Difference Between Khan's Group and Other Groups

To isi ke hawale se hi mein aap se poochna chah raha hoon agla sawal ke aap ne kya difference paya ? Ek difference to aap ko milte hi zahir ho gaya, lekin Maulana Wahiduddin Khan sahab ka ek dawah group hai, aur dunya bhar mein bohat se group hain, aur aap ne khoob travel kiya, dono ne. Ji to kya difference paya aap ne? Ah, difference yeh tha, mein Maulana se agar mein kahoon ke agarche 97 se Maulana ko parh raha tha, mein 2000 mein Maulana se mila bhi, lekin Maulana ko parhne ke bawajood mukammal taur par Maulana ko samajhne ka jo mauqa mila, woh 2009 mein hai.

Jab Maulana se hum mustaqil milne ke liye aate the, Maulana ke sath bethakein hoti theen, to is mein Maulana ke sath rehte hue dawah aur marifat ke bohat ah, woh darwaze khulne lage jo kitabon mein se hum ko wazeh nahi ho rahi theen. Ya kitab hum parhte the, lekin chounke hamari ek rawayati soch thi, conditioned mind tha, us ke parhne ki wajah se hum apni pasand ki baat us se le lete the, aur jo hum ko samajh mein nahi aati, chhod dete the. Ji to Maulana ki bethakon mein baithne ke baad woh conditioning hamari tooti. To us ke baad hum ko farq yeh maloom hua ke hum jo mukhtalif dawah group ke sath kaam karte hain, us

mein aur Maulana ke dawah groups mein bohat zyada farq hai. Ji to us ke baad hum ne faisla kiya ke Maulana ka guidance ke sath hum dawah ka kaam karein ge. Maulana jis tarah kahein, dawah ka kaam waisa karein ge. Ji to 2010 mein jab hum ne faisla kiya to mere ek ustad ne poocha, bhai aap Maulana ke sath dawah ka kaam kar rahe hain? To pehle bhi aap bohat se logon ke sath dawah ka kaam kar rahe the, to unhi ke sath rehte, farq kya hai? Woh bhi dawah ka kaam karte hain, aap bhi dawah ka kaam karte hain. To us waqt mere zehan mein ek baat aayi, to un se mein ne kaha, dekhiye, Maulana ke dawah ke kaam mein aur doosron ke dawah ke kaam mein ek farq hai. Woh yeh hai ke Maulana jo hai, nawakhiz dawah sikh

ate hain. Ek term hai shariyat ki, kehte hain nawakhiz al-salat, yani aap jab namaz parhte hain to us ki kuch conditions hain, usi ke sath aap parhein ge. Agar aap woh conditions tod dein ge to aap ki namaz khatam. Ji us ko kehte hain nawakhiz al-salat. Jis tarah namaz mein hum baat cheet nahi karein ge, khana nahi khayein ge, pani nahi peyein ge, agar hum namaz mein yeh karein ge to hamari namaz khatam. Jis tarah hum haj ko jate hain to haj ki shart yeh hai ke hum ihram bandh ke rahein, hunting na karein. Agar hum ne apna ihram nikal diya aur sadhe kapde pehne to haj ke haj khatam. Hamara us ko kehte hain nawakhiz al-haj. To har jo ibadat hai, us ka ek nawakhiz bhi bataya jata hai, us ke conditions bhi kya hain, aur us ko khatam karne wali cheezein bhi kya hain.

Ji Maulana se milne se mujhe maloom hua ke dawah ki ek spirit hai, aur us spirit ko bhi khatam karne wali kuch cheezein hain. Woh yeh hain ke jis mad'u qaum se hum, jis ko hum Khuda ka paigham pahunchana chahte hain, use one-sided hum us ke well-wisher banein. Woh kuch bhi hamare sath karein, acha ya bura, hum us ke sath well-wishing karein, aur kabhi bhi us se nafrat na karein. Agar thodi bhi hamare andar nafrat aa jaye, khwah woh kisi bhi mamle ko le kar, to samajho ke hamari dawah spirit khatam ho gayi. ma

