Fear of speaking openly among Muslims
“Nowadays, among Muslims, one is afraid to speak openly about anything, lest something said about the Quran or the Prophet, even indirectly, makes Muslims angry and they do something. What is the way to avoid this?”Asked by راج ملک, دلی
He answers at 1:06:51 in Study of The Quran · 2 min
1:06:51Maulana, agla sawal Raj Malak sahib ne kiya hai Delhi se, aur unhon ne likha hai: "Aaj kal Musalman ke darmiyan koi bhi baat khul kar bolte hue darr lagta hai ke isharay mein bhi koi baat Quran aur Nabi ke baray mein jis se Musalman ghussa ho kar kuch kar baithe. is se bachne ka tareeqa kya hai?" tareeqa yeh hai ke Musalman, ke yeh jo Musalmanon mein jo mizaj aa gaya hai, yeh to is ka Islam se koi talluq nahi hai. yeh to shaitani mizaj hai ke Allah Ta'ala ne kaha ke Adam ko main khaleefa banata hoon, aur phir shaitan ghussa ho gaya. ke kaise bana denge khaleefa ab is ko aap? main is se bartar hoon. to cheezon ko sun kar bhadak uthna, yeh to shaitani nafsiyat hai, is ka Islam se koi talluq nahi.
1:07:45aur is se, yani ya to avoid kijiye, ya agar aap aisa aadmi payen jo discuss kar sakta ho to discuss kijiye. warna yaqeenan yeh bhadakne ki nafsiyat jo hai, shaitani nafsiyat hai, is mein koi shakk nahi. pehla jo shakhs bhadka tha, woh shaitan tha. yeh to maloom baat hai ke Allah Ta'ala ne Adam ko banaya, aur yeh kaha ke Adam zameen ka khaleefa hoga. khaleefa ka matlab yeh koi religious term nahi hai, yeh religious term nahi hai. matlab zameen ka intezam chalayega, bas is sense mein.
1:08:25zameen ka intezam chalayega. to shaitan bhadak utha. to kisi baat par ghaur karna, seriously samajhna, yeh insan ka kaam hai. ab bhadakna shaitan ka kaam hai. to Musalman jo baat baat bhadakte hain, bhadak kar larne maarne ke khare hote hain, woh to shaitani culture hai, is ka Islam se koi talluq nahi. Moulana, agla sawal poocha hai Ghaziabad se Waqar Sahab ne, aur unhon ne likha hai: "Moulana there are verses in the Quran which says Jews and Christians are your enemies.