Are Shias True Muslims? How to Explain?
“I was discussing with a Muslim that the Quran must be conveyed to people. He said that Shias also read the Quran and understand it more than us. Are they true Muslims? How should I explain to such people?”Asked by Mohammad Anas, Delhi
He answers at 1:29:39 in Age of Peace · 2 min 30 sec
1:29:39molana, yeh sawal dilli se hai muhammad ans sahib ka. unhone likha hai: "molana, main ek musalman sahib se dawat ke bare mein baat kar raha tha ke quran ko logon tak pahunchana zaroori hai. to unhone kaha ke quran to shia hazrat bhi parhte hain aur hum logon se zyada wahi log samajh kar parhte hain. unhone kaha ke to kya woh log sahi musalman ban gaye? molana, is ke bare mein batayein ke aise logon ko kya aur kis tarah samjhana chahiye? dekhiye, yeh sab apne dimagh se sochna hai. apne dimagh se sochna kufar hai, kufar ya shaitani
1:30:19pan hai. yeh shaitan ne apne dimagh socha to Allah ke mukhalif ban gaya. woh nahi, quran ke dimagh socheye. aap apne dimagh sochna shaitani soch hai. yeh quran se socheye to kya likha hai quran mein? fadhakkar innama anta mudhakkir. lasta alaihim bimusaitir. illaa man tawalla wa kafara fayu'adhdhibuhullahu al-adhab al-akbar. innana ilayna iyabahum thumma inna alayna hisabahum is ka matlab hai ke Allah taala ne farmaya rasool Allah salallaho alaihi wasallam se ke tum logon ko baat pahunchate raho, yaad dehani karte raho. tum logon ke upar darogha nahi ho, matlab tum koi power nahi, koi badal dalo, un ko is ki fikr mat karo. tum pahuncha do, baqi mamla Allah taala ka hai, woh akhirat mein is ka hisab le ga.
1:31:12to yeh yeh sab jhooti soch hai. hamara kaam hai pahunchana, pahunchana, peh chana. baqi amal Allah taala ka hai. agar hum ne pahuncha diya to is ke baad jo doosra kaam hai, woh Allah taala ka kaam hai. that is yaani that is demand of, that is domain of god. sare musalmanon ka mamla hai ke Khuda ke domain mein ja kar sochna chahte hain aur apna jo kaam hai, us ko bhule hue hain. baharhal, yeh bilkul galat soch hai.
1:31:42yeh shia ki baat hai, na sunni ki baat hai, na hindu ki baat hai, na muslim ki baat hai. asal baat yeh hai ke jis ko yeh ehsas ho ke quran Allah ka kalam hai aur woh hai li'l 'alamina nazeera. matloob hai yaani har har ek ko pahunchana to humein pahunchana hai, pahunchana hai, pahunchana hai aur dua karna hai. pahunchane ke baad jo kaam aap ka hai, woh dua karna hai. yeh sab sochna nahi hai. dawat aur dua, dawat aur dua, bas yahi hamari zimmedari hai. molana, agla sawal dhampur se hai mehtab ahmad sahib ka.