Protecting oneself from greed in materialistic age

maulana, agla sawal bhi karachi pakistan se hai abdul latif sahib ka. unhon ne likha hai: "maulana sahib, is madi daur mein ek insan apne aap ko hiras se kis tarah bachaye؟ kyun ke aaj insan ki zaroorat zaroorat itni zyada ho chuki hai ke qanaat wali zindagi guzarna mushkil ho gaya hai." is ke bare mein bataen. main samajhta hoon ke hiras se bachane ke liye sirf yeh hai ke aap apni aql ko istemal karen. aql ko istemal karen. abhi dekhiye, aaj kal khabron mein aa rahi hain kingfisher airline ke bare mein. bahut zyada badhaya apne kaam ko unhon ne, yani hiras ko apni aakhirat tak pahuncha diya.

natija kya hua? ke bilkul dham se gir gaye. aap khabron mein padhte honge, tafseel ki zaroorat nahin hai batane ki. aise waqiyat rozana hote rehte hain. yani hiras mein aakhir mein kya hai? frustration. qanaat mein kya hai? sukoon, itminan. to natije ko dekh kar faisla kijiye ke hiras mein aadmi ko sukoon milta hai ya qanaat mein milta hai. jitne log hiras mein daudte hain, yani takathur ka rasta ikhtiyar karte hain, aakhir mein un ke hisse mein sawab, first side ka kuch bhi nahin aata. kitne log to khud khushi kar lete hain.

to asal cheez yeh hai ke natije ko natije ko samne rakh kar log nahin sochte. natije ko samne rakh kar sochen to bahut aasani se masla samajh mein aa jaye ke is dunya mein mumkin nahin hai ke aap hiras ke raste par chal kar ke, yani peace of mind mile, aap ko sukoon mile. qanaat ke raste par chal kar ke aap ko peace of mind milega. to agar natije ko le kar socha jaye to bahut aasani se aap is mamle mein ek sahi faisla le sakte hain. maulana, agla sawal ali garh se aya hai doctor muhammad qamar sahib ka. unhon ne likha hai: "maulana sahib, diary mein aap ka ek waqia parha ke aap ke pas ek aadmi hamla karne ki niyat se aya tha.