Wrong Application of Quran for Jihad

maulana, agla sawal adeel abad se kiya hai muhammad mehmood sahab ne, aur unhon ne likha hai ke aaj poori dunya mein muslim tanzeemein har jagah tashaddud aur fasad barpa kiye hue hain, aur isi ko woh naam dete hain jihad fi sabilillah ya iqamat deen ya islami hukumat ya islami nizam ka qaim waghera. kya yeh quran ka wrong application hai? aur agar hai to is se bahar nikalna, bahar nikalne ka durust tareeqa kya hai? is ke bare mein bataein. mein to kehta hoon wrong application hai, lafz halka hai. yeh to distortion hai. yeh quran ka wrong application aap kahein, tab bhi us ko halka halka lafz hi hai. distortion hai.

yeh log, mein in logon ko bohat janta hoon, kitne logon se mila hoon, in ki kitabein parhi hain. intehai had tak in senior hote hain yeh log. inhe ladna bhadna hai, aur yeh aaj kal zamaney mein agar pata ho aap ko, yeh bohat bara business ban gaya hai. yeh poora jo idhar udhar chal rahi hai militancy, yeh bohat bara business hai. aap gehrai ke sath mutalliq rahein to aap jaan lenge. bohat bara business hai. yeh jihad, yeh jihad nahin hai, yeh jihad hai na islam hai. yeh naye daur ka business hai. yeh naye daur ka business hai. misaal ke tor par dekhiye, aik sathi se mein mila, jo leader hain militancy ke.

aik yeh, yani yeh jihad ke naam par jo tehreek chal rahi hai, is ke is ke leader hain woh. un ke do larkay thay, do larkay arab mein parh rahay thay, aur khud logon ko jihad ke naam par larwa rahay thay, woh woh sahib. yeh sab ka haal hai. aik aur saathi se mein mila to woh mustaqil tehreek chalai hui hain amreeka ke khilaaf, aur khud apnay bachon ko amreeka mein bhej settle kiye hue hain. yeh to business hai, is ka islam se koi talluq hai na quran se koi talluq.

aap gehrai se study karen, tab aap mujh se ittifaq karen ge. maulana, agla aik comment aur sawal aaya hai doctor safeena tabassum ka ajmer se. un ka comment pehlay parhtay hain. unhon ne likha hai ke maulana sahib, first of all, I must acknowledge that your last class on Surah Al-Asr has set me thinking for the whole week, and it has really cleared my thoughts. My question for today is kya yeh kehna durust hoga ke qital aur jang ki ayaten sirf aik khaas daur ke liye theen aur aaj in ka koi significance nahi?

dekhiye, mein aap ko aik bohat hi usooli baat arz karta hoon. tamam fuqaha jo hain, aik baat mantay hain, fuqaha yeh islam ke scholars ke qital jo hai woh husn li zati hi nahi hai, husn li ghairi hai. yeh mein aap ko fiqhi term arz kar raha hoon, ethical term mein ke tamam islamic scholars without exception yeh mantay hain ke qital husn li zati nahi hai, husn li ghairi hai. yani is ka matlab kya hua? ke jang jo hai kisi positive result ke liye hoti hai, kham khwah nahi hoti. yeh mantay hain sab log ke larai jo hai woh sirf maar kaat ke liye nahi hoti. yani violence, fateh se violence nahi hai yeh, balkay kisi positive result ke liye hoti hai.

to ab aap dekhiye, do so saal se musalman لڑ rahay hain jihad ke naam par. mujhe bataiye ke positive result kahan hai? kya kashmir mein hai? kya falasteen mein hai? kya india mein musalman lade britishon se? is mein kuch tha? afreeqa mein lade francision se? is mein koi positive result nikla? kuch bhi nahi. log thak haar kar ke apnay bachon ko angrezi parha rahay hain aaj kal. sab ko mein jaanta hoon ke asia se aik afreeqa tha jo lade, ab in ke betay aur potay jo hain modern schoolon mein parh rahay hain.

