Why not remove causes of worry from life?

unhon ne likha hai ke "jo log zaroorat aur hiras ke darmiyan farq nahi paate, wohi log sab se zyada tension aur stress mein jeetay hain." Maulana sahib, mera sawal yeh hai ke aakhir jo cheezein logon ki pareshani aur stress ka sabab hain, woh cheezein log apni zindagi se door kyun nahi kar letay? is ke baray mein batayein. logon ko maloom hi nahi hai. hamaray mission ke bahar kabhi kisi ne kuch bataya bhi nahi. mujhe batayein, kaun si kitaab mein yeh baatein likhi hui hain ya kahan hai ke taqreeban log yeh baatein kehtay hain? hamaray mission mein pehli baar yeh baat batai ja rahi hai. to aap hamaray mission mein jo baatein kahein, un ko aam kijiye. yeh jo lecture hota hai, is lecture ko logon ko sunwaiye kyunke is ka CD hota hai, internet pe woh maujood rehta hai.

woh kitaabein parhwaiye. haqeeqat yeh hai ke log be-khabar hain baaton se. kisi ko khabar nahi siwaye is ke ke kuch rasmi aamaal jantay hain. rasmi aamaal jitni bhi tehreekein aap ke samnay chal rahi hain, kisi tehreek mein art of thinking par koi zor hi nahi hai, tafakkir par koi zor hi nahi hai, soch badalnay par koi zor hi nahi hai. kuch chali chalai baatein hain, isi ki dham machatay hain log, bheerh akatha kartay hain. yehi hamari tehreek jamaatein hain.

to aap hamari kitaabein parhwaiye, hamaray kahein logon ko sunwaiye. yehi hal hai aur koi doosra hal nahi hai. Maulana, agla sawal lainay se pehlay aik comment parhna chahein ge jo Mr. Khwaja Kaleemuddin ne bheja hai, abhi Pennsylvania, USA se.