Who will succeed Maulana as writer and speaker?

Okay, we'll start the question-answer session now. Maulana, yeh sawal aaya hai Mr. Khaja Kaleemuddin ka Pennsylvania se. unhone likha hai: "Maulana sahib, I often come across with a question from the people asking who is going to be like Maulana after he has passed away. Did he prepare anyone like him who is going to be a prolific writer and speaker?" My reply to such people always has been that Maulana has never been trying to clone himself who can be another Maulana Vaiduddin Khan. Rather, he is trying to raise the awareness of all and sundry so that every person becomes a

thinking person, a person who discovers the reality on his own. Maulana, with his literature, has initiated a process with which people may evolve into peaceful beings who can establish peace in the world. Thus, he is making a way so that someone greater than him may be born." Maulana sahib, please comment on my reply.

theek hai, aap ne bilkul sahi jawab diya hai. haqeeqat yeh hai ke dunya mein hamesha literature hi se kaam hua hai. jitne tehreekein hain, insaan to hamesha baqi nahin rehta. jitne barhe barhe movement hain, woh sab literature hi se aage barhe hain.

chahe Marxism ho, chahe Darwinism ho, chahe Democracy ho. jitne bhi tehreekein hain, literature hi ke bal par aage barhi hain. aur Allah ke fazl se yahan literature aisa tayyar ho chuka hai jo har cheez ko replace karta hai. abhi aaj hi mujhe ek news mili ek shehar se India ke.

ek saahab ko yaani daryaft hui is mission ki. aur kitabon ko parha unhon ne. to unhon ne andha dhundh kitabon ko phailana shuru kar diya. aaj hi mujhe Masih Ibrahim kehte hain ke main ek ek insaan tak in kitabon ko pahunchaoonga.

to log, mere khayal se, yeh log parhte nahin. woh jante nahin ke literature ki shakal mein kaisi cheez tayyar ho gayi hai. aaj hi subah telephone ke zariye mujhe ek sahab ne bataya ke inke paas telephone aaya hai. ke inke andar ek zabardast jazba jaag utha hai ke is literature ko mujhe saare insanon tak pahunchana hai.

is ke liye woh apna waqt, apna maal, apni energy sab laga rakha hai unhon ne. to aap aisi baatein kyun karte hain? dekhiye, Quran mein hai ke qunoot haraam hai. mayusi haraam hai. to is mein main aksar sochta hoon ke mayusi ko Allah taala ne kyun haraam kiya? yaani agar

mayusi ke asbab maujood hon to us ko haraam nahin keh sakta. pehle mayusi ke asbab ko khatam karna parega tab mayusi ko haraam kar sakte hain aap. yeh naam karna hai ke Allah taala mayusion ke duniya mein insan ko chhod de aur kahe ke mayoos mat ho.

darmiyan qal darya takht bandam kardi badmi goyi kas daman tar mak hooshiyar bash aisa nahin ho sakta hai. doosri baat yeh hai ke sab se badi taqat Allah taala ki hai. jo har waqt aap ke liye, har waqt aap ke liye maujood hai. har insan ke liye.

hata ke andhe ke liye bhi maujood hai. main aap ka kal ka tajruba aap ko batata hoon. kal, abhi kal shaam ka. dilli ke ek bahut bade center mein kal ek program tha.

wahan ek American professor aaye hue the. ek senior professor jo wahan par mazhab ko parhate hain. to ek bahut zabardast program tha, scholars akatthe the is mein. aur speaker sirf do the.

sirf do ko bolna tha wahan. woh jo thay woh christian ko le kar, christianity ko le kar bolne thay. yani christianity and peace, yeh un ka subject tha. doosra speaker mein tha.

islam and peace. ab pehli baar aisa hua meri zindagi mein ke aik senior american professor ke sath mein baitha hoon. aik us ki taqreer, doosri meri taqreer. to mein yaqeen kijiye ke mein bilkul andar se, yani dil mera kaanp raha tha ke.

aur woh aadmi, us ki angrezi us ki madri zuban hai. wohi shobay mein taleem hasil ki hai. isi ka professor hai. isi par research kiya hai.

isi ka expert hai woh. to aik american professor yahan baitha hua hai, doosri taraf mein baitha hoon. mein aik madrassay ka molvi. meri taleem to molvi wali taleem hui hai.

