How to stay away from distraction for focused mind?

Maulana, agla sawal Dilli se hai Miss Naghma Siddiqui ka aur unhon ne likha hai: "Contemplation requires a focused mind. How can we stay away from distraction to get a focused mind?" "dekhen, main samajhta hoon ke har aadmi kisi ek cheez par focus kiya rehta hai. baghair focus ke koi jeeta nahi.

sirf yeh hai ke aap focus kisi ka hota hai akhirat par, kisi ka hota hai dunya par. misalan, ek shakhs ne mujhe bataya ke mere inke bhai rehte hain bahar Europe mein, kisi mulk mein ya America mein kahin. to unhon ne kaha unki ek bachi paida hui, beti.

to bas usi ko le ke khelte rehte hain. to unhon ne kaha ke woh office mein kaam karte hain. to office mein jab aate hain to sab se pehle is bachi ko utha lete hain, use pyar karte hain, use god mein lete hain.

to kaha office mein tab bhi focus bachi par hai. usi ko yaad kiye hue hain. to har aadmi ka focus hota hai kisi na kisi cheez par. bghair focus ke koi jeeta nahi hai dunya mein.

hata ke jo ghalat log hain, un ka bhi focus koi hai. koi ghalat cheez un ka focus bani hui hai. to focus to rehta hi rehta hai. ab cheez yeh hai ke focus sahi ho, Allah par ho, jannat par ho, aakhirat par ho.

to yeh cheez aaye gi soch se. jitna sochen ge, utni focus ka correction hoga. to focused mind to by nature har ek ka hota hi hota hai. sirf masla hai correction ka.

apne focus ko aap sahi karen. to mein samajhta hoon ke study karna, ghore o fikr karna, duaen mangna, yahi is ka zariya hai. jisko jo chahta ho ke mera focus sahi ho, to yahi rasta hai is ke liye. aur koi rasta to hai nahi.

maulana, agla sawal mehtab sahib ne poocha hai aap se dhampur se.