Why people fight for greatness of religion

maulana, agla sawal dilli se hai, Mr. Luvpreet Singh ne likha hai. unhon ne aapse poocha hai ke "I want to know why people fight for the greatness of religion." yeh to bilkul, yani mazhab ke khilaf hai ke mazhab ki greatness ki ladai jaye. yeh to political banana hai. "Does it politicize religion?" yani mazhab ko political banana

hai. mazhab to ek spiritual message hai. spiritual development is ka nishana hota hai. to fight se kehta hai log is ka greatness kis ko milegi? mazhab ko thodi jo mazhab ke naam par apna chahte hain power capture karna. to beharhal, mazhab ke greatness ke liye jo ladai ladi jaye, woh bilashuba mazhab se koi is ka taluq nahi hai. woh to leadership hai. kuch log leadership karte hain mazhab ke naam par, na Islam mein hai, na kisi aur mazhab mein hai. yeh is qism ki ladai jo hai, na Islam mein hai, na na kisi doosre mazhab mein hai. Mr. Mohammad Zamir Kamti sahib ne Nagpur se sawal kiya hai.

unhon ne likha hai: "mad'u ke liye zyada effective Islam kya hai? theoretical Islam ya practical Islam? yani mutale'e wala Islam ya mushahde wala Islam?" mushahde wala Islam koi hota hi nahi. ek hi Islam hai, woh mutale'e wala hai. yeh, yeh nazariya hi galat hai. yeh to ek sahib ne kitab likhi hai, shahadat-e-haq, is mein dikhaya hai ke woh qouli shahadat, amli shahadat, yeh bilashuba bilkul be-asal hai, baseless hai. amli shahadat kuch nahi hoti. qooli shahadat hi fidaai dawat hoti hai. aap dekhen, rasool Allah sal Allah alaihi wasallam ne makkah mein kya kiya tha? quran sunate the, bas qooli shahadat de dete the.

madinah gaye sahaba to woh kya karte the? woh un ko muqarrar kehte the log, yaani parh ke sunane wala. to amli shahadat ka tasawwur bilkul baseless hai. is ka Islam se koi talluq nahi. dawat yaad rakhiye, hamesha qol ke zariye hoti hai aur is ko jo taqat di jati hai, woh daleel ke zariye, amli, amli namune se nahi. yeh nazariya bilkul batil hai, mere nazdeek ke koi amli namuna ho, is se aap la kar ke mutasir karen madu ko. nahi, apni dawat ke haq mein jo cheezen aap ko jama karna hain, woh dalail, reason, is se is ko fortify kijiye.

to dawat ki taqat daleel hai. dawat ki taqat amli nizam, nizam nahi hai. yeh bilkul batil tasawwur hai ke dawat ki taqat amli nizam hai. dawat ki taqat hai daleel, reason, haqaiq. maulana, in ka doosra sawal yeh hai ke quran se musalmanon ki doori ka sabab kya hai? sabab kya hai? yeh to hota hi hai, har qaum mein hota hai, baad ki naslon mein. to musalmanon ki baat nahi hai. fatala alaina mawat fa qasut qulubuhum tool-e-umar se qasawat aati hai, tool-e-umar se spirit khatam ho jati hai,

tool-e-umar se woh haqeeqi Islam jo hai, baqi nahi rehta. wahi hua hai musalmanon ke mamle mein. yeh sara mamla hai, tool-e-umar ka phenomena hai. yeh maulana, yeh sawal Karachi Pakistan se hai, Mr Abdul Lateef sahib ka . unhon ne likha hai: "main jis tarah toofan aur barish se paida shuda masail aur mushkilat ka hal talash karta hoon, usi tarah insanon ki taraf se paida shuda masail aur mushkilat ka hal, hal bhi ehtejaj aur shor o gul karne ke bajaye, is ka hal talash karta hoon. kyun ke main dono qism ke masail ko Allah ki taraf se samajhta hoon,

barish ke masail ko bhi aur insan ki taraf se aanay wale masail ko bhi. kyun ke insan bhi Allah ki di hui azadi ka galat istemal kar ke masail paida karta hai. maulana sahib, mera yeh, meri yeh samajh kis had tak sahi hai?" haan, insan ki taraf se jo masail paida hon, is ke liye kya hai? sabr hai, sabr hai. barish aaye to is ke liye aap ko chhat banana hai. barish agar aati hai to aap ko chhat banana hai. garmi ka zamana aata hai to aap ko saya talash karna hai.

lekin insanon ki taraf jo masail paida hote hain, un ke liye sabr karna hai. sabr ke maani kya hote hain? sabr ke maani hote hain mabni bar harkat planning, reality based planning. yeh hai sabr. yaani halaat ka jaiza lijiye aur dekhiye ke aap ke wasail kya hain, fareeq-e-sani ke wasail kya hain. to apni taqat aur apne wasail aur halaat ko le kar ke sare mamle ka jaiza liya jaye, phir jo naqsha banaya jaye amal ka, is ka naam hai planning.

isi ka naam hai sabr. yeh hai yaani sahi tareeqa is mamle mein. maulana, Tamil Nadu se Maulana Iqbal Omri ne sawal kiya hai. unhon ne likha hai: "Maulana, kya insan ka zamir yeh keh raha hai ke aman do aur dawat ka mauqa lo?" main yun kahunga ke daai ka concern hai muaddal halaat mein dawat dena.