Why Muslims don't value peace over fighting
“Why don't Muslims consider peace as a matter of greatness? They consider fighting as greatness and peaceful dawah work as unimportant.”Asked by مولانا اقبال عمری, تمل ناڈو
He answers at 1:01:06 in Experience of Hyderabad CPS Meet · 5 min 7 sec
1:01:06Maulana, agla sawal lene se pehle aik comment parhna chahenge jo Mahtab sahib ne Dhampur se bheja hai. unhon ne likha hai: "Maulana sahib, today lecture was a very meaningful lecture for me about what you mentioned from risalat to mission in India." Maulana, agla sawal Maulana Iqbal Umri ne kiya hai Tamil Nadu se. unhon ne likha hai: "Maulana, musalman aman ki baat ko azmat ki baat kyun nahi samajhte?" yaani qital ko azmat aur paraman dawati kaam ko ahmiyat nahi. aisa kyun hai? dekhiye, wajah to is ki yeh hai ke baad ke daur mein musalmanon se dawat hadaf ho gayi.
1:01:59ab jo cheez reh gayi woh jihad, kyunke yaani hukoomaten ban gayeen. hukoomaten banti hain to kisi na kisi se takrao rehta hai, kahin baghawat ho rahi hai, kahin parosi mulk mein aap ko expand karna hai. to political taraqqi hui musalmanon ki, un ki hukoomaten bani paare bana. to is waqt yahi hoga ke hamein jihad karna, jihad karna, jihad karna. aur dawat jo hai woh bilkul hadaf ho gayi, dawat bilkul hadaf ho gayi. jab dawat hadaf ho gayi to aap koi bhi, yahan se wahan tak jitni kitabein likhi gayi hain,
1:02:46mein apne ilm ke mutabiq yahi kehta hoon, kisi aik kitab mein bhi dawat ki ahmiyat nahi. kisi aik kitab mein, hatta ke jo bare darja de rakha hai logon ne, uska Imam Ghazali ke ya Awliyauddin ka, us mein nahi. shah allah ki kitab hujjat ul barah, is mein nahin. dawat ka bab bhi hadaf hai in kitabon se, aur jo doosri kitaben hain, to musalmanon ke shaoor mein dawat hai hi nahin . kya hai? political empire, hukoomat to wohi kar rahe hain. ab chounke empire khatam ho gaya hai, to lar lar ke phir chahte hain ke phir regain karen empire ko. is waqt musalmanon ki sargarmian jo hain, apne khoye hue empire ko regain karne ke liye hain. dawat ka koi concept hi nahin hai, na unko insaan se koi khair khwahi hai.
1:03:36insaan to unko dushman nazar aate hain. yeh sari zimmedari ulama ki hai, mere nazdeek awam ki nahin hai. ulama ne bohat hi zyada is mein responsible hain is baat ke liye. galat zehan bana hai musalmanon ka. sare ulama, arab ke ulama bhi hain aur non arab ke ulama bhi hain. mujhe is mein koi shakk nahin hai. ab jaise mein ek misaal deta hoon ke falasteen mein yahoodi aa gaye, adhe falasteen mein yahoodi, adhe falasteen mein arab. to is waqt mashhoor aalim thay sheikh hasan al banna, to unhon ne juloos nikala ashqarah ke sir ke oopar, ek lakh arbon ko le kar ke, ek lakh arbon ko le kar ke:
1:04:22"rabbak ya falasteen! rabbak ya falasteen!" ab woh lad gaye. ladai ka yani zehan paida kar diya ke lado, unko maar ke nikalo. sawal yeh hai ke unhon ne yeh kyun nahin kaha ke yahoodi aa gaye hamare mulk mein, unhein paigham do? allah ka hai. rasool allah ne madine ke yahudiyon ko islam ka paigham diya tha. madine mein 50 feesad yahoodi thay is waqt. to hasan banna ne yeh kyun nahin kaha ke hamare apne mulk mein aa gaye hain yahoodi, ab unko islam ka paigham sunao? yeh kyun nahin kaha unhon ne
1:04:53? to is ko kaha jata hai trend setter. hamare ulama jo hain, bohat hi zyada zimmedar hain is baat ke ke galat trend set kiya unhon ne. india mein angrezon ke khilaf jihad shuru kar diya. ulama ne sare sare ulama mil kar ke angrezon ke khilaf jihad shuru kar diya. unhon ne unko maar maar ke bhagao. to bohat yeh sare ulama hi hain, trend setter hain. yeh galat galat trend set kiya unhon ne. dawat ka trend set karne ke bajaye qital ka trend.
1:05:30kuch log jo dawat ke naam lete hain, woh aur bhi zyada mere nazdeek galat kaam karte hain. naam lete hain dawat ka aur kaam karte hain ke masjidon mein ja kar ke fazail sunao. yeh to aur bhi zyada galat kaam hai. masjidon mein fazail ki kahani sunayen ke kahin ke dawat ho rahi hai. to ghair muslimon mein parman dawat allah ka kaam jo hai, yeh is trend set karna chahiye tha ulama ko. woh kya nahin unhon ne? to behal ab jo soorat e haal hai, woh yahi hai. is ko as a matter of fact maniye aur is ko is ko mante hue apne apne mission ko aap manage kijiye.
1:06:13maulana, agla sawal lene se pehle ek comment parhna chahenge jo rae choor se zaheeruddin khwaja sahib ne kiya hai. unhon ne likha hai: "maulana, i have no words to express my experience at hyderabad dawah meet.