Strongest argument for God and Hereafter

Mr. Muhammad Ameeni ne Aligarh se sawal kiya hai. unhon ne likha hai: "Maulana sahib, aap ke nazdeek existence of God and existence of hereafter ka sab se bara argument kya hai?" aap meri kitab parhiye. is mein dono par alag alag chapter hain. ek hai akhirat par, ek hai Khuda par. is mein mein ne jo mere nazdeek argument hai, woh mein ne bayan kar diya is mein. Urdu mein is ka naam hai Mazhab aur Jadeed Challenge. Angrezi mein is ka naam hai God Arises. Arabi mein is ka naam hai Al-Islam wa Tahaddih. is mein poora chapter Khuda par hai, poore poora chapter akhirat par hai.

to mere nazdeek jo argument hai, woh is mein bayan kar diya hai. is ko aap parhiye. is ke parhne ke baad agar kuch question ho aap ka to woh bataiye mujhe. Mr. Faiq ne California se likha hai: "Maulana sahib, what is, what was your impression of Dubai with respect to Al-Risalah movement and general trend in Arabs towards da'wah work?" Please comment." bhai, Dubai jo hai, aap jante hain ke woh East aur West ka junction hai. yani mashriq aur maghrib ka sangam hai.

to wahan par mein samajhta hoon ke do baatein mein ne mehsoos ki hain. ek to yeh ke wahan par relatively liberalism hai. yani fantasy nahi hai wahan par. log fanatic nahi hote. bohat aasani se aap unhein yani address kar sakte hain. ek baat to yeh jo hamare liye bohat hi hopeful hai. doosri baat yeh ke wahan bohat ate hain log idhar udhar se. misaal ke taur par ek din hum ne, hamare saathi'on ne, hum log kai aadmi thay. to ek hotel mein unhon ne kitabein rakh dein reception par.

to pehle hi din maloom hua ke bohat se countries ke logon ne kitabein li hain. Quran ke tarjuma waghera. bohat se countries ke. to yeh sirf ek hotel ki baat hai. to do cheezein mujhe bohat hopeful wahan par lagin. ek to wahan ke log fanatic nahi hain. kyun ke jahan dekhen interaction zyada hota hai, to wahan fanatic pal nahi sakta. fanatic wahan palta hai jahan ki interaction na ho. to Dubai to sangam hai. wahan to dunya bhar ke log ate hain.

bohat daily wahan par lakhon log ate hain, lakhon log jate hain. to jahan par itna zyada interaction hota ho, wahan kabhi bhi fanaticism nahi phailay ga. To yeh daawa ke liye bohat achi baat hai. Kyun ke fanatic aadmi sunta nahi kuch. To wahan par jo, yaani acha lafz nahi liberalism, lekin baat ko samajhne ke liye mein keh raha hoon ke wahan par log khule zehan ke hotay hain. To woh hamare liye bohat achi baat hai. Aur doosri yeh ke woh itnay log atay hain, jatay hain, atay jatay hain. To is ki wajah se hamein mad'u milte hain wahan par. Mad'u. To Allah ke fazl se wahan par hamein kuch saathi, hamare pehle se bhi thay, kuch aur saathi banay hain. Aur in logon ne wahan par da'wat ka kaam shuru kar diya hai, masha Allah.

Wahan koi rukawat bhi nahi. Yaani wahan par hum idhar udhar gaye. Aur mein ne mehsoos kiya ke wahan ki jo government hai, peaceful tareeqay se kuch bhi kijiye, aap ko rukawat nahi daalay gi. Yaani agar aap politics, aap opposition chalayein, tab to government aap ko pakray gi. Lekin aap peaceful tareeqay se kuch kiye to koi rukawat hi nahi hai. To hum to idhar udhar kaam kiya, hum ne. Humein kisi ne roka nahi. To mein to bohat hopeful hoon Dubai ke baray mein.

Mr. Muhammad Daniyal ne Patna se sawal kiya hai. Unhon ne likha hai: "Koi shakhs Khuda ka matloob insaan kaise banay?" Is ke baray mein batayein.