Struggling to attain peace for ten years

molana, agla sawal kya hai? doctor afsan tabassum ne likha hai: "right from the age of 20, i have been striving to attain the state of peace, but even after ten years, i have found myself at the same stage from where i head started. molana sahib, please guide me as to how i can achieve nafs-e-mutmainnah.

dekhiye, nafs mutmainnah ka lafz jo aaya hai jis surah mein, usi surah mein is ka jawab bhi maujood hai: ya ayyatul nafsul mutmainnah irji'ee ila rabbiki raadiyatan mardiyyah, yani raazi hona allah ke plan par, raazi hona jo aap par beetta hai us ke upar. yani jo kuch aap par beetta hai, chahe aap ki family mein beeta hai, aap ke paros mein beeta hai, aap ke mulk mein beeta hai, jis ko log kehte hain zulm aur sazish aur kya kya, yeh sab allah ki taraf se main test papers hain, allah ki taraf se imtehan ke parche hain. to aap ko is par raazi hona pare ga:

ya ayyatul nafsul mutmainnah irji'ee ila rabbiki raadiyatan mardiyyah. is ka matlab hai ke is waqt tak jab ke aap allah se milen, tab tak aap ko raazi hona hai. yeh duniya, hum jo hamari zindagi hai, aakhir kar hamein allah se milna hai. is waqt tak hamein raazi rehna hai in sab soorat e haal par jo paish aa raha hai, yeh samajh kar ke yeh allah ki taraf se hai. tab jannat mile gi: fatakhalli fi ibadi wa dakhli jannat keh is ke baad hai. to al-nafs, al-nafs, al-nafs al-mutmainnah ka raaz sirf ek hai, woh yeh hai keh jo kuch paish aaye, us ko Allah ki taraf se samajhna, insan ki taraf se nahin. jab aap kehte hain zulm hai, saazish hai, to aap ne is ko insan ke khane mein dala.

aur jab aap kehte hain keh test papers hain, to aap ne is ko Allah ke khane mein dala. yaad rakhiye, yeh yeh yeh simple formula hai keh jo kuch aap par beetta hai, agar aap ne kaha keh dekho hamare khilaf saazish ho rahi hai, dekho hamare khilaf zulm ho raha hai, dekho hamare khilaf dushmani ki ja rahi hai, to is ka matlab hai keh jo kuch hua, us ko aap ne dala insan ke khane mein. lekin agar aap yeh kahein keh yeh to test papers hain, yeh to imtehan ke parche hain, yeh to paish aa nahin aana hai, to aap ne is ko dala Allah ke khane mein, tab kya hoga? tab aap ko al-nafs al-mutmainnah mile ga. aur tab kya hoga? tab aap ko Allah ki madad aaye gi. aur tab kya hoga?

farishtay aap ko aayenge khushkhabri dene ke liye, jaise Quran majeed mein hai. aur phir inshallah aap ke jannat ke darwazay khule jayenge. yeh raasta hai jannat tak pohnchne ka. doosra sawal hai Chennai se hi Maulana Iqbal Umri ka. unhon ne likha hai: "Islami ghairat aur qoumi humiyat, is qism ke alfaaz dawat-e-zehan ko kitna kill karte hain?