sha Allah! Yeh bohat hi mind, bohat mujhe laga ke us waqt jo ustad se baat kiya to woh khamosh ho gaye. To is tarah jab mein dekhne laga to waqai Maulana ka jo literature hai, unhone ummat ko aagah kiya hai ke kya cheezein hain jo dawah spirit ko kill karne wali cheezein hain. Jis tarah mad'u qaum se aap kabhi nafrat nahi karein ge, agar nafrat karein ge to yeh cheez kill ho jayegi. Right oriented nahi honge, aap apne kisi bhi sathiyon se ya apne insanon se apne rights ko mangna, yeh bhi us ko kill karne wala hai. One-sided aap un ki takleefon par sabr ke sath rahenge, aur yeh baatein Quran mein bhi zikr ki gayi hain. Jis tarah ke ke Allah jitne bhi nabi aate the, woh log kehte the ke la asalukum alaihim najran, hum apni dawah par aap se koi right nahi mangte, koi cheez nahi mangte. isi tarah hazrat musa ne kaha, jitni bhi aap log takleef denge, is par hum sabr karenge.

gaye. to khair, zamana bhi badal chuka, ab woh takleefein bhi nahi rahin, woh religious persecution ka age bhi nahi raha. to madu qom se aur zyada hum valuing hona chahiye. to yeh agar hamare andar valuing khatam ho gayi to goya ke woh dawah spirit ko kill karne wali cheezein hain. ji to yeh farq Maulana se milne se aur unke dawah group se mujhe mila. mashallah! bohat achhe se wazeh kiya aap ne, Maulana Israr sahib. Maulana Iqbal sahib, aap is mein kuch add karna chahenge? ji, khateeb Israr sahib ne kafi achhe tareeqe se Maulana ki baat batai, dawah ke silsile mein farq hai.

main is mein ek add karna chahunga ke aksar hamare saath, hum jin logon se bhi, jin group mein bhi hum log the, un logon ka nishana ghair wazeh tha. asal mein jaise Maulana ka nishana yeh hai ke madu tak paigham ko pahuncha diya jaye, yeh Maulana ka nishana tha. lekin un logon ka nishana dawah se koi inqilab, dawah se demographic change, dawah se falan falan, to Maulana ka nishana pahuncha dena chahiye. dawah ko inzar ka, dawah ka mani hai inzar, Allah taala ke paigham ko logon tak pahuncha

ein. isi tarah Maulana ne hum ko aakhri tak jo ek dam aisa hum ko target diya hai ke jaisa ke hadith mein aata hai ke la bait madr wa la wabr illa adkhal Allah kalmat al Islam. to yahan par Maulana kehte hain ke hadith mein jo zimmedari di gayi hai ke kalmat al Islam ko har ghar mein pahuncha diya jaye, na ke har dil mein utar diya jaye. e. to yeh asal mein jo Maulana ne hum ko target diya hai ke Allah se aur aakhirat se logon ko aagah kar diya jaye, yeh aap ki zimmedari hai. to aksar main dekhta hoon ke jo bhi dawah group hain, woh bilkul mayusi mein mubtala rehte hain. woh dawah hamari zimmedari hai, hidayat Allah ki zimmedari hai, bol kar dawah ke liye kya kya zaroori cheezein hain, woh unke paas nahi hain.

jaise Maulana ne 200 ke qareeb kitabein likhin, madu ki zuban ko samjha, zamane ko samjha, aur zamane ke laiq rehnumai ki, yeh sab sari cheezein Maulana ke paas pai jati hain. doosron ke paas sirf dawah ka lafz hai, lekin is ke liye jo kuch rehnumai karna hai, woh cheez nahi thi. to hum ne logon se poocha, hamare zimmedaron se ke agar is ke muqable mein koi achhi rehnumai hai to dijiye. to aaj tak koi achhi rehnumai nahi de sake.

e. to Maulana hi ka jo kuch diya hai, diya hua hai, woh sare insano ko samajh mein bhi aata hai, universal hai. to is ke liye hum Maulana ki baat ko mante hain. jazak Allah, Maulana Iqbal sahib. Maulana Israr sahib, abhi aap ne jaise hum sab ko bataya ke kis tarah Maulana ke group aur baqi group mein difference hai, aap ne bohat achhe se wazeh kiya. to zahir si baat hai ke woh Maulana Wahiduddin Khan sahib ki jo fikr hai, woh bilkul unique thi. ji, aur yeh bhi hum jante hain ke kai log aur groups jo hain, woh unki fikr se ikhtilaf rakhte the. to aap kis nuqte nazar se is ko dekhte hain, is ke bare mein hum sab ko bataein.

