Preparing for academic activities in Paradise

maulana un ka ek aur sawal hai. unhone likha hai: "aap ne farmaya ke paradise mein academic activities bhi hongi. is academic activity mein hissa lene ke liye duniya mein apne aap ko kis tarah tayyar kiya jaye, iske bare mein bataein." bhai, mere khayal se to sab se bari baat jo hai, woh woh hai complex free banana apne aap ko. complex free banana sab se bari shart hai. isi ko kehta hai quran mein "nafs al-mutmainnah" . "nafs al-mutmainnah" banana. complex free insaan.

yeh bohat mushkil kaam hai. tarah tarah ke complex aadmi ke andar hote hain. dhoond dhoond ke nikalna padta hai. aaj kal to yeh haal hai ke agar kisi ke complex ki ko point out kiya jaye, us ki nishandahi karein to ghussa ho jata hai. woh offend ho jata hai. abhi mein jo tajruba karta hoon insanon ka, agar bataya jaye ke tumhare andar falan complex hai to woh ghussa ho jayega. to mein samajhta hoon ke yeh kaam khud aadmi karega, tabhi hoga. doosre ko batane se hone wala nahi hai. khud aadmi ke andar jazba ho, khud dhoond dhoond kar nikale apne. maslan ta'assub hai, nafrat hai, aur yaani khud hi hai.

apne aap ko apni ghalti ko na manane ka mizaj jo hai, apne aap ko hi koi samajhna ke hum hi theek hain. yaani tarah tarah ke complex, un ka naam bhi nahi, un ki listein bhi nahi banayi ja sakti. to isi ko rasool Allah ki jo dua hai, isi maani mein hai ke "rab Allah muni Allah an alhaq haqan warab albatil batilan warab alihsan wan alashya kama hai " . ke a Allah, ke mujhe haq ko haq ke roop mein dikha. a Allah, mujhe batil ko batil ke roop mein dikha. a Allah, mujhe cheezon ko waise hi dikha jaisa ke woh hain. yeh bohat hi mushkil kaam hai. log haq ko batil ke roop mein dekhte hain, batil ko haq ke roop mein dekhte hain.

complex ki wajah se. to jitna zyada koi aadmi apne complex free banaye ga, utne zyada akhirat ke jo aala activities hon gi, intellectual activities, is mein shareek ho sake ga. jannat ki jo bohat hi high qism ki intellectual activities hon gi, is mein wohi log shareek ho payen ge jo apne aap ko poori poori tarah complex free banayein aur "alnafs almutmain" banayein. maulana agla sawal Dilli se hai, Anas sahib ka. unhon ne likha hai: "hadees mein aaya hai ke question half knowledge hai, is ka kya matlab hai?" is ka matlab hai ke sacha saail kaun hai, yeh hadees bata rahi hai.