What resolution for CPS members?

maulana, agla sawal aaya hai singapore se mr salish malhotra ka. unhon ne likha hai: "maulana sahib every year i make resolutions, however seldom keep them. this year i want to make a realistic resolution and also keep it. what resolution would you advise for all the cps members?" woh to mein ne apni advice de di. jo abhi mein ne taqreer ki, woh samjhe woh advice thi. ke aadmi, har aadmi case yahi hai ke woh,

wo creation plan of God ko samjhe baghair jeena chahta hai dunya mein. to yeh to possible nahi hai. to pehla kaam yeh karna chahiye aadmi ko, yeh jaane ke hum apni banai hui dunya mein nahi hain. na maine apne aap ko khud banaya hai, na is dunya ko maine khud banaya hai. to creator ka, creator ne kyun banaya mujh ko? creator ne kyun mujhe is dunya mein rakha? yeh pehli baat hai jo har aadmi ko jaanna chahiye. to main samajhta hoon ke aaj ka din, yaani naye saal ka pehla din, har ek ke liye

ek hi kaam karna hai is ko. ke woh Allah taala ke, yaani creator ke takhleeqi mansoobe ko jaane aur us ke mutabiq apni planning kare. woh kya hai? woh yeh hai ke yeh dunya is liye nahi banai gayi ke hum apni sari khwahishon ko poori karein. nahi. yeh dunya is liye banai gayi hai ke yahan par aap

is tarah zindagi guzarein jo creator ko matloob hai. taake woh aap ko select kare agli dunya mein paradise ke liye. to creation plan of God jo hai, is ka jab mutalea karein ge aap to pehli cheez jo aap discover karein ge, woh yeh hai ke yeh dunya selection ground hai. yeh dunya, yaani is liye nahi hai ke yahan aap, yaani yahan par aap apne comfort aur luxury faraham karein aur is par jee kar ke mar j ayein. nahi. yeh dunya selection ground hai. aise individuals ka selection ho raha hai jo deserve karein paradise mein settle karne ke liye.

bas ek hi concern hona chahiye hum sab logon ka. ek hi concern. do concern nahi. to yeh jo, jis bhool mein pada hua hai insaan aaj ka, jo us ko kehte hain right here, right now. yeh to ulta nazariya hai. yeh jo right here, right now ka jo phaila hua hai soch, woh to ulti baat hai. kyun ke yeh to hai hi nahi. zindagi to shuru hoti hai asli maut ke baad. kisi shayar ne kaha hai, bohat sahi, ke zeest ka raaz khula gardish e ayyam ke baad. is kahani ka to aaghaz tha anjam ke baad.

asal zindagi to maut ke baad shuru hone wali hai. isi ke liye hum tayyari nahi karte. to main samajhta hoon ke sab se ahem baat jo hum sab ko jaanna chahiye, woh yeh hai ke yeh dunya selection ground hai. apne aap ko is tarah se aap tayyar karein ke aap ko khaliq jo hai, creator jo hai, us ki nazar mein aap ek deserving candidate sabit hon. paradise mein settle karne ke liye. yeh sole concern hona chahiye har aadmi ka.

main samajhta hoon ke is baat ko samajhne ke liye agar ek baar bhi Quran ko aadmi padh le, dhiyan ke sath, sirf ek baar, to kafi hai. yaani bilkul poori tarah se dhiyan ke sath agar padhe aap, ek baar bhi Quran ko, to us ko mil jayega jawab ke woh apne aap ko kaisa banaye ke woh eternal life jo hogi paradise ki, us mein us ko basaya jaye. asal to wohi hai. asal khushi wohi hai. asal jo dunya mein to khushi mil nahi sakti kisi ko bhi. na kisi ko mili hai, na kisi ko milegi.

to main to samajhta hoon ke yahi, yaani har aadmi ko yahi tay karna chahiye. yahi decision lena chahiye. koi aur cheez nahi is ka wo decision le. maulana, agla sawal tamil nadu se aya hai maulana iqbal umri ka. unhon ne likha hai: "insan ki banai hui tehzeeb ki hikmat kya hai?