How to realize God and Paradise as reality

agla sawal apa mein leta hoon. yeh sawal bheja hai ahmedabad se irfan khan sahib ne, aur unhone likha hai: "how can people realize god and paradise as a reality?" iske bare mein batayein. is par to maulana sahib ne bohat zyada likha hai. aap unki kitabein parhiye, urdu mein bhi hain, english mein bhi hain. al-rabaniyah hai, allah akbar hai, kitab-e-marifat hai. sabhi kitabein jo hain isi subject par hain. to aap kitabein parhiye aur ghor-o-fikr kariye. woh tabassum aur tadabbur aur yeh sab zaroori hai. sirf parh lene se poori baat samajh mein nahi aati. aap thoda parhiye aur is par bohat hi sanjeedgi se ghor kariye, is par sochiye, is par logon se discussion kijiye.

to isi ko apna orhna bichona bana lijiye. tab aise nahi hoga ke kabhi zara sa kuch parh liya to aise nahi samajh mein aata hai. isi ko apni zindagi bana dijiye, apne aap ko devote kar dijiye. marifat aise nahi milti. koi choti cheezein bhi dunya mein aise nahi milti. iske liye bohat mehnat karni padti hai. to marifat aise kaise mil jayegi? to iske liye aap sab se pehle to aap study kariye, phir is par ghor-o-fikr kariye, aur is par logon se baat cheet kariye, discussion kariye. aur chhote chhote program bhi aap kar sakte hain. bohat sare aisa hota hai ke family mein hi log hote hain, rishtedar hote hain, dost hote hain.

unko bulaiye, in discussion kijiye. to is tareeqe se baatein jo hain na, bohat zyada gehrai se dimaagh mein baithti hain. to tabhi allah se qurbat hogi. to phir aap ko marifat aap ko hasil hone lagegi. allah se qurbat zaroori hai, jisko spiritual provision kehte hain. to yeh sab aap karenge to phir aap ko spiritual provision mein se hissa milne lagega. aaj kal jo khuda ki marifat se doori ka aik aham reason yeh hai ke hum dekhte hain ke hamare bhai hamare saath koi takleef deh kaam kar jaate hain to hum usko le kar baith jaate hain.

samajhte hain yahi asal cheez hai. rasool allah salallahu alaihi wasallam ke zamane mein bhi jitna aaj hum ko raha is se zyada hua. aap jante hain ke hijrat ke mauqe par rasool allah salallahu alaihi wasallam jab nikle to sab log aap ko talash kar rahe the. ghaar mein chale gaye, ghaar-e-soor mein. to woh log talash karte karte ghaar ke munh par aa gaye. us waqt hazrat abubakar ne yeh kaha tha: "allah ke rasool! agar woh apne qadam ko bhi dekhein to hum ko dekh lenge." lekin rasool allah salallahu alaihi wasallam ne is par dhyan nahi diya. bilkul yeh kaha: "la tahzan, inna allaha ma'ana." gham na karo, allah taala hamare saath hai. iske muqable mein dekhiye, abhi jis pas manzar mein baat ho rahi hai ke rasool allah salallahu alaihi wasallam kehte hain ke hazrat aisha kehti hain ke rasool allah salallahu alaihi wasallam jab bhi koi badal dekhte ya koi tabdeeli dekhte, aafat jaisi, bohat pareshan hote, bohat pareshan hote, darte rehte, duayein karte rehte ke allah taala is se khair nazil farmaye, is se khair nazil farma karte rehte. to aik taraf dekhiye, insaan ki jo takleef deh baatein thi, usko bhula diya, khuda ko uske muqable mein yaad kiya.

lekin jab khuda ki taraf se koi aafat jaisi koi cheez dekhte to bohat dar jaate the rasool allah salallahu alaihi wasallam. to yeh cheezein hain ke hum aaj hum shikayatein karte hain ke hum ko falan yeh nahi de raha, hum ko huqooq nahi mil rahe. yeh sab cheezon ko bhulana hai hum ko taake hum khuda ko yaad karein. insaan bohat sari cheezon ko yaad nahi kar sakta. ya to woh yaad karega dunya ki cheezon ko ya akhirat ki cheezon ko yaad karega. to yeh hum ko faisla karna hai. agar hum ko akhirat ki cheezon ko yaad karna hai, marifat ko yaad karna hai to hum ko bhulana padega dunya ki takleefon ko, insaan ki takleefon ko, museebaton ko bhulana padega. apa, agla sawal lena chahunga. yeh sawal bheja hai miss halima ne. unhone likha hai ke mera sawal hai ke qyamat ke qareeb quran pak ke alfaaz mita diye jayenge to kya jinhone quran hifz kiya hai,