Meaning of Qital Fitnah in Quran

is ke baad kuch sawal hain. pehla sawal aaya hai miss yasra anam hyderabad se, aur isi se milta julta maulana israr umri ne bhi sawal kiya hai chennai se. wo sawal yeh hai ke qital fitna kya hai? quran ki ayat jo hai "wa qatiloo hatta la takuna fitna wa yakoon ad deeno kulluhu lillah" al anfal 39 ke qital fitna kya hai? aur israr umri sahib ka sawal hai "religious persecution ko kis ne khatam kiya?" asal mein qital fitna jo hai woh refer karta hai religious persecution ko. to religious persecution ki wajah se duniya mein koi taraqqi nahi ho rahi thi, aur yeh bilkul creation plan hi ke khilaf tha.

kyun ke allah taala ne yeh duniya is liye banayi hai ke yahan insaan ko mukammal azadi ki halat mein rakha jaye, aur phir dekha jaye ke kaun sachai ka rasta willingly ikhtiyar karta hai, kaun nahi ikhtiyar karta hai. lekin jab religious persecution ka zamana aaya to logon ko mauqa hi nahi diya gaya un ko ke sachai ko ikhtiyar karein. to zabardasti jo deen state religion tha, bas usi ko par woh chal sakte thay. agar woh koi bhi doosra deen ikhtiyar karte to un ko sakht sazaein di jati hain. to yeh allah taala ko bohat ziyada napasand tha. is ki wajah se kuch jangain huin, aur jo empires theen, asal mein wohi pillars thay jo religious persecution, jo unhein jo roman empire aur sassanid empire, un ki wajah se yeh log apni poori taqat is mein lagaye hue thay ke koi bhi nayi cheez na aane paye.

to na sirf yeh ke religious persecution balkeh koi bhi taraqqi nahi hoti thi, woh kuch karne hi nahi dete thay kaam. to is ko khatam karna tha. wo empire khatam ho gayi to jang bhi khatam ho gayi. to aik baar aisa hua ke wahan chunchke islam aik tribal age mein aaya hai, to tribal age ki wajah se kya hai ke in logon ko adat hi thi jang karne ki. zara zara si baat mein jang karte thay. to hazrat ali ke zamane mein jang hui, hazrat usman ke zamane mein fitna hua, hazrat abubakar ke zamane mein fitna hua. un ko wahi adat thi, tribes aapas mein ladte rehte thay. rasoolullah sallallahu alaihi wasallam ne sab ko ittehad mein jod diya tha, lekin un ke jane ke baad phir wahi sab masail pesh aaye.

to hazrat abubakar ne bohat hi kamyabi ke sath is ko irtidad jo hua tha, woh khatam kiya. hazrat umar ke zamane mein kafi sukoon raha, lekin phir wahi ho gaya hazrat ali ke zamane mein, hazrat usman ke zamane mein. to hazrat ali ke zamane mein aise hi ho raha tha, sab log fasadi jama ho gaye thay, aur jang ho rahi thi aapas mein, fitna fasad. to woh log har aik ko chahte thay ke side lein hamara. to woh log abdullah ibn umar ke paas aaye. to woh abdullah ibn umar ke aap hamare sath kyun nahi dete? abdullah ibn umar ne kaha aur kaha ke fitne ka zamana hai, aap hamara sath dijiye fitne ko khatam karne ke liye. to abdullah ibn umar ne kaha hum ne fitna khatam kar diya, qad fa'alna, aur tum fitne ko dobara zinda kar rahe ho.

