Importance of Al-Risala mission for scholars

asrar ul hasan umri sahib ne tamil nadu se sawal kiya hai. unhon ne likha hai: "ulama aur arabic background wale logon ke liye al risala mission ki ahmiyat kya hai? aur ulama kis tarah is mission ko poora faida utha sakte hain?" dekhiye, ulama jo hain zyada behtar taur par is position mein hain ke woh is mission ko samjhein. kyunki is mission mein jo terminology istemal hoti hai, us ko samajhne ke liye background chahiye. woh background ulama ke paas hota hai. agar ulama ke paas woh background nahi hota to doosre log sirf sirf juzwi taur par is ko pakad payenge. jaise maine abhi qissa bataya aap ko: "faida hai talqaf paya fukoon." ab jo log quran padhe hue hain, arabi jante hain, zyada achhi tarah is ko pakad payenge.

yaani un ke andar grass zyada hoga, aks zyada hoga. to is mani mein ulama jo hain, woh hamare mukhatib awwal hain. kyunki un ke paas woh background hai jis se woh samajh sakte hain in baaton ko. doosre log jo hain, woh itna zyada grass is ka nahi hoga un ka. kyunki un ka background background nahi hua. qudratullah sahib ne dilli se sawal kiya

hai. unhon ne likha hai: "aap ke ilm ke mutabiq is waqt woh kaun sa firqa hai jo quran aur hadith se zyada qareeb hai?" achha, koi firqa kabhi nahi hota. afraad hote hain. yaad rakhiye, hamesha afraad hote hain. firqa nahi hua karta koi. yeh soch hi bilkul baseless soch hai. buniyad par firqa, buniyad par system, buniyad par hukumat, yeh soch hi bilkul baseless hai. afraad ka aitbar sochiye bas.

aur aur doosri baat yeh hai ke aap ki zimmedari nahi hai. yeh allah ka mamla hai. aap ki zimmedari hai ke aap khud daryaft karein sachai ko aur us par chalne lagien. kaun sa firqa zyada jo hadith mein aata hai ke ke meri ummat jo hai 73 firqon mein bat jayegi. aur aap ne farmaya ke is mein se kul fi nar illa millatun wahida. to yeh aap ki zimmedari nahi hai. yeh allah ki zimmedari hai ke woh un mein jaane ke us ko kaun kahan hai. aap ki zimmedari sirf yeh hai ke aap sachai ko daryaft karein aur khud apne ko is raaste par daal dein. bas.

maulana iqbal umri ne tamil nadu se likha hai: "maujooda daur mein quran ke sound art ka daway se kya role hai?" dekhiye, mera matlab yeh nahi ke hum is ke qirat sunayen logon ko. yeh mera matlab harghiz nahi hai. yeh is ka zimni pehlu hai. abhi bhi aise waqiyat hain aur bhi bohat se. maslan woh jo hai arbry, ek angrez tha, woh morocco gaya ek baar. to ek hotel mein thehra. to hotel mein kisi aur doosre hotel mein ek arab thehra hua tha.

to us ne tape khola, koi kisi arab arab qari ki qirat. woh arab log bohat sunte hain, qirat hain. to woh sun raha tha, khol kar ke. to arbry kaan mein awaz aayi. to us ki awaz us ko bohat hi, yaani bohat hi zyada pasand aayi us ko. to us ne tehqeeq ki, aakhir kaun kaun si, kaisi awaz thi yeh. to maloom hua ke yeh to quran tha. to arbry ne is ke baad arabi padhi, arabi padh ke quran padha. aur phir us ne quran ka tarjuma kiya. arbry ka tarjuma hai quran majeed ka english zaban mein mashhoor hai.

to is ka qissa yeh hai: pehle is ne qirat suni, phir arabi parhi, aur phir is ke baad is ne quran ka tarjuma kiya. aise hi woh hai mauj baqai bhi kaha lijie. woh french zaban thi us ki. phir is ne arabi parhi, arabi parh ke quran parha, aur phir is ne bohat zabardast kitab likhi. to is mein shakk nahi ke quran mein sound art bohat zyada hai. lekin is ka matlab nahi ke isi ko le ke hum, yani le ke hum wohi, wohi, wohi koi sab se asal kaam wohi hai.

asal kaam quran ke mani hain. kyunke asal cheez yeh hai ke insan ke andar aap khuda ka darr paida karein, khuda ki mohabbat paida karein, jannat ka shoq paida karein, jahannum ka andesha karne lage aadmi aise insan paida karein. yeh sab baatein matloob hain. maulana abdul basit umri ne doha, qatar se likha hai: "maulana, aksar log bar bar yeh kehte hain ke falah kitabein mat parho, falah ki tafsir ka mutaliya mat karo, warna tum gumrah ho jao ge.

