Meaning and components of personality building

maulana, yeh sawal aaya hai maulana zakwan nadvi ka, dilli se. unhon ne likha hai: "personality building ka matlab kya hai, aur personality building ki bunyadi ajza kya hain?" dekhiye, yeh koi nayi cheez nahi hai. traditional lafz jo is ke liye hai woh hai "tazkiya e nafs". rawayati zaban mein is ko log kehte rehte hain, kehte rahe hain: "tazkiya e nafs". isi tazkiya e nafs ko main aaj kal ki zaban mein kehta hoon "personality building". personality development.

personality ka aap ka jo wajood hai, mere zamaney mein samjha jata tha ke qalb alag hai, dimagh alag hai, aur soul alag hai. yeh teen cheezein mante thay, jism ke ilawa. balkey char cheezein: ek hamara jism hai, ek soul hai, ek qalb hai, ek dimagh hai. yeh science ke zamane mein is ko nahi mana jata. science ke zamane mein aap ka sirf do hi pehlu hain: ek mind hai, ek body hai, bas. to body vehicle hai aap ki personality ka, aur personality jo hai wahi. jo mind hai wahi personality hai. to personality building ka matlab yahi hai ke Khuda ne insan ko banaya hai

nature par, sahi nature par. insan sahi nature pe hi paida hota hai, lekin mahaul mein us ki conditioning hoti rehti hai. conditioning se kya hota hai? kisi cheez se nafrat karne lagta hai woh, kisi se mohabbat karne lagta hai woh. kisi ko dekh kar us ko ghussa aata hai, kisi ko dekh kar us ko pyar aata hai. kisi cheez par woh proke khata hai, kisi cheez par bardasht karta hai. yeh sab cheezein kya hain? conditioning ki wajah se hoti hain. to yeh aadmi paida hota hai to yeh process apna aap hi chal padta hai.

yani process of conditioning. to sach poochhein to tazkiya-e-nafs ya personality development ka matlab yeh hai ke apne ko apni deconditioning karna. yani daryaft karna ke main kahan kahan meri conditioning ho gayi hai. kahan kahan main mahaul se, asar se kuch aadatein lag gayi hain, kuch galat soch lag gayi hai, kuch galat maani mein sachre mein ho gaya hoon. yeh hai. to jaise aaj kal musalmanon ka haal yeh hai ke zara si baat hui hogi to us par bhadak uthte hain.

ke masjid ke samne koi juloos nikle, masjid koi koi nara laga de, koi kahin gosht ka tukra dikhai de jaye, kuch bhi ho, koi cartoon chhap de to foran bhadak uthenge. yeh bhadak uthna jo hai nature nahi hai yeh, yeh conditioning hai. yani hamare yani so called rehmaon ne aisa kiya hai ke un ko in cheezon par bhadka diya hai in cheezon ko.

to main aaj subah soch raha tha ke hamari tareekh jo hai yani tareekh ke do daur hain: pre media aur post media. pre media daur mein insan jo tha uska case tha "misuse of freedom" ka case. ab kya hai? "misuse of media" ka case. aisi baatein chhapte hain log, aise jo log jise bhadkate hain. yani negative cheezein. har society mein dekhiye negative aur positive dono item hote hain.

lekin media kya karta hai? chhanat chhanat kar ke negative cheezein chhapta hai. is India mein, America mein, hatta ke Israel mein har jagah yahi qissa hai ke har jagah aisa nahi hai ke woh sab jaise log samajhte hain ke Israel mein bohat hi bura hai. aisa bilkul galat baat hai. wahan positive point, plus point bhi hai, negative point bhi hai. lekin hamara jo Muslim media jo hai negative point ko chhapta hai. plus point ko chhod deta hai. isi se logon ko conditioning hoti hai. ab barah-e-rast jab aap padhte hain, sunte hain ke Israel jo hai to kharab hai to aap samajh jate hain ke Israel koi alag cheez hai.

Israel koi alag cheez nahi hai, woh bhi insan hain, woh log bhi. Israel ka case ho, America ka case ho, ya India mein jo extremist parties hain un ka case ho, koi bhi 100 fisad bura nahi hai. har jagah kuch aisi cheezein hoti hain jo aap ko pasand na hon to hamare log isi ko lekar phansalte hain, isi ko bayan karte hain. is se kya hota hai? sunte sunte, parhte parhte condition ho jati hai. to sab log yani conditioning ka case ban gaye hain.

to main samajhta hoon ke personality development ka matlab yeh hai apni deconditioning. wo hoti hai muhasba ke zariye se. jo aadmi aisa na kare to conditioning mein jiye ga, conditioning mein mare ga. to bohat zaroori hai ke hum apni deconditioning karein. wohi deconditioning ka doosra naam tazkiya-e-nafs hai, isi ka naam personality building hai. sab kuch wohi tazkiya-e-nafs hai. rawaiyeti zaban mein woh tazkiya-e-nafs hai, aaj kal ki zaban mein hum kahein ke woh deconditioning hai ya personality development hai.

maulana, agla sawal aya hai miss sadia khan ka, dilli se. unhone likha hai: "it is true indeed that the nature of angels' persuasion is passive, and that of satan's is active.