Why is God hidden from our minds
“The greatest being in this universe is God, but strangely, that same being is most hidden from our minds and intellect. We know Him the least, only at the level of devotion, not at the level of discovery. What is the reason?”Asked by مولانا عبدالباسط عمری, دوحہ، قطر
He answers at 0:11 in Discovery of God (In Conversation with Maulana) · 3 min 13 sec
0:11maulana, yeh sawal aaya hai maulana abdul basit umri ka, doha, qatar se. unhone likha hai ke: "maulana, is kainat ki sab se bari hasti khuda ki hai, lekin ajib baat hai ke wahi hasti sab se zyada hamare zehn aur dimagh se ojhal hai. isi hasti ko hum sab se kam jante hain, sirf aqeedat ki had tak hamara is se taluq hai, daryaft ki satah par hum khuda ko nahi jante. is ki wajah kya hai?" dekhein, quran mein hai ke: "ya'lamoona zahiran ma riyatud dunya" yani dikhai dene wali cheezon ko hi log dekh paate hain aur usi ko sab kuch samajh lete hain.
1:07yeh insaan ki kamzori hai ke jo cheez dekhne mein aaye, usi ko woh bari cheez samjhe. pehlay zamanay mein log suraj ko, chand ko, sitaron ko poojhte the isi liye ke woh dikhai de rahi thi. to allah taala ghayab mein hai, is wajah se log us ko daryaft nahi kar paate. lekin yahi to imtehan hai, yahi jannat ki qeemat hai. jannat ki qeemat yeh hai ke aap na dikhai dene wale khuda ko daryaft kar sakein, jo khuda ghayb mein hai, us ko aap daryaft kar sakain.
1:53yahi jannat ki qeemat hai. to ab jin logon ko maut ke baad ki abadi zindagi mein jannat ka shauq hai, to un ko is ke liye koshish karni hi paray gi. apni soch ko, apne ghawr o fikr ko, apne mutalay ko is tareeqay se karna hoga ke aap Allah ko daryaft kar sakain. yani khud Allah ko hum nahi dekh paatay, lekin jo creation hai, creation mein to khuda bilkul har taraf numayan hai. chounkay soch insan sochta nahi, is liye wo be khabar rehta hai. agar soche to har taraf us ko khuda ki daryaft honay lagay. to main sochta hoon ke ye isi cheez ko hamein apne andar develop karna hai ke khuda ki takhleeq mein ghawr karein, creation mein.
3:03creation mein ghawr kar ke hum creator tak puhanch saktay hain. to ye aik process hai jo har aik ko apne andar jari karna hai, aur jo bhi sincerely is ko is process ko apne andar jari karega, zaroor inshallah wo manzil tak puhanchay ga. maulana, ye sawal aaya hai miss naghma siddiqui ka, dilli se. unhon ne likha hai: "in one of your lectures you had mentioned the difference between a self actor and a non self actor.