Removing complaints while working with team

Maulana, agla sawal hai Delhi se Maulana Shariq Hussain ne kiya hai. Unhone likha hai: "Team ke sath kaam karte hue pesh aane wali shikayaton ko dil se kaise khatam kiya jaye? Is ke bare mein batayein." Bahut hi aasan hai, bahut hi aasan hai. Aap sirf yeh soch lein ke shikayat ko khatam karna ek bahut bada rewardable kaam hai. Rewardable, qabil-e-inaam.

Aap ghaur kijiye ke ek hai ke aap sona chandi kharch karein, paisa kharch karein toh is ka reward milega. Aur shikayat toh ek ehsaas hai, ehsaas zehen mein paida hua, wohin khatam kar dijiye. Ehsaas ko khatam kar ke woh milta hai inaam jo sone chandi ke dher ko khatam karne pe nahi milta. Pichhle Quran mein hai ke innamā yūfaṣṣābirūna ujrahum bighayri ḥisābin toh sone chandi ki qurbani se toh badi qurbani woh hai jo nafsiyat ki sirf ki jaati hai,

shikayaton ko bhula kar. Toh agar yeh socha jaye ke agar shikayaton ko maine khatam kar diya dil se toh yeh toh bahut bada rewardable kaam hoga meri taraf se. Toh aadmi ko mushkil nahi lagega, woh aasan maloom hoga. Balkeh woh jis ne shikayat ka mauqa diya, us ka shukriya ada karega ke tum ne mujhe ek bade inaam ke qabil banaya. Sara muamla yeh hai ke hum cheezon ko duniya ke aitbar se dekhte hain, aakhirat ke baad se nahi. Yeh sirf wajah yeh hoti hai ke duniya ke aitbar se bahut bhari lagta hai.

shikayat hai ke is ko bulaya jaye, is ko is ko to intiqam lena hai. lekin akhirat ke aitbar se dekhen, agar to maloom hoga ye to kuch bhi nahin. to ye sari cheezon mein buniyadi baat ye hai ke ek hai dunya oriented soch, ek hai akhirat oriented soch. to ye sara masla hai dunya oriented soch walon ke liye. akhirat oriented soch mein ye sab baaten bilkul khatam ho jati hain, be haqeeqat ho jati hain. maulana iqbal umri ne tamil nadu se likha hai:

"kya team ke leader se ideology ki base par ikhtilaf kiya ja sakta hai?" dekhen, ikhtilaf alag cheez hai, takrao alag cheez hai. hadith mein bataya: illa an taraf kufra bawwah us waqt tak itaat karna hai jab tak aap kufar bawa na dekha hai, khula khula kufar. to ikhtilaf bilashuba bohat achhi cheez hai. ikhtilaf himmat rahmat ikhtilaf ka matlab hai discussion, dialogue.

to wo bohat achhi cheez hai. lekin ikhtilaf ko le kar takrao karna, badnaam karna, jhagda machana, wo sab bilashuba jaiz nahin islam mein . ikhtilaf ko jab discussion ka mozu banaya jaye to kya hoga? intellectual development hoga dono ke liye. nai nai baaten samne ayengi. lekin jab ikhtilaf ko le kar takrao kiya jaye to wo to shaitani kaam hai, is ka koi faida nahin hai tarafain ke liye. maulana, un ka ek aur sawal hai. unhon ne poocha hai ke team work mein complex free hone ki importance aur is ka formula kya hai?