Creation of Pakistan as settled decision

molana, yeh sawal abhi aaya hai lahore pakistan se muhammad sajjad nawaz sahab ka. unhon ne likha hai: "molana sahab, i am from lahore pakistan . i fully agree and appreciate your mission of dawah activism with peace. i agree with your point of view on kashmir issue that its political decision has been settled in 1948. can we take the creation of pakistan in the same way that it was decided practically august 14, 1947? now, our task is to explore opportunities for dawah work and utilize them in a positive way. we are a small team in pakistan and work with quran and your literature.

sometimes your views about pakistan cause big hurdles for us in doing dawah work in pakistan." bohat sahi aap ne kaha, aur main dua karta hoon ke allah taala aap ko himmat de. aur dekhiye, dawat ke rastay mein agar hurdles aate hain to aap ke reward ko barhate hain. wo agar bilkul sab kuch saboot ho, aur aap bohat hi air conditioned kamray mein aur air conditioned car mein baith kar safar kar rahe hain, har taraf taaliyan baj rahi hain aap ke liye, to koi aap ko inaam nahi mile ga. jo hurdles hain, jo rukawatein hain, wo to booster hain aap ke liye. booster! to aap yahi kaam karte rahiye, aur kisi ki parwah mat kijiye.

sirf kal jo maine taqreer ki thi, mujh se poocha gaya to maine kaha ke dawat ka mission jo hai, sirf do formulay se chalta hai: dua aur dawat. dua aur dawat! to aap dawat dijiye aur dua kijiye. dawat dijiye aur dua kijiye. aur allah ka wada hai ke jo dawat ka kaam kare ga, us ki madad zaroor kare ga allah taala. koi aap ko kuch bigar nahi sakta, bashart e keh aap peaceful rahen, logon ke khair khwah rahen, reaction ka tareeqa ikhtiyar na karen, negative thought ka shikar na hon. to zaroor hai ke allah ke farishtay aap ke paas aayen ge, aap ki madad hasil hogi.

apni taraf se logon ko har giz mauqa mat dijiye. agar aap ghussa ho jayen, aap react karen, aap negative thinking aap ke andar aa jaye, aap tashaddud karen, to aap logon ko mauqa de den ge. agar aap aisa na karen to bilashuba allah ki madad aayegi, farishtay aayen ge, aur har mauqa par aap ko kamyabi hasil hogi. purely dawah work, baghair kisi tashaddud ke, baghair kisi nafrat ke, baghair kisi, yani kisi ke khilaaf bad dua nahi karna hai. sirf dua hi karna hai, sirf dua karna hai. yahi karte rahiye.

molana, agla sawal kya hai? doctor afsan tabassum