haan, is ko Maulana se main samajhta hoon ke musalmanon ki tamam jo school of thoughts hain ya jo mukhtalif log hain, tamam ikhtilaf rakhte hain. ji, is ka sabab ek yeh hai, main yeh samajhta hoon ek hadith mein aap ko yahan par quote karna chahunga. Allah ke rasool ne kaha: "badal Islam ghareeban sa yaood kama ba da". Islam ek strange way mein shuru hua, initiate mein woh ek yani ajnabi deen tha, unknown deen tha. phir baad mein phir woh unknown ban jayega. ji, to is ki tashreeh yeh hai ke Islam shuru mein jab aayega, rasool Allah ke zamane mein jo deen tha, sahaba ke us mein, woh bilkul pure apni shakal mein tha.

lekin jyon jyon door guzarta gaya to log apni conditioning ke mutabiq, apni traditions ke mutabiq, is mein bohat si cheezein daakhil karte gae. is mein bohat se parde pad jaate hain. to Maulana ne in pardon ko hataya. ji, deen par jo parde the, woh sab hat aya. to chounke poore log apne kisi akabir ko le kar, apne aslaf ko le kar, ya apne maslak ko le kar conditioned hain, to is ko tod kar is cheez ko samajh nahin sake. Maulana ne is ko tod kar, in pardon ko hata kar, jo asal deen tha Rasool Allah ke zamane ka, us ko pesh kiya. to woh cheez qabil-e-hazm nahin rahi ulama ke liye.

hmm, jis tarah misaal ke taur par main batata hoon ke hamare darmiyan Quran ki tilawat ki bohat ziyada ahmiyat hai. to goya ke Quran ek kitaab-e-tilawat hai. lekin Maulana ne bataya ke yeh sirf kitaab-e-tilawat nahin hai, yeh woh kitaab hai jis se hum naseehat haasil karein aur jis se tadabbur aur tafakkur kar ke, ghore-o-fikr kar ke apni zindagi ke liye rehnumai haasil karein. lekin aam taur par yeh hamare paas kitaab-e-tilawat bani hui hai. isi tarah jo ibadatein hain hamari, to aam taur par aap ibaadat ke bare mein poochenge to form-based ibaadat hi batayi jayengi. yani ibaadat par mabni bar masail hote hain. Maulana

ke paas ibaadat ki tashreeh jo hai, woh khushu' beiz hai. yani is ki spirit ko Maulana ne wazeh kiya hai. isi tarah aap lenge Rasool Sallallahu Alaihi Wasallam ko lenge to Rasool Allah ke silsile mein log ishq-e-Rasool ko to jaante hain, Rasool Allah ke ishq mein hangame karna jaante hain. lekin it'at-e-Rasool kya hai? Rasool Allah ki zimmedari zindagi mein hamare liye bas ah role kya hai? is ko koi nahin jaanta. is ko Maulana ne wazeh kiya. to jab Maulana is ko wazeh karte the to zahir si baat hai ke in jo makatib hain, jo thoughts hain, in ke jo بڑon ne jo bataya hai, woh baat is ke khilaf dikhti thi. to log qabool karna un ko samajh mein nahin aata tha. to is se ikhtilaf karte the. to bas mein yahi samajhta hoon ke Maulana ne chounke pure ah deen ko pesh kiya, is ke pardon ko chaak kar ke logon ke samne, to chounke logon ke paas jo deen hai, us pe parde pade hue hain, condition hai, to is ko na samajhne ki wajah se woh log Maulana ke mukhalif hain.

ji ji ji. aur Maulana Iqbal Sahab, main jaanta hoon is baat ko ke aap ne khud is ikhtilaf ko face kiya hai, experience kiya hai. to aap is par kuch kehna chahenge? jaisa khateeb Sahab ne farmaya, wahi ke Islam ajnabi Islam ko jab revive karte hain to logon ko baatein ajnabi maloom ho jati hain. to Arabi mein ek maqoola hai ke "al-nas jahil". log jis ko jaante nahin, us ko le ke dushmani karne lagte hain.

