Elaborate on self-actor vs non-self-actor

maulana, ye sawal aaya hai miss naghma siddiqui ka, dilli se. unhon ne likha hai: "in one of your lectures you had mentioned the difference between a self actor and a non self actor. can you please elaborate on this? " dekhiye, ye dunya mein zindagi ki do sooraten hain. aik ye hai ke aap ne khud kuch daryaft kiya ho, khud apni soch aap ki bani ho, khud aap ki aik shakhsiyat develop hui ho, is ke mutabiq dunya mein rahein aap. aur aik ye hai ke jo dunya mein jo system hai, qaim system, us se apne ko jor lein aur jo wo jo wo chahe, wahi karein aap.

is ki khuli hui misaal jo hai, ye film industry hai. film industry kya hai? film industry mein jo viewers hain, un ke lehaz se aadmi ko act karna parta hai. viewers ke lehaz se, apne lehaz se nahi. khud apni soch kya hai, apne nazdeek sahi kaha hai, ghalat kaha hai, ye nahi, balkay viewers kya chahtay hain dekhna, wo kya chahtay hain sunna, is ke mutabiq aadmi act karta hai. aisay baray baray uhday jo hain, wahan bhi kya hai? baray baray uhdon mein aadmi lagta hai shandar mahaloon mein, lekin wo bhi kisi yani apne apne apni buniyad par nahi jeeta hai. wo doosray ki buniyad par jeeta hai. mislan aik leader voter kya kehtay hain, voter kya chahtay hain, is ke mutabiq wo chalta hai.

to aik bohat mushkil kaam hai, kyunkay agar aap non self, isi ko main kehta hoon non self actor, yani apne siwa kisi aur ke liye jeena, to non self actor mein aap bazahir bohat achi zindagi hasil kar letay hain. kyunkay jis jis ke liye aap kaam karte hain, wo aap ko bari bari cheezein deta hai. lekin jab khud apne oopar jeena chahein aap, to aap ko sacrifice karni parti hain. phir aap ko saada zindagi, kam par qanaat karna, mushkil halaat mein rehna, ye sab bardasht karna parta hai. lekin jo jo self self actor hain, haqeeqat mein wahi jee rahay hain dunya mein.

kyunkay wo apne aap mein jeetay hain. wo jo non self actor hain, wo jee jo jee rahay hain, wo to wo to moortiyan hain, samjhiye, well dressed moortiyan. to main bataoon ke aadmi ko chahiye ke wo self actor banay, yani apne aap mein jeena, jeenay ki koshish kare, chahe koi bhi price deni paray is ki. aur non self actor na banay, kyunkay wo to apni apne aap kho diya us ne. apne aap ko kho kar ke to kisi doosray ke liye jee raha hai wo. to hum to yahi kahain ge aap logon se ke aap log non self actor na banen, balkay self actor banen.

apni daryaft par jeena seekhein, na ke doosron ke direction pe jeena seekhein. maulana, agla sawal aaya hai mister abdul lateef ka, karachi, pakistan se. unhon ne likha hai: "mera sawal ye hai ke ye Allah taala ki bohat bari blessing hai ke is ne har insan se zindagi ke mukhtasir se hissay mein apni azadi ke sahi istemal par abadi jannat ka wada kiya hai.