Categories in Paradise and qualifying for highest

Maulana, yeh sawal Mumbai se aya hai Fawad sahab ka aur unhone likha hai: "Maulana sahib, it is mentioned in the Quran that there are various categories in paradise. Please tell us what are these categories and how one can qualify for the highest category?" meri samajh se do hi category hain. quran mein hai jannatan, yaani do jannatein hain. sab category ho sakti hai lekin basically do darje hain jannat ke: min doonihima jannatan, yaani do jannatein hain.

to quran mein doosri jo ayat hai us se maloom hota hai ke jannat wale jo hain ek hain as-sabiqun aur ek hain muqtisad. do title diye gaye hain. as-sabiqun ka lafzi matlab hai aage badh kar allah ke raaste mein aage badhne wale aur muqtisad ka matlab hota hai darmiyan darmiyani darje ke log. yaani ek hai forward group aur ek hai right group.

to forward group mein woh hai jo badh badh kar ke deen mein hissa le. aap ka tajurba kya hoga ke do qism ke log hote hain: ek woh hain jo darmiyani darje ke log hote hain aur woh kuch soch samajh kar chalte hain, kuch doosre taqaze bhi hote hain un ke saamne, kuch jannat ke aur khuda ke taqaze bhi. to woh ga muqtisad hain. to muqtisad ke liye bhi jannat hai lekin woh log jo jannat ke aala darjon mein jagah payenge woh as-sabiqun hain, badh badh kar.

yaani koi reservation nahi, koi doosra consideration nahi, koi distraction nahi, koi aur interest nahi. sab kuch jhonk dein apne aap ko. jis ko main kahoon ke apne aap ko allah ke liye jhonk dene wale. aur ek woh hain ke woh kuch family ke taqaze hain, kuch business ke taqaze hain, kuch job ke taqaze hain. is ko bhi poora karte hain aur saath saath woh allah ke taqaze bhi poora karte hain.

to kaha main kahunga ke fifty fifty ka maamla jinka ho, yaani fifty percent doosre taqaze, fifty percent allah ke taqaze aur hundred percent. to kaha do group hoga: ek woh jo fifty fifty ka formula ikhtiyar kare, chalo bhai fifty percent allah ko dena hai aur fifty percent doosre jo hamari zimmedariyan hain is ko lena hai, family hai, bachche hain aur doosre worldly interest hain. to jo fifty fifty wale formula par chalein, un ke liye darmiyani jannat hai aur jo hundred percent apne ko jhonk dein allah ke raaste mein, un ke liye firdous se aala jannat hai. un ko as-sabiqun kaha gaya hai.

maulana, agla sawal dilli se hai shah imran hassan sahab ka. unhone likha hai: "quran mein bataya gaya hai ke paradise in logon ke liye hai jo apna tazkiya karein.