Muslim education as revival and madrasa improvement

Aur har ek ko baat pohanchate rahenge Positive andaaz mein. Yeh hamari zimmedari hai. Maulana, agla sawal Delhi se hai, Dr. Najma Siddiqui ka. Unhon ne likha hai: "Can we consider Muslim education as revival and Muslim empowerment? Is it possible to improve Madarsa education as it is a big network?" . Dekhiye, Madarsa education mein koi tabdeeli nahi ho sakti. You have to be practical. . Aap is mein bohat se logon ne is tarah ki baatein ki hain.

Madarsa education mein koi tabdeeli mere nazdeek amalan mumkin nahi hai, practically mumkin nahi hai. Theoretically aap bohat si baatein kar sakte hain. Lekin jo amli soorat-e-haal hai, to is mein koi tabdeeli mumkin nahi hai. Is liye is ko aadi cheez maan lijiyey, bas is mein mat dakhal dijiyey. Aur secular education ke line mein apni koshishon ko divert kar dijiyey. Yeh meri Policy hai. Yeh maine bohat bas socha hai aur bohat zyada main madarson ke halaat ko samjha hai maine. To madarse ke jo halaat hain, wo bohat mukhtalif hain is se jo schoolon college mein hotay hain.

To wahan par koi Change mumkin nahi hai. Jo hai, wo chalne dijiyey. Bas aap sari koshishon ko aap secular education mein divert kar dijiyey. Maulana, agla sawal Delhi se hai, Shah Imran Hasan sahib ka. Unhon ne likha hai: Maulana sahib, aap ne farmaya ke karne ka asal kaam do hain: Da'wa work aur education.