to mazeed is mein ek baat yeh hai ke Maulana ne jo ah hamari asal shanakht batayi hai Musalmanon ki ke Musalman da'i qaum hai aur baqi sab sare log mad'u hain. to yeh jo Maulana ne hum ko bataya hai, yeh cheez ummat samajh nahin paayi ke hamari asal kya zimmedari hai aur hum mad'u se kaisa sulook karein. to yeh asal cheez hai jis ki wajah se Maulana ki jitni bhi policies hain, woh da'wa aur mad'u based policies Quran o Hadees ke mutabiq hain ke mad'u ke sare haq jitne bhi hain, woh Maulana jahan se bhi mil sake, mad'u ke liye haq, woh haq Maulana sabit karna chahte hain. ummat chounke ummat chahe woh secular tabqa ho ya religious tabqa ho, yeh is zehan ko samajh nahin saka.

is liye Maulana ki jo bhi policies hain, is se ikhtilaf karne ki wajah se goya Maulana ko samajhne se bhi ah door rahe, ikhtilaf kiye hain. to asal mein har ek yeh sabit karne ki koshish karta hai ke wajood-e-adawat kya hai? "faiz alladhi bainaka wa bainahu adawat" yani adawat kya hai? har ek sabit karne ki koshish karta hai "faiz alladhi bainaka wa bainahu adawat". ka'annahu wali hamim. hamamat kaise paida karna hai? hamamat kaise sabit karna hai? yani sachi khair khwahi, sachi dosti kaise sabit karna hai? yeh ummat ko maloom nahin hai. adawat kahan ho rahi hai?

is ko kaise inkishaf karna hai? is ko kaise unfold karna hai? yeh sari cheezein un ko samajh mein aati hain. to inshallah halaat aise hain ke zaroor maulana ke paigham ko log samajh rahe hain, maulana ke dard ko log samajh rahe hain. jaisa ke hum abhi mukhtalif jagah se hote hue, book fair se hote hue aaye hue hain, hum to wahan jante hain ke maulana ki kitabon ko english mein, hindi mein log padhna chahte hain, maulana ki baaton ko sunna chahte hain. yeh sari cheezen iski daleel hain ke ab log samajhne lage hain ke maulana ka asal paigham kya hai. ji maulana iqbal sahab, bahut achha kaha aap ne ke maulana ke dard ko log samajh rahe hain, unki kitabon ko padh rahe hain. unki soch jo hai, woh dheere dheere hum khud bhi is cheez ko mehsoos bhi kar rahe hain aur hum ne isko witness bhi kiya hai ke kis tarah poori duniya mein woh

phail raha hai. ah ek sawal yahan pe yeh aata hai ke maulana wahiduddin khan sahab ka jo khaas mauzu tha, woh tha marifat aur tazkiya. to main chahunga iske bare mein aap zaroor bataein. maulana ne jo marifat aur tazkiya ki baat ki hai, woh bilkul daur jadeed ki nisbat se jo cheezen ah unfold hui hain, is silsile mein rakhte hue ah intellectual tabqe ke liye ek bahut bada sawal hai ke islam mein intellectual base kya hai? kya dil hai ya dimagh hai?

to yeh sabse bada masla hai. isi liye jo is secular log hain, woh religious ko ek bas aise hi khayali pulao samajhte hain, balkeh usko intellectual base yeh argument hai, iska usko koi nahi janta. iski wajah yeh hai ke sare logon ke paas tazkiya aur marifat ka base, ah sufiyon ke paas ho ya ghair sufiyon ke paas ho, woh jo hai heart base hai. maulana usko mind base kehte hain. chuki ah aaj kal jo science se wazeh hota hai ke sochne samajhne ki salahiyat dimagh mein hoti hai. jab is nuqte nazar se hum dekhte hain to tazkiya aur marifat ek shaoori amal hai, na ke sirf ek ghair shaoori koi ek state hai.