to jo fitna tha, woh nahi tha jo strife hoti hai, political strife, woh fitna nahi tha, balkeh religious persecution fitna tha, aur woh khatam ho gaya hazrat umar ke zamane mein. to is tarike se asal mein islam aaya tribal age mein. to islam ki jo taleemat theen, woh bohat hi ah, is ki theen, bohat hi refined talimat theen, aur door jadeed ke hisab se theen. woh log itni sari baaton ko samajh nahi sake jab tak rasool Allah salallahu alaihi wasallam thay, tab tak to koi masla paida nahi hua. lekin baad mein kya hua? rasool Allah salallahu alaihi wasallam jaise sulah hudaibiya kar liya. to yeh sab hotay hain, do qaumein ko do qaumon mein jang hoti hai, do groups mein jang hoti hai.

to mazhabi groups hotay hain, is mein ah, differences arise hotay hain. to is ki jo tareeqa Islam ne bataya tha, woh tha "reconciliation is the best", "alsulh khair", "dialogue", "reconciliation", "ifahum o tafheem", "interaction", "dawat", "ek doosray ko apna apni baat pohanchana". to yeh jab understanding develop karna, to yeh sab chounkay woh log tribes se talluq rakhtay thay, aur tamam ke tamam bohat gehre Islam ke aalim nahi thay, jo awam thay, woh wohi sab jangon mein shamil hotay thay, is tarah ki jangon mein. to is wajah se woh fitna o fasad jo hai, woh kafi dinon tak reh gaya. balkay musalmanon ke to barabar jangain hoti hi rahin, ek raja doosray raja se larta raha. Spain mein jo hukumat qaim hui, to to Abbasi hukumat is ke khilaf ho gayi. musalsal kuch na kuch hota raha, is cheez ne musalmanon ko bohat kamzor bhi kiya.

to ab yeh sab duniya hai, duniya to imtehan ki duniya hai, yeh sab to duniya mein hoga, lekin humain jo hai is se bohat zyada apne aap ko bachana hai. Maulana is par itna zyada zor detay thay ke sab kuch Allah taala ne kar diya hai, team bhi khadi kar di hai, lekin bas aap log jo hain ikhtilaf se bachiye ga aur ittehad ke sath apna kaam karte rahiye ga. ab dekhiye ke itni bari bari saltanatein ikhtilaf ki wajah se khatam ho gayin. poori duniya mein musalmanon ki hukumat thi, woh sab isi ikhtilaf ki wajah se khatam ho gayin. to is liye humain in sab cheezon se sabaq lena hai aur in sab cheezon se bachna hai. apa aap ne to Hazrat Abdullah bin Umar ka naam liya hai, isi se milta julta statement sahi Muslim mein Saad ibn Abi Waqas ka aaya hai, woh mein parhta hoon.

aur Saad ibn Abi Waqas ke baray mein maloom hona chahiye ke top ten sahaba mein se ek thay Saad ibn Abi Waqas. to un ke paas kuch log aaye aur unhon ne kaha "Alam yaqul Allah wa qatiloo hatta la takuna fitnatun wa yakuna ad-deenu kulluhu lillah" ke Allah taala ne kiya yeh nahi kaha ke tum un se jang karo yahan tak ke fitna na rahe aur deen tamam ka tamam Allah ke liye ho jaye? to Saad ibn Abi Waqas ne kaha "Qad qatalna hatta la takuna fitnatun wa anta wa ashabuka tureedoona an tuqatiloo hatta takuna fitnatun" sahi Muslim hadith number 96 ke hum ne jang kiya yahan tak ke fitna khatam ho gaya aur tum aur tumharay sathiyon chahtay ho ke tum jang karo yahan tak ke dobara fitna aa jaye. Miss Aisha Yasra Inam ka ek doosra sawal yeh hai jo is se milta julta hi hai ke qital fitna aur aaj jo musalman jang kar rahay hain, in dono mein kya farq hai? dekhiye, yeh jangain jo aaj ho rahi hain, yeh bilkul galat hain, bilkul Islam ke khilaf hain, Quran ki talimat ke khilaf hain.

