Quranic or Hadith Reference for Intellectual Development and Peace

Maulana, agla sawal Ajmer se hai. Doctor Safeena Tabassum ka . Unhon ne likha hai: "Moulana sahib, please tell if there is any reference in the Quran or Hadith which says that goal for individual is intellectual development and for the society it is peace." Dekhiye, intellectual development ka lafz Quran mein nahi milega. lekin tazkiya yahi to hai. Quran mein saaf saaf hai ke jo tazkiya karega, usi ke liye kamyabi hai. To tazkiya kya hai? Isi ko hum ne naya lafz diya hai.

Tazkiya koi yani mysterious cheez nahi hai. Log is ko mysterious banaye hue thay. To hum ne is ki mysteriousness ko nikala hai. Aur isi ka naam hai intellectual development. Koi alag cheez nahi hai. Same cheez hai. Aur doosra sawal kya hai? Ah, society mein jo target hai woh peace hai. Baqi yeh jo hai ke ke society goal hai, yeh to kahin Quran mein hai hi nahi. Yeh to khud sakhta hai, banawati hai. Goal jo hai fard hai. Apne aap ko apne andar maarifat paida karna.

To yani yeh to bohat hi wazeh baat hai ke fard target hai Islam mein. System ya hukoomat ya society target nahi hai. Yeh to is par bohat aap likha aap parh lijiye. Hamari kitabein Idara Deen jo kitaab chhap rahi hai, us mein bhi is par bahasein hain ke Islam mein jo target hai woh fard hai. Society ya hukoomat ya system yeh yeh target nahi hai. Aur doosri baat likhi hai ke system hai kya? Society hai kya? Woh to fard ke majmoo'ay ka naam hai society. Alag se aap society ko address karein to koi kuch kuch bhi nahi kaam ho sakta. Kyun ke society ka alag koi entity nahi hai. Society ki apni koi alag entity nahi hai jis ko aap address karein to us ko baat pahunch jaye.

Is ka jo unit unit hai, usi ko address karna parega. Aur individual society ka unit hai. Bohat se afraad ke milne se society banti hai. Aise hi sab se bhi hai. System ka system ki apni koi entity nahi hai. Woh bhi afraad banate hain. Hukoomat ki alag koi entity nahi hai. Is ko afraad banate hain. To chahe hukoomat ho, chahe system ho ya society ho, sab yani in the last result woh fardi to hain, individually to hain. individual theek hoga to woh theek hoga. Nahi to kuch bhi theek nahi hoga.

to individual ko target banana jo hai, yeh bohat wisdom ki baat hai. wisdom ki baat hai. yeh koi yani aisa nahi hai ke social problem ko chhodna hai. social problem jo hal honge to is ka starting point hai individual. chahe hukumat ki islaah ho, system ki islaah ho, society ki islaah ho, sab ka starting point yeh hai ke aap individual mein islaah laaen. individual mein reform laaen. hadees mein aata hai ke qumma taqooloona qadhalika yu'alla 'alaykum yani jaise individual honge, wahi society hogi. jaise individual individual honge, waise government hogi.

jaise individual honge, waise waise system system hoga. to yeh to bohat hi wazeh hai Quran o hadees mein ke individual yani fard ke banne se majmooa banta hai. society ya system mein hukumat durust hoti hai. fard theek na ho to sab cheez bigad, sab cheez buri rahegi. yani fard se alag kisi cheez ka koi wajood nahi hai. fard se alag kisi cheez ka koi wajood nahi hai. Maulana, un ka ek aur sawal hai. unhon ne aap se poocha hai ke kya muzakkar personality ko hi strong personality kahenge?