to us waqt aap yaqeen kijiye ke mere dil mein yeh aata tha ke kaash koi mujhe mil jaye bhagne ka aaj moqa. koi wajah mil jaye. bas mein faint ho jaon.

ya koi aisi baat ho jaye ke mujhe aik aik excuse mil jaye ke mein stage chor ke chala jaon. jaise aise khayalat aa rahe thay. lekin zahir hai ke mein uth nahi sakta tha. to mein ne Allah taala se dua ki.

mein ne kaha khuda ya to. jab aadmi deewangi mein bolta hai to ajeeb baatein bolta hai woh. jo hadith mein hai ke rub' al-shazaq matfu' bil-wab la aqsim Allah illa bar to deewane ki koi zaban nahi hoti, yaad rakhiye.

main ne kaha khuda ya to jibril ko dobara bhej de. zameen par. main bator human face ke ja raha hoon. ab bolne wala jibril ho. to waqea yeh hai ke is waqt jo main ne mein bola, jo chhodne walon se aap poochh lijiyey.

ek sahib ne is ko etiraf kiya ke jo level of confidence aap ka tha woh is ka nahi tha. is Christian professor ka, American professor ka, white professor tha woh. is ka level of confidence jo tha us se bohat zyada tha aap ka level of confidence. aadh ghante tak bolta raha main, tees minute tak.

to kaise log hain jo jin ko Khuda par bharosa nahi? log apni madi zaruraton ke liye Khuda se mangna jante hain. dawat Allah ke liye mangna nahi jante. main ne aise log dekhe hain jo tarp tarp kar dua karte hain bimari ke liye, bachche ke

liye, apni madi cheezon ke liye. isi tarah se aap Allah se mangen to Allah ki madad uṛ paṛegi aap ke upar. ek kal ek ek ek ek sahib mile mujhe, ek ek ek naujawan jo ke hamare da'wati program mein lage hue hain.

woh barabar kaam kar rahe hain da'wati. yahan bhi ate hain. to unhon ne yeh kaha ke main da'wati kaam to kar raha hoon, jana paṛta hai mujhe Hinduon mein, Isaiyon mein, har jagah.

lekin mera level of confidence jo hai woh bohat kam hai. yeh kaha unhon ne. jo confidence hona chahiye us ka us se main hi dawat kar pata hoon. to mein ne kaha ke aaj aap maujood thay yahan par.

yeh qissa bataya mein ne in ko. woh maujood thay kal. to mujhe un se unhon ne poocha ke aap mujhe bataiye ke woh American professor tha aur mein aik molvi tha.

donon ki taqreer suni aap ne. donon mein level of confidence ke aitbaar se aap number dijiye. unhon ne kaha ke aap ka level of confidence barha hua tha. mein ne kaha barha hua tha, Allah hi se, Allah Allah se dua kar rahe thay.

mere andar kuch bhi nahi tha mere andar. isi ko Hazrat Masih ne kaha tha ke mango to pao ge. darwaza khatkhatao, tumhare liye khula jaye ga. bohat ajeeb baat unhon ne kahi ke woh kon baap hai ke is ka beta is se machhli

mange, is ke haath mein saamp rakh de. aik bari ajeeb taqreer hai Hazrat Masih ki Bible mein. mango to pao ge. darwaza khatkhatao, tumhara is se khula jaye ga.

woh kon baap hai ke is ka beta is se machhli mange, is ke haath mein saamp rakh de. to is mission ke sath na sirf literature maujood hai na sirf Quran maujood hai balkeh Allah taala maujood hai. Allah taala tamam farishton ke sath maujood hai. to kis baat ka khauf, kis baat ka gham? kya aap isi Allah ke sath, isi be aitimadi

ke sath jiyen ge to Allah ka saamna kar paen ge aap? jo log is be aitimadi ke sath jeena chahte hain duniya mein, woh is be aitimadi ko le kar kiya Allah se milna chahte hain aakhirat mein? yeh sab shaitani waswase hain, yaad rakhiye. aur jab bhi yeh waswase aayen to kahiye la haula wa la quwwata illa billahil azeem la haula wa la

quwwat illa billahil aliyyil azeem allahumma inni aoozubika min hamazatish shayateen yeh sab parhiye. aur sab inshallah theek ho jayega. Maulana, agla sawal Karachi, Pakistan se hai.