Clarification of the mirror hadith

maulana, agla sawal dhampur se kiya hai mehtab ahmad sahab ne unhone likha hai: "maulana, ek hadees mein bataya gaya hai ke musalman musalman ka aaina hai." woh chahte hain ke aap is hadees ko wazeh karein. hadees ke alfaaz yeh hain: mu'minun mir'atun mu'min. aaina kya karta hai? aaine mein aap dekhein apna chehra to agar kahin kuch mitti lag gayi hai, koi koi baat hai to woh aaina dikhata hai.

phir usko aap saaf karte hain. to aaina goya wahi karta hai jis ko hum kehte hain criticism. wahi to hai aaina. yaani ghalati ki nishandahi. criticism ka matlab hota hai ghalati ki nishandahi. to momin ka kaam kya hai? theek theek nishandahi kare aur jo suna hai woh theek theek usko sahi tareeqe se response de ke bhai tum ne acha kiya, mujhe ghalati bata di, main us ko ab islaah karta hoon. to is mein dono ki baat batai gayi hai.

yaani jo bataye aur jo sune, dono ki baat hai ke aaina kabhi bhi koi ghalat nishandahi nahin karta. matlab yeh ke agar yahan par daagh na ho tab bhi dikha de woh daagh aap ko. aisa koi aaina nahin karega. to true picture jo hai woh dikhata hai aaina. to momin ko chahiye ke woh kisi nafsaniyat ke tehat, kisi zid ke tehat, kisi yaani negative thinking ke tehat kisi par kuch na kahe. balkeh wahi kahe jo bilkul objectively woh correct ho. woh kahe bilkul sahi sahi. aur sunne wale ko chahiye ke jaldi se qabool kar le.

haan bhai tum ne meri ghalati bata di, ab main is ki islaah karunga. yeh matlab hai is hadees ka. maulana, agla sawal lete hain jo roorkee se hai. sajid anwar sahab ne kiya hai. unhone likha hai: "During a tour, I met one person to whom I had given the Prophet of Peace a few years back.