balkeh jab is nuqte nazar se quran ko dekhte hain hum to quran ki aayaten, kainat ki aayaten, aayate allah hain, ayyam allah hain, al-maut wa ba'dahu hai, yeh sab waqeyat tazkiya ke waqeyat ho jate hain. balkeh kainat ki har cheez se kaise tazkiya hasil karna hai, kaise marifat hasil karna hai, iska shaoori tareeqa hai. yani maulana ka ka tazkiya yeh hai ke aadmi aankh khol kar tazkiya kare, aankh bandh kar nahi, bandh kar ke nahi , balkeh yeh yeh marifat aur tazkiya ke bab mein maulana ne jo kuch kaha hai, woh bahut zyada samajhne ki cheez hai ke shaoori tazkiya kya hota hai.

to shaoor ke tazkiye par maulana base karte hain aur shaoor insan ko woh heart pump, heart chuki sirf pumping organ hai, wahan nahi hai balkeh dimagh mein hai. dimaghi shaoor ke sath is mind base spirituality ki jo baat karte hain, yeh asal ah farq hai. ji bahut aham baat hai yeh maulana iqbal sahab ke maulana ka jo ah emphasis tha, woh mind base spirituality pe tha, heart based spirituality pe nahi. aur yeh bahut achhi baat aap ne batai ke tazkiya band aankhon se nahi, balkeh khuli hui aankhon se hota hai.

yeh bahut hi important subject hai. to maulana asrar sahab, main chahunga aap bhi zaroor is par kuch bataein. haan, yeh sahi baat hai ke maulana ne jo marifat aur tazkiya ka tasawwur hum ko diya hai, woh bilkul alag hai jo muslim literature mein paya jata hai. ji, hum muslim literature mein jo marifat aur tazkiya ki baat hoti hai, woh murakabe ki baat hoti hai. meditation karne se samajhte hain ke khuda ki marifat hasil hogi. ji, lekin maulana ne isko meditation se hata kar soch ki buniyad par rakh diya hai. ji ke aap kisi cheez par sochein, reason out karein to aap ki khuda ki badi marifat hasil ho sakti hai.

ji, iski wajah se main dekhta hoon ke hamari zindagi mein bhi kafi faida hua. ji, iski ek misaal main aap ke samne pesh karunga. mera ek chhota, mera bachcha jab chhota tha, god mein to main ghar mein tha to woh achhanak rone laga, bahut ziyada rone laga. to us ki maan bhaag ke aai aur dekhi ke woh pyasa ho gaya hai, to pani la ke us ko pila di. ji, to us waqt mujhe yaad aaya woh waqia hazrat hajra aur hazrat ismail ka, mashaa'allah, ke ismail jab ro rahe the to hajra bhaag daud ke kaafi mehnat karne ke baad un ko zam zam ka pani mila. aur hamare liye allah taala ne pani itna aasan kiya hai ke ek botal ya glass milaao aur pila do. to us waqt mujhe yeh discovery hui ke jo pani hum peete hain, log umooman zam zam pani barkat ka samajh ke peete hain.

bhai, us waqt se mera yeh ehsaas ho gaya hai ke jo bhi pani mujhe milta hai, woh khud zam zam hai mere liye. khud quran mein kehta hai: "khuda mubarakah" jo pani hum ne aasman se utara hai, woh barkat ka pani hai. ji, to jo bhi pani, khwah hum kahin bhi rahein, kahin se bhi woh pani milta ho, woh sirf woh bhi hamare liye ek zam zam ki haisiyat hai. khuda agar sikha de to koi us ko nahi la sakta. to woh ehsaas jab paida hota hai, woh soch ki buniyad par hi mila. to jab bhi main pani ka ek qatra bhi peeta hoon, to mujhe woh zam zam ka hi feeling ke saath mein peeta hoon. ji, to yeh molana ki marifat aur tazkiya ki jo tarbiyat thi, us ka samajhta hoon main ek asar tha. ji ji, to kuch

kitabein aap batana chahenge, kuch titles jo log dekh rahe hain, us ko woh cps website se download kar sakte hain ya good word book se khareed sakte hain. kuch aise titles aap bataiye hum sab ko. haan, dekhein, is mein buniyadi taur par jo aham kitab hai, "al-rabbaniyah allah o akbar". ji, ah yeh shuru buniyadi taur par har jo beginners hain, us ko padhna chahiye. ji, is ke baad "kitab marifat khuda ki". ji, "daryaft ah god arizis". ji, yeh kitabein hain jin ke padhne se ah baraah-e-raast marifat ka aap ko molana ki jo rehnumai hai, us ko mile gi. ji, aur waise poora literature mol

