Practical in matters, ideal in dealings

Miss Aisha ne Delhi se sawal kiya hai. Unho ne likha hai: "Ek baar aap ne farmaya tha ke aadmi ko chahiye ke woh doosri cheezon ke muamle mein practical ho, lekin dealing ke muamle mein us ko chahiye ke woh ideal sabit ho." Kindly explain this. Dekhein, ek hai aap ka muamla Khuda se, ek hai aap ka muamla insaan se. To jis cheez ko hum riayat rukhsat kehte hain, woh sirf Khuda ke muamle mein hai, insaan ke muamle mein nahi hai. Insaan se aap len den karte hain, paise ka len den, zameen ka len den, muamlaat ka len den, to wahan par aap ko rukhsat ya concession nahi lena hai.

Bahut zyada, bahut zyada honesty ke saath rehna hai. To insaan se dealing karte hue main samajhta hoon ke azmat ka tareeqa hona chahiye. Wahan Allah ka jo muamla hai, wahan aap ko Allah ne rukhsat di hai. To doosra main yeh kahunga ke ek hai nafa-e-aakhirat, ek hai nafa-e-dunya. To nafa-e-aakhirat ke muamle mein Allah ne rukhsat di hai, uska amal kar sakte hain aap. Lekin nafa-e-dunya ka jahan muamla ho, wahan bahut zyada ehtiyat karna chahiye aap ko. Wahan koi rukhsat nahi hai. Misaal ke taur par, aap ne farz kiya kisi se paisa liya,

is wadeh par ke aap das din mein de denge, to kabhi bhi gyarviN din na hone dijiye. NauveN din pahuncha dijiye us ko. GyarviN din ke maani ke aap rukhsat le rahe hain, riayat maang rahe hain, yeh bilkul galat hai. To har dealing ki jitni bhi shakalain hain jo samaaj mein hoti hain, chahe khandan mein ho ya khandan ke bahar, to jitni bhi dealing ki shakalain hoti hain, us mein bahut sakht ehtiyat karni chahiye aadam ko. Is mein har giz rukhsat aur riayat ya lachak nahi hona chahiye. Maulana, un ka ek aur sawal hai. Unho ne likha hai ke Quran ke chapter number 103 Al-Asr mein "Tawasi bil Haq" aur "Tawasi bis Sabr" ka lafz aaya hai.