Committee savings for da'ee

Isi yaqeen ke sath hamein dawat ka kaam karna hai. Maulana, agla sawal aaya hai Karachi Pakistan se Mr Abdul Latif ka. Unhon ne poocha hai: "Waldein apne bachchon ke mustaqbil ki zaroorat ko maddenazar rakhte hue apni raqam mein se kuch raqam har mahine nikal kar committee daalte hain. Kya is tarah ka amal ek daai kar sakta hai?" Dekhiye, jo maa baap hain, aam taur par maine dekha hai ke un ke dunya ke mustaqbil ke liye to bohat woh sochte hain.

Asal mein sirf to aakhirat ka mustaqbil hai. Is ke liye sochna chahiye. Bohat ajeeb baat hai ke Quran majeed mein hai do aayatein, main aap ke samne pesh karta hoon. Wa ma min da'watin fil ardi illa ala Allahi rizquha yeh dunya ke bare mein hai ke is dunya mein har aadmi ka rizq Allah ki taraf se muqarrar hai. Woh mil kar rahega is ko. Dunya ke rizq ke bare mein Allah taala ne yeh zimma le liya hai ke woh zaroor woh har har ek ko rizq pahunchayega is ko. Achha, aakhirat ke bare mein kya hai? Aakhirat ke bare mein yeh hai ke laysa lil insani illa ma saaba

Wahan aakhirat mein insaan ko sirf wohi milega jis ke liye khud us ne koshish ki ho. Yani Allah ki taraf se kuch nahi diya jayega is ko. Siwaye koshish ka anjaam, koshish ka badla. Yani yeh ghor kijiye ke dunya mein insaan ke liye Khuda ne zimma le rakha hai ke us ko zaroor us ka rizq pahunchaya jayega. Aur aakhirat ke bare mein farma raha hai Allah taala ke wahan tum apne hi amal ko bhugtana padega tum ko. To kaise ajeeb log hain ke apne liye, bachchon ke liye, un ko hona chahiye fikrmand aakhirat ke liye. Aur fikrmand hote hain dunya ke liye. Bohat ajeeb baat hai yeh. Main is masle ko yani fiqhi aitbaar se kuch jawab nahi doonga main. Fiqhi aitbaar se kya hai, kya nahi hai, woh main is par k

ch nahi bolunga. Main is is is is soch par koi taajjub karta hoon ke dunya ke mustaqbil ki fikr aur aakhirat ke mustaqbil ke liye koi fikr nahi. Maulana, agla sawal Delhi se hai Mr Saadat Khan ka. Unhon ne poocha hai: "I am working in a factory and on every Tuesday there is distribution of prasad.