ana ka "al-risalah khusoosi" woh marifat par hi mabni hai. ji, is se marifat ki hi ghiza milti hai. hmm, ji ji, jazak allah molana iqbal sahib. molana ki tafsir "tazkir al-quran" bahut ah popular hai aur bahut widely read hai. ah, aur is baat par aap bhi agree karenge ke marifat ka khazana hai. woh ah agar hamein quran ko apni daily life mein apply karna hai to woh hum ah un ki tafsir se yeh jaan sakte hain. balkeh agar un ki tafsir ka mutalaah karein to main yeh kahunga ke poori personality insaan ki badal sakti hai.

poori 360 degree a person can change into a spiritual person. to ah main chahunga molana iqbal sahib ki un ki tafsir ke bare mein aap hum sab ko zaroor bataein. asal mein jaisa ke aap ko maloom hai ke ah jo bhi tazkir aur dawati kaam karte hain, un logon ke paas dawat aur tazkir base koi tafsir nahi hai. hum log taqreeban das saal tak bahut mehnat ke. hum logon ka tareeqa yeh rehta tha ke hum log apne saath ek diary rakhte the, yaani molana se milne se pehle, aur quran se jo nikaat hote hain, woh likha karte the aur sab jama kar ke sab padhne ki koshish karte the. ah, lekin mera jahan tak khayal hai, koi badi baat ya koi ah aisi baat jis mein tazkir aur dawat ka itna wazeh pehlu saamne aaye, aisi koi tafsir ya koi aisi study circle mein hum ne nahi paya.

jab hum ne, jab maine molana ki "tazkir al-quran" padha to wahan har har safhe mein aap ko ya to dawat ki baat mile gi ya to tazkir ki baat mile gi. koi na koi kainaati baat mil hi jaye gi is mein. to maine arabi tafaseer bhi dekhein, baaqiya urdu tafaseer bhi dekhein. "dawat al-quran" ke naam se bhi ek tafsir hai, lekin is mein dawat ka woh andaaz ya woh baatein jo dawat ki hon, tazkir ki hon, woh baatein maine nahi paein. "tazkir al-quran" ek aisi kitab hai,

yaqeenan woh quran mein tazkir ke bare mein "fazakkir bil quran" tazkir ke bare mein jo bhi aayatein hain, us ki amli tafsir hai. to woh "tazkir al-quran" hai. aap is mein har safha, ek safha padhte hi asal tazkir kya hai, is mein maloom ho jati hai. to aam taur se log "rujoo ila al-quran" ki baat to karte hain, yaani quran ki taraf laut kar aao, lekin kaise lotein, kis bab mein lootna chahiye, kaise lootna chahiye, lootne ke liye kya karna chahiye, woh saari cheezein "tazkir al-quran" mein hum ko mile gi. ji ji, jazak allah molana israr sahib, is pe kuch aap add karna chahenge? haan, main iqbal sahib ne is ko bahut acha wazeh kiya. "tazkir al quran" ki ahmiyat is liye bhi hai ke waise sainkaron tafaseer arabi aur urdu mein maujood hain, lekin un ke parhne se aap ko maloomat to mile gi, lekin is se globedia to aap ko quran ka mil jayega.

lekin quran jo apne aap ko kehta hai, jaisa quran apna taaruf karate hue kehta hai: "innaha illa zikr lil alameen" . quran ek sare logon ke liye naseehat hai. isi tarah quran kehta hai ke "haza balaghun lin nas" . yeh logon ke liye ek message hai, is ko logon tak pahunchana chahiye aur logon ko is ka paigham pahunchaya jaye. to lekin is do pehlu se tafaseer khali hain. to maulana ne in do pehluon ko le ke "tazkir al quran" likha hai. aap is ko

parhenge to is mein aap ko naseehat ki baatein milengi. quran mein jo lessons hain, hamare learnings hain, is ko bataya gaya hai. aur isi tarah da'wati zehn saazi bhi is mein ki gayi hai. aur teesra ek aham pehlu is ka yeh hai ke musalmanon ki jo aap jante hain ke jo koi qaum jab zawaal yafta ho jati hai to us ke conditions ho jate hain. aur zawaal yafta qaum ki jo nafsiyat hoti hain, woh mili ho jati hain, qaumi ho jati hain. ji, to siyasi ho jati hain. is ko maulana ne bohat achhi tarah se is mein toda hai. ji, agar aap is mein parhenge to aap khuda ke sahi banda ban ke niklenge, na ke ek qaumi insan, na ke ek mili insan.

