How to Explain Complete Peace to Border Pathans
“Since Islam is for everyone and takes everyone into consideration, how can we explain the message of complete peace to the border Pathans or people of their temperament? The Quran also makes allowance for them, saying an eye for an eye, a hand for a hand, etc., but if you forgo retaliation and forgive, it is better if you know. What is the reason for their temperament—is it because they are Pathans, border Pathans, or people of similar temperament?”Asked by Shakeel Ahmed, Delhi
He answers at 31:54 in Q&A · 6 min 27 sec
31:54maulana agla sawal kya hai mister shakeel ahmed ne dilli se. unhon ne likha hai. jaisa ke islam sab ke liye hai aur is mein sabhi ki riayat ki gayi hai to hum sarhadi pathan ya un ke mizaj ke logon ko mukammal peace ki baat kaise samjhayein? jabke quran mein bhi un ki riayat ki gayi hai ke aankh ka badla aankh, hath ka badla hath wagera lekin zulm na ho aur maaf kar do to behtar hai agar tum jante ho. kis ki wajah se? pathan? pathan sarhadi pathan ya un ke jaise mizaj ke log? dekhein yeh jo pathan log hain afghani log hain yeh asal mein mamla hai ke woh tribal culture par hain. tribal culture mein sab se bari cheez hoti thi revenge inteqam.
32:50yeh jo in ka aap dekhte hain maar dhaad woh is ka talluq islam se nahi hai. woh jehad ka naam lein tab bhi islam se nahi hai. woh hai tribal culture. tribal culture mein kya hota tha? inteqam sab se bari cheez in ke haan hai. main jab afghanistan gaya tha to ek naujawan se poocha maine tum kya karte ho? to us ne kaha ke main meri maan mujh ko school bhejti hai parhne ke liye. phir khud hi kehta hai ke mujhe parhna parhna nahi hai. mujhe to aap ne dada ya kaha tha baap kaha tha is ka badla lena hai.
33:28us ke dada ya baap ko kisi ne maar dala tha. to bas us ke zehan mein sab se bari cheez parhna nahi hai. is ka inteqam jab tak na le woh is ka yaani mamle ka pakka nahi hoga. to yeh sirf arbon mein yahi tha. yaani arbon mein bhi ladai bhadai hoti rehti thi inteqam ki wajah se. to tribal culture mein har jagah jahan bhi tribal culture hai wahan par sab se bari cheez hoti hai revenge inteqam. is ka talluq islam se kuch bhi nahi hai. woh jehad ka naam lete hain tab bhi woh inteqami hai woh jehad nahi hai. to is ki wajah kya hai? is ki taleem nahi hui.
34:09jahan jahan taleem hui hai. main khud bhi ek afghani hoon. wohin se hamare baap dada aaye the. lekin taleem ne mere zehan mein badal diya. asal cheez jo zarurat hai in in logo mein woh yeh hai ke khoob taleem phailai jaye. khoob taleem phailai jaye. taake qadeem riwayat jo hain woh khatm ho jayein aur naye tarz par sochna unko aa jaye. aur koi hal nahi hai. siwaye taleem ke aur koi hal nahi hai wahan par. maulana faizuddin umri ne karnataka se likha hai. aap ne farmaya tha ke jo log sachai ko sirf kisi insan ke batane se maan lein woh sachai ko underestimate karte hain.
34:56sachai ko sirf is insan ne jana jis ne use us ko self discovery ke level par daryaft kiya. is baat ko aap wazeh farmayein. dekhein yeh aala mayar hai. har cheez mein do mayar hote hain. ek aala ek secondary. toh aala mayar toh yahi hai. lekin har aadmi yeh nahi kar sakta aisa. is wajah se main manta hoon ke kisi ko jis koi aalim jis par us ko bharosa ho us ki baat ko maan le woh. toh ek hai woh iman jo self discovery discovery pe khada ho yani khud daryaft kardah iman.
35:40lekin yeh aala mayar hai sab log yahan tak nahi pahunch sakte. aam logo ke liye main kehta hoon ke un ke liye taqleed hai. yani kisi aalim ko pakad lein jis par un ko bharosa ho woh jo kahe woh karein. bas. mister abdul rasheed ne dilli se likha hai. maujooda zamane ke musalmanon ke andar shaoori iman nahi hai. isi tarah hindu bhaiyon ke andar bhi shaoori maujood nahi. shaoor maujood nahi. aisi halat mein dono qomon ke beech dawat ka asarangez kaam kaise kiya jaye?
36:21ek hi hai ke shor paida kijiye. un ke andar bhi un ke andar bhi. is mein toh koi do tarah ka nahi hoga. main jahan tak samjha hai asal cheez jo baat janne ki hai yaad rakhiye woh hai creation plan of god. asal cheez yeh hai. aaj hi subah main soch raha tha ke
36:53rozana log paida hote hain rozana mar jate hain. toh maut ke baad kya pesh aane wala hai us se bilkul bekhabar. duniya mein samajhte hain jab tak zinda hain woh ke kamayo ghar banao family ko khush karo wagera. lekin marte hi achaanak ek nayi surat-e-haal. us se bilkul bekhabar hain log. aap kahin bhi jaiye na maut ka charcha hai na akhirat ka charcha hai na hashar ka charcha hai na allah ke samne accountability ka charcha hai. toh asal masla yeh hai chahe hindu ho ya musalman.
37:31musalman bhi jo bazahir deendar aap samajhte hain jin ko woh bhi un ka wahi deendari hai. form ki ho form wali. dekhein deendari woh hai jahan insan ke andar allah ki azmat ho. allah ka khauf ho. allah se mohabbat ho. allah ki pakad ka andesha ho. nahi toh koi deendari kuch bhi nahi. deendari kisi waza qata ka naam nahi hai. kisi ritual ka naam nahi hai. deendari kisi form ka naam nahi hai. deendari taalluq billah ka naam hai. toh woh hindu musalman ke aitbar se na dekhiye insan ke aitbar se dekhiye aap. ke woh insan kis kis tarah ki zindagi guzar raha hai woh. insan ke aitbar se insano ko dekhiye na ke hindu muslim ke aitbar se.
38:22Maulana agla sawal Raipur se aya hai. Mr. Idrees aur Miss Shabana ne likha hai ke ulama have closed the doors of the ijtihad.