Reader of Al-Risala and tension

bilkul dono alag alag cheezen hain. is par mein ne likha hai risalay mein, aap parh lijiye is ko. yeh cheez aa chuki hai. maulana, agla sawal karachi pakistan se mr abdul lateef ka hai. unhon ne likha hai: "mein poore yaqeen ke sath yeh baat keh sakta hoon ke sahi maano mein al risala ka qari doosri jismani beemariyon mein to mubtala ho sakta hai, lekin tension ki beemari mein wo kabhi bhi mubtala nahi hoga. maulana sahib, kya mera yeh tabsarah durust hai?" mein to samajhta hoon ke bilkul sahi hai. is mein koi shaq nahi ke al risala logon ko tension free banata hai. bashart ke risala parhen theek se. yani kai log aisay hain jo kehte hain ke mein risala qari hoon.

jab poohta hoon to koi baat nahi bata paate wo. to isi liye mein ne un ke sath likha tha risalay mein ke jis ne risala aik bar parha us ne nahi parha. jis ne do bar parha us ne bas parha. lekin us ne kai bar parha us ne sach much parha. is se sach much faida liya us ne is ka. to al risala jo baqayda is tarah se parhen ke is se aks kar saken aur is se faida utha saken to zaroor al risala mein aisay hi item hamesha hua karte hain. lekin mushkil yeh hai ke log adabi cheezon ko parhne ke aadi hain, akhbar waghera parhne ke aadi hain. to risala dekha, parh liya, rakh diya.

samajhte hain ke bas. lekin jo baqayeda padhte hain to bilashuba woh instention free ban jaate hain. jo baqayeda padhte hain. maulana, unka doosra sawal yeh hai. unhone likha hai: "aaj ka insaan apne bachon ki islaah ke liye kya tareeqa apnayen? kya walidain islaah ke liye apne bachon ko maar sakte hain?" nahi, bachon ko maarna to main bilkul hi galat samajhta hoon. yeh hai counter productive. ulta nateeja niklega. hargiz nahi. lekin main manta hoon ke bachon ke sab se bare dushman unke walidain hote hain.

is zamane mein khaas taur par sab se bare dushman bachon ke unke walidain hain. kyun? yeh pampering karte hain. pampering. saare maa baap pampering karte hain. masla kama kama kar kya karenge? easy money bachon ko denge. easy money jo hai sab se buri cheez hai. to bachon ki islaah ka aaghaz maa baap ki islaah se hota hai. b

ache jo maa baap bache ko maarne ka right lena chahte hain, aap khud apne ko maar rahe hain. bachon ko maarna chahte hain, khud maarein apne aap ko. apni pampering ko khatam karein. apne chhote laad pyaar ko khatam karein. easy money bachon ko dena band karein. yaani bachon ko maa baap hi hain jo sab se zyada yaani bigaadte hain. aur sab se bada bigaad kya hai ? dekhiye, maa baap ghar mein jo jo mohabbat ka jo mayar hai, woh galat mayar uske dil mein daalte hain.

maa baap bachha jab ghar mein hota hai to kya hota hai? munh se nikla aur cheez tayyar. munh se bol diya, bas usko cheez mil gayi. achha, jab bahar nikalta hai woh to lagta hai ke wahan pe to kuch hi koi dene wala nahi usko. mehnat karo to power nahi, to kuch nahi milega tum ko. to saare insaan ke dushman samajh leta hai woh. bas bas kehta hai ke bas meri maa, mere baap aur kisi se koi mohabbat nahi usko hoti. jisko bhi dekh lijiye, aap andar cheer kar ke maa baap se mohabbat mohabbat karega aur doosre insaanon se nafrat karega woh. main ek martaba wahan gaya saharanpur, wahan chaar hindu naujawan mujh se milne ke liye aaye hotel mein. chaaron ne ek hi baat kahi. unhone kaha hum apna experience aap ko share karna chahte hain.

jab hum ghar mein the to maa baap jo munh se nikla poora kar diya, jo munh se nikla poora kar diya. ab jab duniya mein hum aaye hain, yahan koi hamara yaani aisa nahi milta ke woh munh se nikle woh p ura kar de. ab koi mehnat karna hai, hard work karna hai, tab cheezein milti hain. to yeh contradiction hai hamari zindagi mein. kya isko kaise explain karein? to yeh maa baap jo hain, duniya ko nafrat karne wale insaan supply kar rahe hain. kyunke jis tarah se maa baap karte hain ghar mein, woh woh duniya nahi karne wali hai.

duniya nahi karne wali hai aisa. duniya ko to jo jitna aap denge, utna duniya se milega. to ghar ka mahaul jo hai, yaani receiving without giving hai. ghar ka mahaul jo hai, aaj kal receiving without giving. aur jab bahar nikalta hai aadmi to uska ulta hota hai. yaani giving account to account, yaani receiving. jo kisi ne sahi kaha hai ke "in giving that we receive".

jitna dena hai, utna paana. yaani bahar ki duniya ka formula yeh hai ke jitna doge, utna paoge. ghar ki duniya mein kya hai? tum ko dene ki zaroorat nahi hai, bas tum ko sab kuch milta rahega. aise maa baap mere mere bachchon ke sab se bare dushman hain. aur insaniyat ke dushman hain. yeh insaniyat ke dushman hain. kyunke duniya ko nafrat karne wale insaan bhej rahe hain. har ghar ek karkhana bana hua hai matnafar insanon ko banane ka. main yeh shayari nahin kar raha hoon, main mera tajruba bata raha hoon, tajruba. ke ke aaj kal ke jo log hain, bas meri maa, mera baap yeh toh khoob karte hain, lekin baqiya insaan se un koi dilchaspi un ko nahin hai.

kyunke baqiya insaan ko woh pampering nahin karta. woh blast pyar nahin karta jo ghar mein in ko mila tha. main is ka sakht khilaf hoon. is ka main is ke is bare mein bohat hi zyada sakht hoon. is mein koi main riayat karne ke tayyar nahin hoon. maulana, agla sawal hyderabad se aaya hai mr zeeshan ka. unhon ne aapse poocha hai: "What is the significance of interpretation of dream?