First thing to present when inviting non-Muslims

agle sawal hai nafees shairaz ka new delhi se. yadi hum kisi non muslim ko islam ki dawat dena chahein to hamein sab se pehle kaun si baat us ke samne rakhni chahiye? sab se pehle use mohabbat karna chahiye. agar mohabbat nahi hai to dawat bhi mat dijiye. apne dil ko tatoliye ke kya aap ko aap ke dil mein doosron ke liye nafrat hai, shikayat hai ya aap ka dil bilkul doosron ke liye positive hai. here is the starting point. jo aadmi dawat ka kaam karna chahta hai to sab se pehle us ko apne dil ko pak karna padega nafrat se, negative thought se.

nahi to us ko dawat ka koi Allah taala ka inaam nahi milega. dawat ka matlab sirf yeh nahi hai ke aap announce kar dein. dawat ka matlab yeh hai ke aap us ke sachhe khair khwah banein, us ke well wisher banein, us ki hidayat ke haris banein. jab aap aise ban jayenge to phir sari baatein khul jayengi sab. aap ko aap ka yani kisi se pooche pooche baghair sab kuch program aap ka set ho jayega. das question is from miss aisha zakwan from new delhi. there is a hadith where the prophet says that person is a miser who does not send durood on me when my name is mentioned.

maulana please explain the concept of durood. aj kal is ko aik ritual ke taur par liya gaya hai. rasool Allah ka naam aaye to foran kahein sallallahu alaihi wasallam. yeh matlab is ka nahi hai. yeh is ka matlab nahi hai. is ka matlab yeh hai ke rasool Allah ne jo kaam kiya woh bilashubah aik bohat hi bada yani sacrifice ka kaam tha. yani aise dor mein jab ke yeh kehna ke Khuda ek hai us par pathar mare jate thay. Aaj ka zamana nahi tha woh.

Aaj aap ko azadi hai, religious freedom waisa nahi tha wahan par. Chunancha aap ko bohat takleefein di gayeen. Misal ke taur par Taif gaye aap yahi paigham le kar ke Khuda ek hai to wahan ke sardaron se mile aap. Sardaron ne kya kiya? Mazak uraya aap ke ke tum Khuda ko tum hi mile thay paighambar banane ke liye? Dekho apni shakal. Bhai woh hamare aap jaisay insan thay Rasool Allah.

Koi hathi aur pahar to thay nahi. To unhon ne kaha Rasool Khuda ko tum bhi mile thay ke tum ko paighambar bana ke bhej diya? Tum to kuch hum ko nahi lagte koi khaas aadmi ho. Aaj aap Rasool Allah ko is ki tareekhi waqiat ke sath shamil kar ke dekhte hain to lagta hai ke Rasool Allah bohat hi baray dikhai partay hain aap. Us waqt ek aam insan thay. To unhon ne apne larkon ko kaha ke in ko maar ke bhagao. Pathar mara un logon ne. To pathar martay martay bahar le gaye aur wahan par aap ke aap body zakhmi ho gaya, khoon banne laga.

Khoon banne laga na khilaya na pilaya na chaye na sharbat na pani. Maar ke bhaga diya. Us waqt Allah taala ne Malik-ul-Jawal ko bheja, paharon ka farishtay ko bheja ke woh aya. Us ne kaha ke aye Muhammad mein Malik-ul-Jawal hoon. Yeh mere hath mein paharon ko ult palat kar sakta hoon mein. To Taif jo tha us mein dono taraf pahariyan theen. Beech mein woh town tha, idhar udhar pahariyan theen.

Kaha ke agar aap mere paas woh taqat taqat hai ke mein dono pahariyon ko aise mila doon aur log us ko pas kar reh jayen to aap mujhe kya hukum dete hain? Unhon ne jo aap ka zulm kiya hai woh Allah ne dekha to mujhe bheja hai aap ke paas. To aap ne farmaya ke nahi. Mein chahta hoon ke zinda rahen, un ki naslein paida hon, un ke bete pote paida hon. Un mein log milen ge jo jo sachai ko manen aur sachay kaam karen. Yani na sirf present ko balkay future tak se aap un ke hope lagaye hue thay. To kitna ziyada aap ne qurbaniyan dein.