ji, to is concept ko maulana ne, yaani ek zawaal yafta nafsiyat ka, is mein bohat hi achha maulana ne tajziya kiya hai. aur ek sahi momin ki nafsiyat kya hoti hain, is ko is mein pesh kiya hai. is lihaaz se is ka parhna hamare liye behad zaroori hai. ji ji ji, to jo maulana israr sahib, jo log program dekh rahe hain is waqt, un ko kuch ah quran ke mauzu par maulana wahiduddin khan sahib ki kuch kitabein aap recommend karenge? haan, is mein ah aham kitabein yeh hain: "mutala quran", ji "azmat quran", aur "quran ka matloob insan", "marifat quran". to yeh kitabein hain jis se is ka faida istefada kiya ja sakta hai. aur khud "tazkir al quran" ka jo introduction hai, muqaddama, woh bohat hi zyada ahmiyat rakhta hai.

ji ji ji, to quran ke hawaale se sawal tha, to seerat pe bhi main poochna chahunga. ji ke maulana wahiduddin khan sahib ke nuqta nazar se ah seerat rasool ke bunyadi pehlu kya hain? ji, is ko bhi aap wazeh karein. haan, yeh sawal aaj ke din ke lihaaz se bhi bohat aham hai. ji, kyunke aaj 12 rabi ul awal hai. ji, to rasool allah ki aaj paidaish hai. hmm, to seerat ka jo mauzu hai, is par ka main samajhta hoon urdu zaban mein kafi kitabein likhi gayi hain. ji,

lekin yeh tamam kitabein maulana ne "mutala seerat" ke ah muqaddame mein likha hai ke pure ah jo seerat ki kitabein hain, woh tamam kitabein ya to taqlidi andaaz mein likhi gayi hain ya aqeedatmandana andaaz mein likhi gayi hain. taqlidana andaaz ka matlab yeh hai ke ek traditional way jo tareekh ka chalta aa raha tha pehle se, us lihaaz se likha gaya hai. to is se bohat bada jo nuqsaan hua, yeh hai ke rasool allah ki wafat ke baad tareekh jab likhi gayi to rasool allah ki jo asal hesiyat thi, yaani da'i, aap logon ko khuda ka paigham pahunchane wale the, khuda ka realization karane wale the. ji, to woh hesiyat kam ho gayi. chunki us waqt jo tareekhein likhi jati thi, yeh tha ke woh king ki tareekh likhi jati thi, is ko base kar ke likha jata tha. ji, ke woh king ne kitni junghein ki, kaise fateh hasil ki, us ki pasalar kaisa tha, us ki quwwat kaisi thi, kaise logon ko phacharta tha.

to is tarah ki woh is mein baatein hoti thi. to isi nahaj se seerat ko bhi likh diya gaya. bohat important baat hai yeh. ji, to shuru se hi seerat ka naam jo tha, "life of prophet muhammad" ke bajaye "al maghazi" rakh diya gaya. ji, "al maghazi" kehte hain waris. waris to pehli mere khayal se hai ke jo seerat ah urwah bin zubair ki seerat batai jati hai, jo ek sahabi ke bete hain, tab'i, uska naam "al maghazi" rakha gaya. phir ibn ishaq, ibn hisham, ji, pura un ki seerat ka hi naam ho gaya "al maghazi". to isi tarah musalmanon ke zehn mein bhi ji yeh chha gaya ke ek rasool allah jangju the, ek fateh the, aap dunya ko fateh karne aur maghloob karne ke liye aate hain, aap ek achhe commander the, ek achhe hakim the. ji, lekin quran jo hum ko batata hai, woh yeh hai: "barah direct alfaaz mein inna arsalnak shahidan wa mubashiran wa naziran wa da'iyan ila allahi bi iznihi wa sirajan munira".

