Discovering and correcting negative points

punay se aaya hai aur ejaz sahib ne poocha hai yeh sawal. woh aap se yeh janna chahte hain ke how can one discover or identify one's negative point so that it can be corrected? mein to samajhta hoon ke bohat hi asan hai. result se pehchaniye aap. kyunke jab bhi aap ke andar negative point rahega to doosron se aap ko nafrat paida ho jayegi . doosron se shikayat paida ho jaye gi. doosron se complaint paida ho jaye gi.

sab se acha jo pehchanne ka jo zariya hai, woh hai shikayati zehn. jaisay hi aap ke andar shikayati zehn paida ho to samajhye ke aap ke andar negative thinking aa gayi hai. yahi mumkin hai ke aap ke andar negative thinking ho aur shikayat na paida ho. shikayat aur negative thinking dono sath ساتھ chalte hain. bohat go

together. jahan shikayat hai, wahan negative thinking hai. jahan negative thinking hai, wahan shikayat hai. bilkul seedhi pehchan hai.

jahan shikayat ho, samjhiye ke zaroor wahan negative thinking maujood hai. jahan negative thinking ho, samjhiye ke wahan zaroor shikayat maujood hogi. aur is ko call kijiye. maulana, yeh sawal Dilli se aaya hai aur shariq hussain

sahib ne kiya hai. unhon ne likha hai ke ek shakhs ko hikmat ke husool ke liye kiya karna chahiye jis se woh khud ko krais mein tootne se bacha sake? is ke bare mein bataein. bhai, mein apna tajruba arz karunga ke aap hamari kitabein parhiye. amli tajruba yahi hai mera. kyunke jo kitabein parhta hoon, doosron ki kai hikmat hoti nahin. mein ne bohat parha, bohat parha. yani English mein, Arabic mein, Urdu mein, Farsi mein aur Hindi mein bhi kitni kitaben parh dali. ek zamanay mein mera yeh haal tha ke main sarak par chalta tha, Adab Garh mein, rastay mein

koi parha hua tha waraq, utha kar parhne laga. library mein jata tha, main Mahtab library mein, wahan gard pari hoti. khol khol kar gard hata kar kitaben parhta tha. Shibli masjid mein parhta tha, main subah jata tha aur sham ko nikalta tha.

lekin apne tajrube mein kahoon ke koi ek kitab mujhe nahi mili jis ke jo mein kahoon ke wo book of hikmat hai, wo mujhe nahi mili. aap ko agar mili hai to aap bataiye, main is ka pata. to main yahi kahoon ke hamari jo kitab hai, is ko parhiye.

bar bar parhiye, bar bar parhiye, bar bar parhiye. aur mere tajrube mein hikmat ko janne ka koi doosra zariya maujood nahin hai. agar kisi ko hai, kisi ka nazdeek to woh mujhe us ka pata batae. abhi kal mein ne ek bahut bare aadmi ka ek lamba maqala parha. bahut lamba, pata nahin kitne safhon ka tha. yaani woh Musalmanon ki jo literary history hai, poore hazar saal ki, us par tabsarah tha woh. yaani Mus Musalmanon ki hazar saala literature history par. aur ek bhi is mein hikmat ki baat nahi.

sab maslay, misaal, maslay, misaal, maslay, misaal. to mein kya karoon? mein yahi mashwara de sakta hoon ke aap hamari kitabein parhiye, bar bar parhiye. aap english wale hain to aap spirit of islam parhiye. urdu wale hain to risala monthly parhiye.

yeh mashwara de sakta hoon. apne tajrube ki roshni mein koi doosra mashwara mere paas nahi hai. maulana, agla sawal dilli se hai aur shahab haider sahib ne kiya hai.