Why is God Hidden from Our Minds

Maulana, yeh sawal aaya hai Maulana Abdul Basit Omri ka, Doha, Qatar se. unhon ne likha hai ke Maulana, is kainat ki sab se bari hasti Khuda ki hai, lekin ajeeb baat hai ke wahi hasti sab se zyada hamare zehn aur dimagh se ojhal hai. usi hasti ko hum sab se kam jante hain. sirf aqeedat ki had tak hamara is se taluq hai. daryaft ki satah par hum Khuda ko nahi jante. is ki wajah kya hai? dekhein, Quran mein hai ke "ya'lamoona zahiran min ad-dunya"

yani dikhai dene wali cheezon ko hi log dekh paate hain aur usi ko sab kuch samajh lete hain. yeh insan ki kamzori hai ke jo cheez dekhne mein aaye, usi ko woh bari cheez samjhe. pehlay zamanay mein log suraj ko, chand ko, sitaron ko poojhte thay isi liye ke woh dikhai de rahi thi. to Allah taala ghayab mein hai, is wajah se log us ko daryaft nahi kar paate. lekin yahi to imtehan hai, yeh jannat ki qeemat hai. jannat ki qeemat yeh hai ke aap na dikhayi dene wale Khuda ko daryaft kar saken.

jo Khuda ghayab mein hai, us ko aap daryaft kar saken. yahi jannat ki qeemat hai. to ab jin logon ko maut ke baad ki abdi zindagi mein jannat ka shauq hai, to un ko is ke liye koshish karni hi paregi. apni soch ko, apne ghor o fikr ko, apne mutale'ay ko is tareeqay se karna hoga ke aap Allah ko daryaft kar saken. yani khud Allah ko hum nahi dekh paate, lekin jo creation hai, creation mein to Khuda bilkul har taraf numayan hai.

chounkay soch insan sochta nahi, is liye woh bekhabar rehta hai. agar socha to har taraf us ko Khuda ki daryaft hone lagay. to mein sochta hoon ke yeh isi cheez ko hamein apne andar develop karna hai ke Khuda ki takhleeq mein ghor karen. creation mein, creation mein ghor kar ke hum creator tak pounch sakte hain. to yeh ek process hai jo har ek ko apne andar jari karna hai, aur jo bhi sincerely is ko is process ko apne andar jari karega, zaroor inshallah woh manzil tak pounchega. Maulana, yeh sawal aaya hai Miss Naghma Siddiqui ka, Delhi se.

unho'n ne likha hai: "in one of ur lectures, u had mentioned the difference between a self actor and a non self actor. can u please elaborate on this?" dekhiye, yeh duniya mein zindagi ke do sooraten hain. ek yeh hai ke aap ne khud kuch daryaft kiya ho, khud apni soch aap ki bani ho, khud aap ki ek shakhsiyat develop hui ho, us ke mutabiq duniya mein rahen aap.

aur ek yeh hai ke jo duniya mein jo system hai, qaim system, us se apne ko joR lein aur jo woh chahe, wahi karein aap. is ki khuli hui misaal jo hai, yeh film industry hai. film industry kya hai? film industry mein jo viewers hain, un ke lihaaz se aadmi ko act karna paRta hai. viewers ke lihaaz se, apne lihaaz se nahi, khud apni soch kya hai, apne nazdeek sahi kaha hai, ghalat kaha hai, yeh nahi, balke viewers kya chahte hain dekhna, woh kya chahte hain sunna, us ke mutabiq aadmi act karta hai. aise baRe baRe uhde jo hain, wahan bhi kya hai? baRe baRe uhdon mein aadmi lagta hai shandar mahallon mein, lekin

woh bhi kisi yaani apne apne apni bunyaad par nahi jeeta hai, woh doosre ki bunyaad par jeeta hai. misaal ke taur par ek leader voter kya kehte hain? voter kya chahte hain? us ke mutabiq woh chalta hai. to ek bohat mushkil kaam hai, kyunke agar aap non self, isi ko mein kehta hoon non self actor, yaani apne siwa kisi aur ke liye jeena, to non self actor mein aap bazahir bohat achhi zindagi haasil kar lete hain. kyunke jis jis ke liye aap kaam karte hain, woh aap ko baRi baRi cheezein deta hai. lekin jab khud apne upar jeena chahein aap, to aap ko sacrifice karni paRti hai.

phir aap ko saada zindagi, kam par qana'at karna, mushkil haalaat mein rehna, yeh sab bardaasht karna paRta hai. lekin jo jo self self actor hain, haqeeqat mein wahi jee rahe hain duniya mein. koi koi koi apne aap mein jeete hain. woh jo non self actor hain, woh jee jo jee rahe hain, woh to woh to moortiyan hain, samjhiye, well dressed moortiyan. to mein bataoon ke aadmi ko chahiye ke woh self actor bane, yaani apne aap mein jeena jeene ki koshish kare,

chahe koi bhi price deni paRe us ki. aur non self actor na bane, kyunke woh to apni apne aap kho diya us ne. apne aap ko kho kar ke to kisi doosre ke liye jee raha hai woh. to hum to yahi kahenge aap logon se ke aap log non self actor na banein, balke self actor banein. apni daryaft par jeena seekhein, na ke doosron ke direction pe jeena seekhein. maulana, agla sawal aaya hai Mr Abdul Latif ka, Karachi, Pakistan se