So where is the result? jo result nahi nikla to husn li zati to nahi hua yeh, yeh to husn li ghairi ho gaya. to aap khud yeh fuqaha ke apnay usool ke mutabiq yeh jo jihad ke naam par jo riaya ho rahi hai, is ko bilkul dust stop kar dena chahiye ke band karo is ko, yeh to husn li ghairi ho raha hai, husn li zati nahi ho raha. koi bhi shakhs bataye ke jahan jahan musalman lade hain, wahan koi positive result mujhe bataiye kahan hua? kahin bhi nahi hua. iraq mein, afghanistan mein, pakistan mein, kahin bhi aap dekhiye, jahan jahan musalman lade hain, sirf tabahi, sirf tabahi, sirf tabahi.

sab se bari misaal falasteen hai, saath baras se lade rahay hain arab wahan par, aur siwa nuqsan ke kuch nahi hua. tabahi, tabahi, tabahi, tabahi. to tabahi ke baad aap dekhiye, jab aap ka yani jihad ke naam par jo larai aap ki ulta result de, yani jis ko kehtay hain yani counter productive, to aap ko jang band karne ka option hai. yeh nahi ke aap shor karen ke zulm ho raha hai, zulm ho raha hai, zulm ho raha hai. aaj kal saaray musalman kya keh rahay hain ke fals teen mein zulm ho raha hai? nahi, yeh kaho ke falasteen mein jang ko band karo kyun ke result nahi nikal raha. yeh bohat serious baat hai, yeh bohat serious baat hai.

yeh mahatma gandhi ne aik bohat sanjeeda aadmi thay, mein bataoon ke hamaray leaderon se ziyada sanjeeda thay ke unhon ne tehreek chalai civil disobedience. to un ke jo volunteers the barodoli mein, un ka jhadap ho gayi police se to unhon ne aag laga diya police station mein. wahan bohat se police wale jal gae. isi waqt aelan kar diya mahatma gandhi ke band karo is is movement ko kyunke hum is ke liye competent nahi hain.

to hamare leader jo hain, jo duniya bhar mein jahan jahan larai chhide hue hain, sab log manenge ke is ka koi positive result nahi nikla. to aap par aap kya kar rahe hain? complaint ke zulm kar rahe hain, zulm ho raha hai, zulm nahi ho raha. tum apne yeh mano ke hum ghalati par thay ke hum ne ek aisi larai chhed di jo jihad nahi thi. woh toh band karo is ko, dead! har jagah talwaron ko tod dalo, banduqon ko samandar mein daal do, aur bomb ko zameen mein gaar do kyunke hum positive result nahi le sake. to tamam fuqaha yeh mante hain ke qital hasan lizati hai to qital hai, warna hasan laghari hai to qital nahi hai.

yani maqsad jo maqsad hai, woh hasil ho tab qital hai, nahi toh qital hi nahi hai. woh toh kahan maqsad hasil ho raha hai? is ki wajah kya hai? is ki wajah yeh hai ke yeh daur jo hai, yeh peaceful activism ka daur hai. violent activism ka daur hi khatam ho gaya. ab jo taraqqiyat duniya mein hui hain, freedom, democracy, aur secularism, un sab ke nateejay mein naya daur jo hai, peaceful activism ka daur ban gaya hai.

ab violent violent activism ka daur hi khatam. to is zamane ki is awaz ko samjhiye. hadith mein aata hai ke momin ke bare mein ke in yakoon baseeran bizamani momin woh hai jo apni zamani ko pehchane. to saboot dijiye apni apne momin hone ka ke aap zamani ki pehchaniye ke yeh yeh zamana peaceful activism ka hai, violent activism ka zamana hi nahi hai. to yeh sab jo ho raha hai, is ka quran hadith se koi talluq nahi hai. yeh logon ki apni khud sakhta karrawaiyan hain. maulana, agla sawal usman sahib ne kiya hai hyderabad se, aur unhon ne likha hai: "Scientist says, scientist say that energy never dies." is ka matlab kuch log yeh bhi lete hain ke "Energy is God or part of God." please is ki wazahat karen.