is mein rasool Allah ki panch baatein batai gayi hain. ji, five words bhi jo aik hi maani batata hai, woh hai: aap daai thay. ji, yani nazeer logon ko aakhirat se darrane walay thay, khushkhabri dene walay thay, Allah ki taraf bulane walay thay, aur aap aik roshan charagh thay. to rasool Allah ki jo is hesiyat se seerat ki kitabon mein mutala nahi kiya gaya. ji, to pehli baar Maulana ne is cheez ko wazeh kiya aur seerat ke is pehlu ko le kar bataya. to is se aik aur wazeh hua ke umoomi taur par jab daur jadeed mein peace aur harmony ki baat ki gayi to dunya mein bohat si mukhtalif shakhsiyaton ki misaal pesh ki gayi.

to Maulana ne sab se pehle pesh kiya ke agar koi prophet of peace ho sakta hai to Muhammad hain. hmm, koi messenger of peace ho sakta hai to woh Muhammad hain. ji, to aap jante hain is par kitab bhi Maulana ki aayi hai: "Prophet of Peace". ji, to woh mein samajhta hoon is lihaaz se ah seerat ka mutala nahi kiya gaya. to Maulana ne rasool Allah ke ah daawati pehluon ko bohat achhi tarah ujaagar kiya aur yeh bhi bataya ke aap ka jo rasool Allah ka jo life style tha, woh hamare liye bohat practical hai aur wisdom full hai. to is ko le kar hum bohat aage barh sakte hain. woh koi aqeedatmandana cheez ya is ko kuch manane wali cheez nahi hai. ji, ji, yeh bohat aham hai. ji, ji,

bohat important baat aap ne clear kari, Maulana Israr sahib, ke generally aur yahi dekha gaya hai, log yahi samajhte hain ke ah rasool Allah aik war general thay, lekin jo unhon ne moral consciousness awaken kari society mein, jo aik daai wala role unhon ne play kara, aur jo peace, ah jo aman, ah us ko establish kiya, yeh bilkul history mein aur kitabon mein, aur jo aksar log debate karte hain, us mein woh zahir hi nahi karte. to yeh aap ne bohat important baat, yeh aaj is ko achhe se wazeh kiya Maulana Wahiduddin Khan sahib ke literature ke hawale se. ah Maulana Iqbal sahib, ah aap is pe kuch aur add karna chahenge? khateeb sahib ne bilkul sahi baat farmayi ke jo aman ka peghamabar hai, aman ka pehlu jo aik dam bilkul ah tareekh mein chhip gaya tha, to us ko Maulana ne wazeh kiya hai. to is par Maulana ne jo bhi kitabein likhi hain, jaise "Mutala-e-Seerat" hai, "Paigham-e-Inqilab" hai, "Prophet of Peace" hai,

jitni bhi Maulana ne tehreerein likhi hain, is ka yahi raha ke "Prophet of War" ke bajaye yeh "Prophet of Peace" hain. is ke liye kai misalein di hain. the hundred walay ne yeh to kaha ke supremely successful person, lekin us ki wajah nahi batai. ji, un ko wajah yeh kehni chahiye tha ke conflict management aala darje ka hai, yani jangon ke tareekh ko Maulana ne Sulah Hudaibiyah mein badal diya. phir isi tarah saare jitne bhi jang lade jaate thay, us ko aap ne buffering policy se us ko aik dam yeh kar diya, manage kar diya. isi tarah rasool Allah sallallahu alaihi wasallam ne taqreeban jitne bhi jang hue hain, us ko Maulana yeh kehte hain ke woh bas jhadapon mein badal diya.

yeh jo rasool Allah sallallahu alaihi wasallam ki pur aman programming thi, yeh wazeh nahi hua abhi tak logon ke samne. ji, to sahi baat hai Maulana ki kitabon ko khaas taur se seerat par jo bhi Maulana ne likha hai. mein aik sahib mujh se sawal kar rahe thay, kaun si behtareen kitabein hain rasool Allah sallallahu alaihi wasallam ki seerat par?