Topics for meeting to establish peace

ah apa, yeh aik sawal aur aya hai: Arman Khan sahib ne likha hai ke: "hum logon se mil kar kiya baat karein jis se muashre mein ah peace qaim ho?" to is ke baray mein bhi kuch advice dein. sirf milna julna bhi kafi hai, baat to koi bhi controversial baat nahi karna chahiye, aur aapas mein milein julein. interaction in itself is is enough. jab aap milein ge to achi baatein hi karein ge, taluqat banein ge. kabhi un ki koi zaroorat hai aur aap poori kar sakte hain to is ko aap poori kariye. to aise bohat sare mauqe hain jis par hum kisi ke liye hum ne kuch kaam kiya to woh bohat ziyada grateful ho jata hai. to kisi ko taleem mein khaas tor par is ke liye kaam kariye, kyunke taleem hamare mulk mein bohat kam hai aur Muslims mein to taleem mein bohat peechay hain.

to jo hai Islam ki khaas tor par Maulana jo kehte thay, woh Islam ki jo peaceful teachings hain, us ko discuss kariye. doosre ka bhi dekhna parhe ga na ke woh kis tarike ki cheezon mein interest rakhta hai, to is ka bhi khayal rakhna parhe ga. aur foran hum controversial baat na karne lagein. to jaise mein ne abhi bataya ke woh trinity par log baat karna shuru kar dete hain, to in jo common ground hai, us par baat karein . ab woh doosre log agar society mein peace lana chahte hain, social work karna chahte hain to aap us par baat kariye.

aur jaise jaise mauqa ho, waise baat kariye. agar Maulana se koi poochta tha ke bhai namaz ke baray mein bataiye, roze ke baray mein bataiye, tab woh batate thay. to jaisa mauqa ho, waise hi baat kariye, warna general baatein kariye, interaction kariye, dialogue kariye. is is ki is ka bhi point of view suniye. dialogue ka matlab hi hai sharing, to is ki baat suniye. kyunke har aadmi ke paas kuch achi baatein hoti hain, us se hum learning kar sakte hain. to Maulana aise hi kiya karte thay, to apni baat bhi kahiye aur us ki baat bhi suniye. log kiya karte hain? bas apni baat bolte rehte hain, apni baat bolte rehte hain.

to is tarike se dialogue nahi chalta hai. to baat karte karte woh khud hi samajh mein anay lage ga ke kiya kaise baat karni chahiye. to kyunke insaan ki fitrat mein hai mil jul kar rehna, peaceful tarike se rehna, mil jul kar rehna, aik doosre se achay taluqat karna. yeh to waqti tor par aisa ho jata hai ke kisi baat par ke ghussa dila diya jaye. misal ke tor par yahan par juloos bohat niklte hain, barat ka bhi juloos hota hai, festivals mein juloos hote hain. to Musalman kiya kehte hain? ke masjid ke samne se juloos guzre ga to route badlo.

to ab juloos mein aik bar aik police officer ne Maulana ko bataya tha ke juloos mein kai hazar log aam tor par hotay hain, to woh log apne aap ko bohat hi powerful samajhte hain. woh aik individual akela nahi hai ke aap ki baat sun le ga. woh samajhte hain hamari bohat taqat hai, hamein kaun kuch kar sakta hai. to woh baat nahi sunte, woh route badalne par, woh route na badalne par israr karte hain. to baat nahi sunte, wahan se phir ghussa hota hai, woh maar peet shuru ho jati hai, jhagda shuru ho jata hai. to is tarike se baat aage barhte barhte barhte woh fasad ki shakal ikhtiyar kar leta hai. to hamein chahiye ke hum baat ko wahin khatam kar dein.

to Maulana ne bar bar bataya ke wahin khatam kar dijiye. wahan kai bar bataya ke wahan kuch haar rakh ke rahiye, aap un ko leaderon ko pehna dijiye. aur woh leaderon, leader jo hain, woh sare khush ho jatay hain, sara masla hal. aur aik bar aik Maulana Akbaruddin sahib thay, yeh wohi log thay jinhone Maulana ki literature ko bohat parha hua tha. to woh Hyderabad mein thay, woh ittefaq aisa tha ke kabhi kabhi aisa hota hai ke do tehwar jo hain, woh mil jatay hain. to Eid Milad un Nabi ke mauqe par un ke haan woh un ka aik school bhi tha, to woh aik program kar rahe thay, bahar tent laga hua tha. aur ittefaq aisa tha ke woh hinduo'n ka bhi jaloos nikal raha tha. to jaloos jab qareeb aaya to us ne kaha ke aap apna yeh sab hata lijiye, kursi kursi, hamara jaloos guzarne wala hai.

to maulana akbaruddin sahib ne kaha ke theek hai, aap mujhe bas das pandrah minute de dijiyega, hum abhi hata lete hain. itna kehna tha ke woh log naram pad gaye. aur kyunke ego jab hurt hota hai, jab aadmi gussa hota hai ke yeh hamari baat nahi maan rahe hain, to unho'n ne jab kaha ke hum to das minute pandrah minute de dijiyega, hum hata lete hain, to unho'n ne kaha molvi sahib, molvi sahib, aap apna program karte rahiye, hum unho'n ne khud kaha ke hum apna route badal lenge. to yeh tareeqa hai baat karne ka. yeh sab baat cheet ka jo tareeqa hai na a, yeh jitna zyada baat cheet karenge, utna hi samajh mein aayega ke logo'n se baat cheet kis tareeqe se kare'n. to yeh is mein matlab amli masla hai, baat cheet karne se khud ba khud samajh mein aayega.

ji, unho'n ne ek aur comment bhi jha hai ke CPS team Allah aap logo'n ke kaam mein barkat aur khair ata kare, aameen. apa, ek comment aya aur isi se mein agla sawal bhi jodna chahunga jo bheja hai Kanpur se. comment bheja hai Imran Ahmed sahib ne Dilli se, unho'n ne likha hai: "ma sha Allah, apa middle nation hone ke bana par hamari zimmedari hai ke hum kisi bhi qeemat par India mein aur poori duniya mein peaceful mahaul