Necessity of tazkiyah, dawah, nation-building

maulana iqbal umri ne bangalore se sawal kiya hai, unhone likha hai: "tazkiya afraad, ilahia dawat aur taameer millat, kya in teeno kamon ki ek jaisi zaroorat hai?" nahin, dekhiye, taameer millat ek alag kaam hai, woh qaumi kaam hai, isko in do mein nahin shamil kar sakte aap. tazkiya aur ilahia dawat, yeh dono deeni kaam hain. taameer millat qaumi kaam hai, iska koi talluq deen se nahin hai. tazkiya yeh hai ke apne aap ko purify karna, as an individual, aap jo ek fard hain, ek jo individual hain, uske andar jo negative thought aate hain, jo nafratein aati hain, shikayat aati hai, ghussa aata hai, inteqaam aata hai, tashaddud aata hai, us se apne ko purify karo, bachao apne aap ko. 100 percent positive response, 100 percent positive personality banao. positive personality banane ka naam hai tazkiya, yeh hai shakhsi aitbaar se.

aur ahya-e-dawat jo hai, woh ijtamai aitbaar se hai, yani doosron ke aitbaar se hai. apne aitbaar se zimmedari aap ki hai ke apne aap ko purified soul banao. doosron ke aitbaar se zimmedari aap ki yeh hai ke aap isko creation plan of god jo hai, us se ba-khabar karo. bas yahi do hain. baqi taameer millat, woh qaumi kaam hai, woh koi karta hai to kare, nahin karta to use koi na jannat milegi na na koi, is se koi khuda ki rehmat ke darwaze khulenge. iski wajah se woh qaumi kaam hai. woh asal kaam deen mein yahi do hain: apne aap ko ek purified soul banana, har qism ki negativity se pak karna apne aap ko, aur doosron ko Allah ka jo takhleeqi mansooba hai, jo creation plan of god hai, us se ba-khabar karna.

yeh bhi ek puraman kaam hai, bilkul puraman. is is dawti kaam ka koi bhi talluq na siyasat se hai, na millat se hai, na yani qaum qaumi fakhr ko establish karne se hai, kuch bhi nahin. jo aadmi dawat ko le kar qaumi fakhr establish kare, woh bilashuba batil par hai, is mein koi shakk nahin. dawat ka talluq qaumi fakhr se hargiz nahin hai, hargiz nahin hai. woh aap logon ko yani ab sabit karen ke hamara mazhab sab se ooncha, hamari qaum sab se oonchi, aur hamara quran sab se ooncha, aur logon ke fakhr ke nafsiyat ko ghiza dein, to yeh qaumi kaam hai, iska deen se koi talluq nahin. dawat khalisatan naam hai peaceful andaaz

mein Allah ke hidayat ko logon tak pahunchana, bas unki khair khwahi ke jazbe ke tehat, khalisatan unki khair khwahi ke jazbe ke tehat, taake woh jahannum se bachein aur jannat ka rasta unke liye, jannat ke darwaze unke liye khulen. bas baqi jo taameer millat hai, woh woh qaumi kaam hai. jo kare to kare, na kare to na kare, yeh unka kaam hai. hum hum is mein nahin involve ho sakte, isi liye h um taameer millat ko ek qaumi kaam samajhte hain. jinko qaumi dilchaspi ho, woh karen. isko hum is mein apne ko shamil nahin karenge.

mufti ehsanullah ne kolkata se sawal likha hai, unhone poocha hai ke kashf aur ilham ki haqeeqat kya hai?