Overcoming Natural Weakness of Complaining
“There is a natural weakness in humans: when someone hurts them, they become complaining and negative, but this is a killer for a paradise-worthy personality. How can this natural weakness be overcome?”Asked by عبداللطیف, کراچی
He answers at 1:02:34 in The Importance of Team Work · 2 min 46 sec
1:02:34Maulana, yeh sawal aaya hai Karachi Pakistan se Mr Abdul Lateef ka. unhon ne likha hai: "insan ke sath ek fitri kamzori mojood hai ke use jab kisi se takleef pohanchti hai to woh shikayati aur negative ban jata hai, lekin yeh majaz jannati shakhsiyat ke liye killer hai. Maulana sahib, is fitri kamzori par kis tarah qabu paya jaye?" yeh fitri kamzori ki baat nahi hai, yeh shaitani kamzori ki baat hai. agar fitri kamzori ho to yahi kamzori kya ho jaye gi? apne beta beti ke liye nahi hoti? agar yeh cheez fitrat mein shamil hai to bete beta beti ke muamle mein aisa kyun nahi hota?
1:03:28aaj hi mujhe telephone aaya tha ek sahib ka, unhon ne bataya ke ek sahib thay, un ka apne bete se shikayat thi, panch saal se, panch saal se bete se un se bohat shikayaten chal rahi theen. phir hamare ek saathi hain, unhon ne samjhaya bete ko ke ja kar muafi mango. to us ne ja kar ke muafi mangi apne maa baap se. isi waqt kya hua ke baap aur maa dono ronay lagay, aur baap ne bete ko galay laga liya ke sab baat khatam.
1:04:06fitri kamzori woh kahi jaye gi jo apne beta beti ke muamle mein bhi zahir ho, nahi ho jaye to woh shaitani kamzori kahi jaye gi. yani shaitani kamzori ko ek khoobsurat naam dena hai. yeh shaitani kamzori ka matlab hai ke aadmi shaitan ke hamlay ka shikar hua, shaitan ke hamlay ka shikar hua, aur wajah kya bata raha hai? fitri kamzori, Khuda pe daal raha hai. woh fitri kamzori fitrat kis ne paida ki hai? fitrat ke paida karne wala kaun hai? yani ke Khuda hai.
1:04:47to amalan to yeh hua ke aadmi shaitan ke hamlay ka shikar hua, aur uska uska ilzam kis par de raha hai? Khuda par de raha hai, naoozubillah. yeh sab baaten sada nahi hain. yeh sab waqt aye ga maut ke baad, akhirat mein, hashar ke maidan mein, jab un ka tajziya kiya jaye. yeh koi sada baat nahi hai. bohat hi zyada serious baat hai, bohat zyada sangin baat hai.
1:05:20Maulana, agla sawal Delhi se aaya hai Mr Shahnawaz Zafar ka. unhon ne likha hai: "All the records of human beings will be declared on the day of judgment, and the punishment or reward will be decided on the basis of the performance.