What makes you angry and how to handle it?

Mera pehla sawal yeh hai ke har insaan ko kabhi na kabhi kisi na kisi baat par ghussa aata hai. Aap ko kaun kaun si baat par ghussa aata hai? aur jab aap ko ghussa aata hai to aap kya karte hain? dekhen, mujhe ghussa aata hai hamesha us waqt jab aadmi principle ke khilaf kare kaam. Principle ke khilaf. principle ki khilaf warzi jo hai, mujhe bardasht nahi hoti. Mujhe ghussa aata hai. To us waqt mein do mein se ek kaam karta hoon.

agar main is position mein hoon ke is aadmi ko main samjha sakoon aur meri baat maan sake woh, to main samjhaunga. nahi to chup ho jaunga, ek dum khamosh. ek kuch second ya kuch minute mein sochta hoon ke kya main is position mein hoon ke is aadmi se main kahoon woh maan le meri baat? tab to main kahunga us ko. Hammering bhi kar sakta hoon main is ki. Lekin agar aisa nahi hai to chup ho jaunga.

jaise abhi dekhen, ek misaal, ek bahut achhi misaal saamne aayi. Abhi do hafte ki baat hai. Ek sahab mere paas aaye, bahut padhe likhe aadmi hain woh. to aaj kal jo riwaj hai na bolne ka, khwah makhwah bohat bohat ziyada bolte hain. idhar udhar ki baat hai. to woh lage idhar udhar ki baatein bolne. to maine assess kiya ke kya main un par moassar ho sakta hoon? to mera guman tha ke moassar main ho sakta hoon. to aaj main un ki ek mild hammering ki maine. main ne kaha ke aap Allah taala ne zaheen paida kiya aap ko, achhi taleem aap ko dilai. to aap isi mein zindagi guzarte hain, apni ho ha karte hain? khwah makhwah ziyada bolte hain?

main ne kaha aap yaad rakhiye, meri pehli mulaqat aap se hai lekin main keh raha hoon ke aap ziyada bolte hain. to pehli baat yeh hai ke aap kam bolna seekhiye. kyun ke kaha jata hai ke "When I am speaking, I am not thinking." kam bolenge to ziyada sochenge. to Allah ke fazl se unhon ne qabool kar liya, usi waqt chup ho gaye woh. phir bohat hi kam bole woh. to yeh mujhe ghussa is par nahi aata ke koi mujhe gaali de. is par ghussa nahi aata mujhe. bohat aisa hua hai ke mujh par gaali di, aamne saamne bura bhala kaha. gaali ka matlab hai ke tum is tarah ke, tum dushmanon ke agent ho.

tum is qism ki baat hai, bohat hi sakht sakht. to mujhe ghussa is par nahi aata. lekin yani personal attack agar koi kare mujh par to woh ghussa nahi aata mujhe. jiska bar bar maine dekha hai. isi building mein jahan main rehta hoon, ek sahib aaye aur yani ke jab 45 minute tak mujhe bura bhala kehte rahe, kisi daleel ke baghair. main bilkul aise chup raha, chup chap baitha raha. koi ghussa nahi aaya mujhe. lekin principle ke khilaf koi karta hai kaam to mujhe ghussa zaroor aata hai. jaise yeh bhi ek principle hai ke jab aap do aadmi se milein to aap mandalagar na banein. dialoger banein. yani aap yeh khud hi bol rahe hain, khud hi bol rahe hain, khud hi bol rahe hain.

doosre ko bolne ka mauqa nahi de rahe. jaisa ke woh kar rahe the us din. ke woh mandalagar bane hue the woh. yeh principle ke khilaf kaam hai. aap jaisa maine kaha, ab jazeere mein hain to khoob chalaie, jo bhi kijiye. lekin jab aap insaan se baat kar rahe hain to aap ko kehna hai to sunna bhi hai. to koi mandalagar banta hai, koi to woh principle ke khilaf karta hai. to is par foran bolta hoon main foran. aur doosri kya cheez hai? un ka doosra sawal yeh hai, main janna chahta hoon ke aap ki qualification kya hai? sir, aap ka mind ilm aur maloomat ka ek khazana hai, woh aap ne kaise prapt ki?

dekhein, meri ek kitab hai, is ka naam hai "Deen o Shariat". is mein 50 safhe ka ek chapter hai, is mein meri taleem ke bare mein hai. is 50 safhe ko aap padh lijiye, is mein aap ko sari baat mil jayegi. is ka naam hai kitab ka "Deen o Shariat". moti si kitab hai woh. ek chapter is ka hai meri apni education ke bare mein. is ko aap padh lijiye. Maulana, yeh agla sawal hai Mr Shah Imran Hasan Delhi se. woh pooch rahe hain ke urs ka phenomenon kya hai?