Importance of complex-free teamwork and formula

maulana, un ka ek aur sawal hai. unhon ne poocha hai ke team work mein complex free hone ki importance aur is ka formula kya hai? importance to bohat zyada hai, bohat zyada hai. kyunke ek shakhs leading role kar raha hai, doosre log supporting role par hain. to ye kahenge ke dekho, hum to back seat par hain, ye imamat ke masle par khara hua hai. ye to bilkul fitri hai ke aise complex paida hon.

bilkul fitri hai. lekin is ko kill karna hai. isi liye rasool Allah ne ansar ke bare mein jo farmaya tha ke main doosre doosre log ek ek rastay par chalain, ansar ek aur rastay par chalain, to main ansar ke rastay par chalunga. itna bara darja diya aap ne ansar ko. isi liye ke supporting role ada karne ke liye aap ko qurbani deni parti hai, complex free banna parta hai. doosra aadmi ko leading role mila hai to theek hai, milne rahe. hum to wahi karenge jo humein role mila hai karne ke liye. to ye to bohat bara sawab ka moamla hai.

agar aadmi complex free ban kar ke supporting role par razi ho jaye to bohat bara ye sawab ka moamla hai. maulana, agla sawal aya hai bangalore se maulana inayatullah umri sahib ka. unhon ne likha hai: "prophet ke baad sahaba mein jo takrao hua, kya ansar is mein shamil the ya nahin?"