Difference between pro-Islam and pro-Muslim

Maulana, agla sawal hai Tamil Nadu se Maulana Iqbal Umri sahib ka. unhone aapse poocha hai What is the difference between pro-Islam and pro -Muslim? pro-Muslim hota hai woh qaumi, yaani logon ke andar jo hai mizaj qaumi mizaj hai. qaumi mizaj hai. Islam ek bilkul ek ideology hai, pure ideology. toh pure Islam ka matlab yeh hai ke aap khalis ek divine ideology ko le kar sochein. aur pro-Muslim hai ke ek qaum hai, ek millat hai, us ko le kar sochein aap. toh bilkul do alag alag soch ban

jati hai. jaise jaise musalman aam taur par jo campaign mein jeete hain, protest mein jeete hain, nafrat jeete hain, woh kyun? qaumi soch ki wajah se, qaumi mizaj ki wajah se. agar aap ke andar, yaani khalis Islami mizaj ho, toh phir nafrat ki aur negativity ki koi gunjaish hi is mein nahi hoti. dono bilkul do alag alag woh hain. Islami zehan se sochna aur Muslim zehan se sochna, dono bilkul alag al ag hain. Muslim zehan se sochne ke maani hain qaumi zehan. qaumi zehan se sochna. aur Islami zehan ke maani hain, yaani khalis, yaani nazariya, ideology ke aitbar se sochna.

toh bohat farq hai. Maulana, unka ek aur sawal hai. unhone aapse poocha hai ke ek Quran ki ayat ko wazeh karne ke liye, jis mein yeh kaha gaya hai كُنْتُمْ خَيْرًا أُمَّةٌ أَخْرِجَتْ لِلنَّاسِ iska kya matlab hai? dekhiye, yeh khair o bad ka lafz jo Quran mein aaya hai, toh aam taur par log samajhte hain ke saare musalman khair ul ummat hain. yeh bilkul galat hai. saare musalman khair ul ummat nahi hain.

saare musalman toh ek giroh hain, bas ek nasli giroh. is ayat mein khair ul ummat se murad sahaba hain. sahaba. yaani jo Allah ke Rasool ki sohbat mein jinki training hui thi, jinke andar ek akhlaq aaya tha, jo yaani apne qaul o amal ke aitbar se Allah ke deen par qaim hue the, woh murad hai is se. yeh koi qaum nahi murad hai jo musalmanon ki qaum hai, bas saare khair ul ummat hain. aisa kuch bhi nahi. Maulana, agla jo hai woh sawal nahi

hai, ek comment aaya hai Doha, Qatar se Maulana Abdul Basit Umri ka. unhone likha hai: Maulana, ijtihad ka mafhoom aaj tak mubham aur ghair wazeh tha. aaj ki taqreer se pehli baar ijtihad ka sahi mafhoom samajh mein aaya. suraj ki tarah wazeh. ke asal cheez niyat ko dekhna nahi, niyat agar durust hai toh phir kuch bhi darne ki baat nahi. Jazak Allah khair, Allah aap ki umar mein barkat de aur aapse zyada se zyada seekhne ka mauqa de. Jazak Allah. Maulana, agla sawal Shah Imran, Mr Shah Imran Hasan ka hai, Delhi se. unhone likha hai: Salman Rushdie ne India mein aa kar musalmanon ke jazbat ko majrooh kiya hai.