Request lecture on sectarianism and Quetta incident

maulana, agla sawal lahore pakistan se hai umar abdul aziz sahib ka. unhon ne likha hai: "maulana sahib, aap firqa warait ke baray mein aik lecture dein. teen din pehle jo quetta mein waqia pesh aya hai, woh firqa warait ka hi nateeja hai." . dekhiye, asal cheez firqa warait nahi hai. asal cheez hai directionless hona. hona pakistan aur doosri jaghon par musalmanon ke paas koi line of action nahi, koi direction nahi, koi goal nahi. aik hi goal sahi hai, woh hai dawat-e-ilallah. dawat-e-ilallah mein koi takrao ki baat nahi hoti. sab barabar ke ho jatay hain.

to pakistan ka sab se bari jo kamzori hai, woh firqa warait nahi hai. woh yeh hai ke wahan ke rehnuma, wahan ke ulama, wahan ke logon ko sahi target nahi de sakay. yani dawat ka target. main ne aik pakistan ke aik leader se mujhe mulaqat hui, well-known leader. to main ne kaha ke aap dawat ka kaam kyun nahi karte? pakistan mein hindu hain, pakistan mein christian hain, pakistan mein tourist atay hain, pakistan mein khud musalmanon mein bohat se aisay log hain jo islam mein paida hue lekin woh un ko islam mein shaq o shubah par gaya.

yeh sab madu hain. dawat ka kaam kijiye. to ab tak mujhe yaad hai ke unhon ne jumla jo kaha tha ke pakistan mein in cheezon ki kis ko parwah hai? to yeh hai, ghalti yahan hai. firqa warait to aik aik aik phir woh hai, aik zahiri cheez hai. asal cheez nahi hai. asal cheez yeh hai ke nishani galat hai. woh nishani nahi diya gaya. saray log mil kar ke musalmanon ko yeh batayein ke tumhara nishana dawat-e-ilallah hai aur koi cheez nishana nahi hai. tab ja kar ke yeh sab khatam hoga. aap firqa warait ke khilaf likhte rahein, likhte rahein to us se firqa warait khatam nahi honay wali hai. kyunke jar to baqi rahegi, to khatam kaise ho jaye ga?

main umar abdul aziz sahib ko yeh bhi batana chahunga kyunke unhon ne poocha hai ke maulana sahib ke puranay lectures woh kahan se le saktay hain. to aap maulana sahib ke puranay lectures www.cpsglobal.org se le saktay hain. us mein videos aur podcast ke do buttons hain. aap us ko agar press karein ge, wahan se aap ko saray download mil jayein g e. doosri cheez yeh ke maulana sahib roz subah lectures detay hain to woh bhi uploaded hain on daily basis. woh aap ko milenge www.alquranmission.org. wahan se aap us ko download kar saktay hain. doosra sawal letay hain.

doosra sawal maulana sahib greater noida se hai, danish khan sahib ka. unhon ne likha hai "In today's talk, you mentioned work of education. Did you mean to say that Muslims should be involved in opening schools, colleges, and universities? kindly elaborate." . nahi, dekhiye, khud apni banana muslim school, muslim college, muslim sipahi us ke khilaf ho. jo aaye system us mein shamil ho jaiye. chahe kisi ka bhi ho

۔ yeh jo musalmanon ka mizaj ke muslim school banao, muslim college banao, muslim university banao, us ki wajah se firqa warait paida hui. us ki wajah se woh us din barhta raha. wohi aik taraf pride, aik taraf nafrat. nahi, woh isi mein shamil ho jaiye. Isi main stream mein. Aur dhoom se padhiye. Mehnat kijiye. Alag se koi zaroorat nahi hai. Alag se agar banayein bhi to Muslim school mat banaiye. Muslim college mat banaiye. Balkay aap secular banaiye, secular andaaz mein.

Sab sab log padhein, aap bhi padhein, doosre bhi padhein. Taleem mein dekhiye, sectarianism bilkul galat hai. Taleem mein yeh ilhadgi nahi honi chahiye. Musalmanon, Hinduo'n ki alag, unki alag, is Christian ki alag, yeh nahi hona chahiye. Taleem jo hai, sab ke liye common cheez hona chahiye. Aur yeh ghalati Musalmanon mein hui hai. Aur sab se baray zimmedar is ke ulama hain. Ke unhon ne aisay fatway diye ke Musalman jo hai, is se shareek nahi hon gay. Government school tab nahi jayen gay, Hindu school tab nahi jayen gay, Christian school tab nahi jayen gay.

Apna school tha nahi. Nahi, jo jo school banay hue hain already, us mein dakhil ho jaiye khoob. Aur dhoom se padhiye. Achay number laiye. Yeh mera is mamlay mein mera nazariya hai. Mein is ko bilkul yani galat samajhta hoon ke alag aik apna aik parallel apna nizam banayein. Muslim taleemi nizam. Mein is ke khilaf h

oon. Madaris, madrasay ka tak theek hai. Lekin secular education mein nahi. Madrasay mein aap apni mazhabi taleem dijiye. Lekin jo secular education hai, us mein koi Muslim aur non-Muslim ka farq nahi hai. Maulana, agla sawal Dhampur se hai, Mahtab sahib ka.