Immediate Afterlife or Waiting for Judgment?

hamara agla sawal bhi karachi pakistan se hai, miss saira lateef ka. unhon ne likha hai ke kya maut ke baad insaan jannat ya jahannum mein foran dakhil ho jata hai ya use qayamat ke din ka intezar karna padega aur hisab o kitaab ke baad jannat ya jahannum mein dakhil hoga? us ke baare mein bataein. dekhiye, yeh sab bhi mere nazdeek shaitani soch hai. yaani kyun log drift kar ke aisi baatein sochne lagte hain jis se na un ka imaan badhe, na un ka yaqeen badhe? yeh saara focus apne upar kyun nahi dete? aksar yeh baatein log poochte hain mujh se. ek saahib mere paas aaye, muradabad se. aap kehte kya hain ke main muradabad se aap se sirf ek sawal poochne ke liye aaya hoon. woh yeh ke do aadmi hain jin ko ke jannat ka nahi faisla hua, jahannum ka faisla hua.

un mein se ek aadmi paida hua das hazaar saal pehle, ek aadmi paida hua aaj. toh kaha ke us aadmi, woh aadmi das hazaar saal se jahannum mein jal raha hai. ek aadmi ka aaj se shuru hoga. toh ek hi amal ke liye ek ko zyada kyun, ek ko kam kyun? main ne kaha astaghfirullah, isi ke liye aap muradabad se dil le aaye hain. dekhiye, main aap ko naseehat karta hoon, aap sab saathiyon ko ke kabhi bhi is soch mein mat padhiye. pehle sochne se pehle soch lijiye ke is mein kya mere imaan ka faida hai? kya is se mera shukr badhta hai? kya is se mera taalluq billah badhta hai? kya is se meri ibaadat mein khushu' badhta hai?

yeh sab sochiye. toh jis soch mein yeh baatein mil rahi hon, us ko samjhiye ke woh achhi soch hai. woh log shaitani soch samajh kar ke aoozubillah minash shaitanir rajeem padh dijiye. aisi har soch ko main bilkul shaitani soch samajhta hoon. aksar log isi mein phanse rehte hain. aksar log aadmiyon ko chahiye ke apne baare mein shukr, doosre ke baare mein dawat, yeh formula pakdein. apne baare mein shukr, doosre ke baare mein dawat, bas. aur har doosri cheez, soch jo hai, woh shaitani soch hai. hamara agla sawal dilli se hai, shahnawaz zafar sahab ka hai.