign necessity that we do not live in our own self glory, but live in the glory of God. please let us know how can we do this?" dekhen, haqeeqat to yahi hai ke har glory Khuda ki glory hai. har barhai Khuda ki barhai hai. to jab hum sochen ge to hum is ko daryaft kar len ge.

aaj mein isi baat par ajeeb baat hai ke aaj hi subah ko mein isi par soch raha tha. to sochte sochte yeh samajh mein aaya ke mein apne barhapay ko le kar soch raha tha. barhapay ko le kar bas to mein ne socha ke yeh barhapa jo hai, bohat bari nemat hai, blessing hai. yaani apna jo jo jo mere andar za'f aa gaya hai barhapay ki wajah se, us ko le kar soch raha tha mein. to mein ne socha ke barhapa bohat bari blessing hai, kyunke barhapa jo hai, aap ki daryaft ko aakhri had tak pohanchata hai. misalan ajz hai. mein is se pehle bhi janta tha ke ajz kya cheez hai, lekin mein samajhta hoon ke ab jo jitna jana hai, mein ne itna pehle nahin jana tha.

mein ne ab har kaam mein mujhe lagta hai ke mein ajiz hoon, kamzor hoon. har kaam to yeh Allah taala ki blessing hai ke aap ko jo haqeeqat waqea jo hai, jo jo fact hai, us fact se aap ba-khabar karne ke liye Allah aap par koi tajurba guzaare, koi shock lagay, koi challenge ho. to yeh to bohat achhi baat hai. to mein ne socha ke yeh jo taqseem hai bande aur Khuda ke darmiyan ke bande ki taraf ajz hai, Allah ki taraf qudrat hai, is ki takmeel hoti hi nahin hai baghair barhappe ke.

yaani banda apne ajz ko janne aur Allah ki qudrat ko jaane, yeh matloob hai. Isi ka naam ma'rifat hai. Lekin is ma'rifat ki takmeel mein samajhta hoon ke mein apne lihaaz se bata raha hoon, apne apne tajrube ke lihaaz se, is ki takmeel barhappe ke baghair hoti nahin, jaisa ke mujhe nahin hui. Yeh bohat ajeeb sa aaj aaj subah mein soch raha tha ke Khuda mujhe yaani safar karate karate wahan pahuncha diya us ne ke jahan sach much hi mein samajhta hoon ke mein to ajz ke siwa kuch bhi nahin hoon. qudrat saari Allah ki taraf hai. To behal yeh saara muamla sochne par hai ke log boodhe ho kar bhi kuch baat nahin samajhte. Boodha ho kar chidchide bane rehte hain, chidchida ghussa yeh sab karte hain. Woh barhappe se un ka ghussa barh jata hai.

to ma'rifat saari ki saari is par depend karti hai ke aap ka sochne ka maada kitna hai, tadabbur kitna hai, contemplation kitna hai. jitna contemplation hoga, utni ma'rifat hogi. Maulana, agla sawal Dr. Waqar Alam sahib ka hai, America se. Unhon ne likha hai: "Maulana sahib, Alhamdulillah, you are the only one who observes the ayat of Allah in ordinary things.