chounkay Allah taala ne is ko bilkul mana kiya hai. chounkay bohat sari hadithain hain aur hadith mein bataya gaya hai ke khuruj haram hai. ke jab ek established hukumat qaim ho jaye to humain sirf is ko support karna hai, is ko is ke ek ek rebel banna, is ke khilaf tehreekein chalana, yeh sari ki sari wohi hain ke ek hukumat qaim hoti hai, Afghanistan mein wohi ho raha hai, hukumat qaim hoti hai, phir is ke khilaf kuch log kharay ho jatay hain, hukumat qaim hoti hai. yeh tribalism hai, yeh Islam nahi hai. to yeh bilkul galat hai aur is in logon ko Khuda se darna chahiye. to yeh sab duniya ke liye laraiyan hain, duniya ke liye laraiyan. woh tha religious persecution ko khatam karna. duniya ke liye laraiyan to bilkul jaiz hi nahi hain aur har jagah land ki larai hai.

kahin bhi deen ke liye woh log koi kaam nahi kar rahay hain, deen ke liye to daawa work hai. aur yeh laraiyan jo hain, woh land ke liye hain. to yeh is se bilkul refrain karna chahiye, Khuda se khauf khana chahiye aur hathiyar ko phenk dena chahiye. jaise ke hadithon mein aaya hai ke jab aisa mauqa aaye ga to tum log hathiyar phenk ke janglon mein chale jana. to is mein yahan tak kaha gaya hai ke agar tumhara badshah jo hai, raja jo hai, agar ek dum hi bekar ho, ek dum hi ah bhala'iq ho, ek dum koi kaam ka na ho, tab bhi tum uska sath do jab tak ke woh tum ko namaz roza karne de. to aisi kaun si hukumat hai jo namaz roza humain nahi karne de rahi hai? to is liye tamam ki tamam jangain in lawful hain.

aap is par ek hadith, do hadith mein padhna chahunga, yahan par izafa karna chahunga. ibn Umar ki hadith hai ke ek aadmi ne aa kar un se kaha "kayi fitna" faqala wahal tudrimul fitnah kana muhammad sallallahu alaihi wasallam yuqatilul mushrikeen wakanad duloo 'ala fitnah walaysa qitalukum alal mulk ke ek aadmi ne aa kar kaha ibn Umar se ke tum fitna ke mein ke

qital ke bare mein kya aap ki rai hai? to unhon ne kaha tum jantay ho fitna kya cheez hai? Muhammad salallahu alaihi wasallam ne mushrikeen ke sath jang ki aur us waqt naye deen mein dakhil hona fitna tha, tumhara badshahat ke liye jang karna jang karne ki tarah nahi. Sahih al Bukhari hadith number 4651 aur ek doosri hadith hai jo aaj jo yeh jang ho rahi hai, is ke baray mein bohat hi ebrat angez hai. abu musa ashari kehte hain ke rasool Allah sallallahu alaihi wasallam ne harj ka zikr kiya jo

qayamat se pehle hoga hatta yuqtalal rajul jara wa'akha wabna 'ammihi qalo wa ma'ana 'uquluna yawmad deen qala tanzu 'uqul akthar ahlidhalikaz zamani wa yakhlaful huma'u minan nasi yuhsabuan ahaduhum annahu 'ala shay'in walaysa 'ala shay'in ke rasool Allah sallallahu alaihi wasallam ne kaha qayamat se pehle bohat zyada qatl o qital hoga, yahan tak ke aadmi apne padosi ko qatl karega, apne bhai ko qatl karega aur

apne bhatije ko qatl karega. to sahaba ne kaha kya is din hamare paas aqal bhi hogi to aap ne kaha unki aqalen chhin jayengi is zamane ke aksar logon ki aqalen chhin jayengi aur is waqt jo log baqi rahenge wo bohat hi jazbati honge aur wo samjhenge ke hum aqal wale hain halanke wo aqal wale nahi honge apa yeh agla sawal hai mister asjad ali lucknow ka aaj ka insan frustration mein kyun jee raha hai halanke aaj sab se zyada aasaniyan hain