Prophet's punishment for blasphemy

to ab mein apna agla sawal Maulana Inayat Umri sahib se karunga ke kya peghambar e Islam sallallahu alaihi wasallam ne shatm e rasool ki saza kisi ko di thi? aap ka bohat shukriya is session mein dawat dene ke liye. yeh jaisa ke hamare sathiyon ne bataya ke yeh topic jo hai door e jadeed ka ek bohat hi burning topic hai. is ki wajah yeh hai ke yeh media ka door hai, social media hai, electronic media hai. secondon mein baatein phail jati hain aur hangame shuru ho jate hain, agitation shuru ho jate hain. to is silsile mein yeh jaanna zaroori hai ke kya Rasool Allah ne apne zamane mein jo shatm ke mujrim thay, un ko koi saza di jinhon ne blasphemy ki ya peghambar ki toheen ki, aap ki shan mein gustakhi ki?

to kya aap ne un ke liye koi saza di hai? dekhein, agar hum Quran o Hadees mein dekhein to wazeh taur par nazar aata hai ke khud Quran mein Allah Ta'ala ne shatm ka zikr kiya hai. ek to Quran ki bohat wazeh aayatein hain jis mein Allah batate hain: "man qablak" ke aap se pehle peghambaron ka bhi istihza kiya gaya, mazak uraya gaya

, un ki bhi toheen ki gayi aur aap ki bhi ki ki ja rahi hai. aur is silsile mein Quran ki ek surat hai, Surah Al-Kawthar, is mein un logon ka Allah ne zikr kiya hai jo Rasool Allah ko abtar kaha karte thay. abtar jo hai yeh blasphemy hai, is ka matlab yeh hai ke "alladhi la uqbah" ke un ki koi narina aulad nahi hai, yeh mar jayenge to un ka naam o nishan sab khatam ho jayega. yahi log aap ko abtar kehte thay. aur is se bhi bari misaal yeh hai ke Quran mein Allah ne Abdullah bin Ubay ka jo door e Rasool mein munafiqeen ka sardar tha, us ka zikr kiya hai ke us ne ek mauqe par yeh kaha tha ke "man

ke hum mein jo sab se ziyada ba-izzat hain, woh sab se ziyada zalil shakhs ko Madinah se bahar nikal denge". is aayat mein Allah ne us ke shatm ka zikr kiya hai jis ne apne aap ko ba-izzat aur Rasool Allah ko sab se ziyada ghatiya lafz aap ke mamle mein us ne istemal kiya, "azal" ka lafz us ne istemal kiya. lekin hum dekhte hain ke is ke bawajood Rasool Allah ne us ke khilaf koi karwai nahi ki. is waqe ke baad khud Abdullah bin Ubay ke bete Abdullah Rasool Allah ke paas aaye, woh Sahabi hain, unhon ne kaha ke "Ya Rasool Allah!

mujhe ijazat dijiye ke main apne baap ka qatl karoon". aap ne un ko mana kar diya aur unhon ne yeh bhi kaha ke "agar aap yeh kaam kisi aur ke supurd karein to shayad mujhe takleef hogi aur main hamesha is ko is nazar se dekhunga ke yeh mere baap ke qatil hain. is se behtar yeh hai ke woh zimmedari aap mujhe dijiye, main karta hoon". aap sallallahu alaihi wasallam ne mana kiya. un ke toheen ke waqiyat, Abdullah bin Ubay ke toheen ke waqiyat itne ziyada hain ke ek martaba Hazrat Umar bin Khattab Razi Allahu Anhu ne ja ke kaha Rasool Allah se: "Ya Rasool Allah! ijazat dijiye, is munafiq ko maar doon, qatl kar doon". Nabi sallallahu alaihi wasallam ne kaha ke "agar hum in ka qatl karenge to dunya yeh kahegi ke "in Muhammad yu qatilu ashabahu" ke Muhammad jo hai apne hi aadmi ko qatl karte hain, un ke darmiyan un ke apne log hi safe nahi hain.

dekhein, yeh woh shakhs hai Abdullah bin Ubay jis ne ek mauqe par Nabi sallallahu alaihi wasallam ki jo zawja hain, Ummul Momineen Aisha Siddiqa Razi Allahu Anha, un par tohmat lagayi. yani woh shakhs jis ne Rasool Allah ke ghar ki izzat ko neelam kiya, bazaar mein laya aur aap sallallahu alaihi wasallam un ke talluq se kehte hain ke "agar maine un ka qatl kiya to Islam ki izzat sar bazaar aa jayegi". to is se hum samajh sakte hain ke Nabi sallallahu alaihi wasallam ne bawajood is ke ke un ka shatm khula tha, wazeh tha, magar un ki natural death hoti hai, natural un ki wafat hoti hai aur is mauqe par aap sallallahu alaihi wasallam ne un ke kafan ke liye apna kapda bhi bheja.

is se hum andaza laga sakte hain ke peghambar ke zamane mein aise waqeat hue magar koi agitation nahi hua, koi hangama nahi hua, koi log sadkon par nahi nikle, hangama nahi kiya logon ne. to islami talimat mein yeh baat maujood hi nahi hai ke kisi shatm ke liye, yeh yeh shatm ke mujrim ke liye koi saza di jaye. ji, jazak Allah khair. shukriya Maulana Inayat sahib. ab mein apne agle sawal poochne se pehle mein quran ki do ayat padhna chahunga jis se hum samajh sakte hain ke quran mein kya bataya gaya.

phir hum iski mazeed wazahat Maulana Fayyaz Umri sahib se pooche ge. quran mein ek ayat hai: "ya ayyuhal lazeena aamanu la taqoolu ra'ina wa qoolu anzirna wasma'u" ke "ae logon! ae iman walo! tum log ra'ina na kaho, anzir na kaho aur suno". is ayat ka pas manzar yeh bataya jata hai ke Allah ke rasool sallallahu alaihi wasallam ke paas kuch kuch josh aya karte the aur woh aap sallallahu alaihi wasallam ko sab karne ke liye kehte the: "ra'ina". ra'ina ka matlab hota hai do: ek to ek hamare charwahe aur doosra ahmaq, nadan ya us se bhi aur kamtar word aap samajh sakte ho.

is se iske baad musalman bhi ra'ina kehne lage to Allah taala ne wahan par musalmanon ko jo talim di hai woh yeh hai ke tum yeh word use na karo, yeh alfaz use na karo jo josh use karte hain, balke iski jagah anzir na use karo. to hum samajh sakte hain ke Allah taala ne kya talim di hai aisi cheezon se bachne ke liye. isi tarah se quran mein ek aur jagah hai: "fi hatta fi jab tum dekho kuch logon ko ke quran ki ayaton mein woh mazak uda rahe hain, iska to tum unke sath na baitho yahan tak ke woh mazak chhod kar kisi doosri baat mein lag jayein to iske sath baith sakte ho". matlab kya hai ke jab woh aisi situation aa jaye jis mein tum dekho ke quran o sunnat ka ka sab ho raha hai, unka mazak udaya ja raha hai to us waqt unko ignore karo.

to ab mein Maulana Fayyazuddin Umri sahib se yeh sawal karna chahunga is talluq se ke kya quran o sunnat mein shatim ki saza mazkoor hai? kyun ke quran to yeh kehta hai lekin kya sunnat mein bhi hai ya quran mein bhi kahin ho? is par aap hamein batayein kya hai. Maulana Farhan sahib, aap ka sawal bahut hi aham hai. ab yeh waqt aa gaya hai ke jo hai hamare fuqaha aur ulama ne is silsile mein jo kuch likha hai ya kaha hai,