What is a weak hadith?

maulana, agla sawal raipur se mr idrees ka hai. woh yeh janna chahte hain ke zaeef hadith kis ko kehte hain? likh ke bheja hai ke ise dua nahi bheja hai. nahi, woh poochna chah rahe hain what is zaeef hadith? hmm. dekhiye, hadithien jo hain ek sahi hadith kahi jati hain, ek zaeef kahi jati hain, ek mauzu kahi jati hain. mote taur par aur bhi qismein hain, mote taur par teen qismein. aur bhi darje hain is mein. to mote taur par teen qismein hain: sahi hadith, zaeef hadith aur mauzu hadith. to jo muhaddiseen hain unhon ne jo hadithien aap jante hain ke ek chain hota hai rawiyon ka.

ek shakhs kahega ke maine mr a se suna, woh kahega mr b se suna, mr b se suna, mr c kahega maine rasool Allah se suna. to koi rasool Allah sunta hai, woh kisi aur se kehta hai, phir kisi aur se kehta hai, kisi aur se kehta hai, yahan tak ke woh muhaddis tak baat pohnchti hai. kyun ke jab abbasi period mein jab hadithien jama ki gayin to beech mein kai generation aa chuki, ghayab ho chuka tha. rasool Allah ke zamane mein hadithien nahi jama ki gayin thi is tarah se jaise ke ab hain. to woh rawiyon ka exchange hota hai. is ko kehte hain rijal. to un ke bohat zabardast tehqeeq kar ke logon ne kai lakh rawiyon ke halaat ikhatta kiye hain. woh kitni bari bari kitabein hain is ki moti moti. ek ek shakhs ki ke abdul rehman, abdul hakim, abdul rahim waghera is tarah se ke woh sachche the ke ke jhoot bolte the, woh imandar the ke be imani ki unhon ne koi baat pakdi gayi un ki be imani wali.

misal ke taur par ek ek muhaddis ek shakhs ki tehqeeq karne ke liye gaye. un se un ko ek hadith mili thi. ek hadith mili thi un se. to gaye tehqeeq karne ke woh aadmi kaisa hai. to jab wahan pohanche to woh ek bartan liye hue tha aisa aur ghore ko bula raha tha woh. ghora uska idhar tha bula raha tha ke ishara kar ke aao matlab is mein kuch khane ki saman us ke liye. ja kar qareeb dekha to us mein kuch bhi nahi tha. to unhon ne kaha ke jab tum ghore ko dhoka de sakte ho to insan ko bhi dhoka de sakte ho. is ke ilawa to nahi liya unhon ne. is tarah se bohat hi jaanch partal kar ke hadithien akthe ki gayin.

to jo hadithien hain woh hain jis mein ke tamam rawi siqa hain yani qabil aitebar hain. to un ko sahi hadith kaha jata hai. woh hadith hai jis mein ke ek adha rawi jo hai matlab farz kijiye ke char rawi hain, teen rawi theek hain, ek ek ke bare mein shakk hai, woh zaeef kahi jayegi. yani puree cheen mein aik chain jo hai is mein kamzor hai. woh ab woh zaeef kahi jayegi. matlab kuch log is ko manenge, kuch log nahi manenge. is ka usool yeh hai ke agar woh quran hadith se doosri riwayaton se mutabiqat karta ho to le liya jayega. aur mauzu to woh hai ke jo sarr se bana liya ho logon ne,

story tellers ne bana liya ho. yani rasool Allah se sabit na hota ho is ka. aisi bohat si hadithien hain jo bilkul hi be asal hain aur rasool Allah se mansoob hain. bilkul be asal hain. to un ko kaha jata hai yeh mauzu. mauzu. to sahih hadith woh hai jis ke tamam rawiyon ko jaancha gaya ho, jaanch kar ke maloom kiya gaya ho to pata chala ke sab siqa hain. siqa matlab qabil e aitmad. zaeef woh hai jis mein ke kai ravi sahih hon, aik adha ravi aisa ho shubah wala ho. woh zaeef qarar diya jayega. mauzu yeh hai jis mein ke sare ravi ghalat hon.

jaise ke misaal ke taur par lola kalma khalaqtal aflak. aik hadith batai jati hai ke Allah taala ne farmaya ke agar rasool Allah ke bare mein kaha ke agar tum ko na paida karna hota to mein kainat hi nahi paida karta. yeh bilkul mauzu hadith hai, is ka koi asal nahi hai. aisi bohat sari hain. to yeh hai farq teeno qism ki hadithon mein. das question is from miss prabha chandra from jamia millia islamia new delhi. sir kya woh musalman jo panch waqt ki namaz nahi padhta hai aur woh sare ghalat kaam karta hai jis ki islam ijazat nahi deta hai to kya phir bhi woh shakhs musalman kahlaane ke laiq hai ya nahi? dekhiye yeh jo mamla hai yeh aik baat samajh lijiye ke musalman hona ya musalman na hona yeh Allah ka deti hai prerogative of god almighty.

Allah ko faisla karna hai ke woh kis ko kya darja de. hum darja nahi de sakte. jaise takfeer jo ki jati hai na woh bhi ghalat hai bilkul. humein haq nahi hai kisi ko hum kafir banayein. hum sirf naseehat kar sakte hain, samjha sakte hain, dawat kar sakte hain. to agar koi shakhs apne ko kehta hai ke mein musalman batata hai apne ko to legally woh islam mein shamil samjha jayega us ko. legally. matlab jo mardum shumari, census jo hoga, census is mein us ko musalman mana jayega. agar woh apne ko kehta hai ke mein musalman hoon. baqi yeh hai ke woh amal se kaisa hai to us ko hum samjhayenge bujhayege aur Allah ke aage hawalay kar denge. yeh maslak hai yani ulama e rasikhin ka.

agle sawal hai nafees shairaz ka new delhi se. yadi hum kisi non muslim ko islam ki dawat dena chahein to hamein sab se pehle kaun si baat us ke samne rakhni chahiye?