Aap ki qurbaniyon se ek inqilab aaya ke insani tareekh religious persecution ke dor se nikal kar ke religious freedom ke dor mein aai. Yeh mamooli baat nahi hai. Aisi hazaron cheezein hain. Woh jab aap ka naam aaya to aap ko yaad aana chahiye ke aap sach much benefactor hain. Sab se bara sacrifice kiya aap ne insani tareekh ko to hum parsay se nikal kar ke science mein laye. Insani tareekh ko religious persecution se nikal kar ke religious freedom ke dor mein laye. Ek poora ek naya zamana paida kiya aap ne. Tab hum aaj is tarah aitmad se yahan baith kar baatein kar rahay hain. To Rasool Allah ka jo contribution hai history mein, contribution us ko yaad kar ke jab hum kehte hain to isi ka naam Durood hai.

Aur aaj kal jo logon ka riwaj hai woh to kuch bhi nahi, woh to nothing hai, kuch bhi nahi. Kuch bhi ho, lip service hai woh. Woh to acknowledge karna hai Rasool Allah ke sacrifice ka, acknowledge karna hai Rasool Allah ke contribution ka. Log jantay bhi nahi kya contribution Rasool Allah ka hai. To jo aadmi Rasool Allah ke contribution ko, yani historical contribution jo aap ka hai, us ko janay, us ko jan kar keh paray ke Khuda ya to is insan ke liye meri taraf se duaein likh le, is insan ke liye meri taraf se Durood likh le to us ka naam hai Durood. Baqi aaj kal jo kiya jata hai woh lip service, woh to nothing hai.

das question is from miss sadia khan from new delhi. does missionary activity require an ideological base? what propels the christians to do missionary work? un ki aik ideology hai, bohat bari ideology hai un ki. is ideology ne un ko active kar rakha hai. un ki ideology jo hai hum us ko nahi mante lekin bari ideology bohat zabardast hai. woh ideology yeh hai un ki ke salvation jo hai insan ko kaise mile gi?

salvation. kyunke hum aap dono, hum hum aap jo mante hain wahi mante hain jannat aur jahannum. aik christian ka bhi yahi manna hai ke maut ke baad jannat aur jahannum hai. is mein koi difference nahi hai. lekin aadmi kaise bache ga? salvation kaise mile gi? toh un ka manna yeh hai ke jo aadmi is yeh aqeedah rakhe, is baat ko maane ke hazrat masih jo hai woh unhone qurbani de di apni apni insaniyat ke jo original sin jo tha us ko us se insan ko bachane ke liye. un ka manna hai ke hazrat adam ne jo khaya tha yani fabrin tree toh sari nasal hi gunahgar ho gayi.

us ko kehte hain original sin kehte hain us ko woh paidaishi gunah. toh is paidaishi gunah se bahar kaise aye ga in saan? toh Allah ne apne bete ko bheja taake woh apne ko crucify karaye kar ke insan ko us se nikale, us original original sin se nikale. toh ab woh samajhte hain ke humein insan ko batana hai ke aye insano tum masih ke is sacrifice ko mano, masih ke is contribution ko mano, us ko acknowledge karo, tabhi tum ko salvation mile gi. yeh un ki ideology hai. hum us ko ideology sahi nahi samajhte hain lekin behal yahi ideology hai jis ne un ko active kar rakha hai sari duniya mein.

maulana her next question is i often find people who go to graveyards to do fateha. has this been sanctioned in islam? yeh kis ka hai? sadia ka hi hai. doosra sawal hai me ra. yeh toh bilkul absurd hai. yeh jate hain jo log fateha khwani ke liye. kuch bhi nahi hai is ka, koi na sawab hai na azab hai. waqt waqt time ko waste karna hai. dekhiye qabar pe jane ka sirf aik hi baat hai, aik hi maqsad hai.

woh hai maut ko yaad karna. maut ko yaad karna. rasool Allah guzre aik martaba qabristan se, Allah ne farmaya ke assalam o alaikum ya al quboor, inna insha Allah bikum lahiqoon. yani aye qabar walon, hum bhi tum se milne wale hain, matlab hum bhi marne wale hain. toh qabar jo hai woh maut ka spot hai ke yahan aik aadmi bury kiya gaya hai. qabar batati hai ke aik aadmi yahan mara, wahan us ko bury kiya gaya. us ko yaad karna. achha, hum bhi marenge, hum bhi kahin bury kar diye jayenge. bas waqia fateha khwani waghera toh nothing, bilkul hi koi is ka matlab hi nahi hai. na quran mein hai, na hadith mein hai.

maulana agla sawal abdul basit ka hai, doha qatar se. unhone poocha hai maulana hadith mein hai la ta'lamoon ma 'alam lazahiktum qaleel wala baqaytum katheera.