sirf salaf ki kitabein hi mustand hain. maulana, mujhe yeh baat bohat ajeeb lagti hai. maulana, koi yeh nahi kehta ke allah zinda hai, kisi ki bhi kitabon ka mutaliya karne se mat daro. allah ke hote hue tumhein kuch nahi hoga. dua ke zariye tum har ghalti se bach sakte ho. aisa lagta hai ke khuda par aqida zinda aqida nahi. logon ko itminan dilane ki bajaye darrate rehte hain. is ke bare mein kuch bataein. bilkul sahi kaha unhone. log jante hi nahi ke ke allah se bande ka contact hota hai. anaji rabbahu hadith mein aata hai.

anaji rabbahu bande aur khuda ke darmiyan sargoshi hoti hai. is ko log jante hi nahi. to mein apna tajruba arz karta hoon. bohat pehle ki baat hai jab adam bada darta tha. to ek baar tha wahan ke shibli national college hai, wahan par. wahan gaya mein. pehle mein libraryon mein jaya karta tha. to wahan par burton russell ka poora set aaya hua tha. jo mashhoor falsafi hai, british falsafi burton russell. to is ka set aaya hua tha, kai kitabein

theen. to mein library se kaha ke yeh kitabein mujhe aap de sakte hain. to unhone kaha yeh to bas aa ke rakhi hui hain, koi parhta hi nahi is ko. aaj tak kisi ne is ko liya nahi. aap zaroor le jaiye. to sari kitabein mein ek hi din use le kar aaya. aur is ko parhna shuru kiya. jab mein ghar le aaya to meri biwi theen. to meri biwi ne kaha ke ab to aap zaroor gumrah ho jayenge. kyunke mashhoor tha ke maine un se kaha bhi tha ke burton russell zamane sahib bada mulhid aadmi hai. to unhone kaha aap to zaroor gumrah ho jayenge.

mein aap se kehta hoon ke burton russell ki kitabon mein mujhe woh azeem nuqta tauheed ka jo kisi kitab mein nahi mila tha. sare ulama ki kitabon mein nahi mila tha. bohat kitabein mein ne ulama ki parhi hain. agar aap chahenge to is ki tafseel bayan kar sakta hoon mein kisi is mein ke ek kitni bari baat mili us ki kitab mein mujhe jo tauheed ke haq mein thi. is ka matlab yeh nahi tha ke woh khud muwahid tha ya woh khud مبلغ tha, yeh matlab nahi hai. aap ke andar aql honi chahiye. mein woh kitabein parhin, dua kar ke.

mein tareeqa yeh tha ke mein do rak'at namaz parhta tha, dua karta tha, phir kitab parhta tha. to mein ne dua kar ke kitab parh he. to yeh ilhad mein dakhil ho kar is mein mujhe tauheed mili. to aap ab khuda par, yani yeh to zaeef ul-itiqadi ki baat hai. aap ko khuda par bharosa nahi ke khuda aap ki rehnumai karega. yani rozana hum namaz parhte hain, ihdina al-sirat al-mustaqim, lekin amal mein kuch bhi nahi. Allah se dua kar ke kitab parhiye. jo log aisa kehte hain, woh yaqeen kijiye ke woh Allah par bad-gumani kar rahe hain.

Allah ka underestimate kar rahe hain. Allah ka naoozubillah, naoozubillah, izzat bayan kar rahe hain. aise logon ko main bohat zyada, yani be-khabar samajhta hoon. bilkul be-khabar. insaan ke andar jo zehn, dimagh, Allah ne is se hi be-khabar hain. woh Allah ki taqat se be-khabar hain. aise log jo log aisi baatein kehte hain, un ko na pata hai ke insaan ka to kitna potential hai, us ke dimagh ka itni salah yat hai. nahi yeh pata hai ke Allah kehta tha, insaan ki rehnumai karta hai. kisi ko pata nahi. aur yeh wajah hai ke aaj ke zamane mein jo ek sahib ne kaha na ke forceful tareeqe se woh log aa rahe hain, is liye aa rahe hain ke jo jinho ne pesh karna tha Islam ko, woh woh isi qism ki be-khabari mein mubtala hain. yani ke be-khabari, ek case be-khabari.

maulana, yeh sawal aaya hai Mr. Idrees ka Raipur se. unho ne likha hai ke in Tazkir-ul-Quran introduction page number eight, the last line of the first para you have mentioned, fitrat aur kainat agar aadmi ki khamosh rehnuma hai to Quran ek shabdi rehnuma.