Greeting non-Muslims with Namaste or Salaam
“As it is said that one should greet non-Muslims, can we say Namaste and also say Salaam to non-Muslims? Please tell me about this.”Asked by محمد انس, دلی
He answers at 1:27:41 in Islam & Prophet of Islam 21 Oct, 2012 · 2 min 21 sec
1:27:41is mein koi shaq nahi. maulana, yeh sawal aaya hai dilli se muhammad ans sahab ka. unhon ne likha hai: "maulana, jaisa ke kehte hain ke ghair muslim ko aadab karna chahiye, kya hum namaste kar sakte hain aur salam bhi kar sakte hain ghair muslim logon ko? is ke bare mein bataein." salam bhi kijiye, namaste bhi kijiye, aadab bhi kijiye, good morning jaisa mauqa ho. salam to dua hai. aap ghair muslim na bhi banein tab bhi ghar mein pahunch kar dua kijiye ke Allah salamat rakhe. yeh izhar khair khwahi hai. yeh to karni hai aap ko. is mein koi farq nahi karna aap ko ghair muslim aur muslim mein. har ek ke liye aap ko dua karna hai. har ek ke liye aap ke dil mein peace hona hai. jo log samajhte hain ke ghair muslimon ko salam nahi kiya ja sakta, galat samajhte hain is ko.
1:28:39yeh to masla hai. kitabon mein maujood hai yeh baat ke salam sab ko kiya ja sakta hai. aur karte hi hain, dekhiye. namaz aap padhte hain paanch waqt to kya hota hai? namaz jab khatam hoti hai, aap kehte hain: "assalamu alaikum wa rahmatullah". "assalamu alaikum wa rahmatullah". to kya idhar se musalman hote hain? idhar se musalman hote hain? saare log hote hain. yaani dono taraf rukh kar ke tamam namazi kehte hain: "assalam o alaikum wa rahmatullah". aye logon, tum par salamti ho. aye logon, tum par salamti ho. to kya hum sirf musalman khade hue hain wahan par? saare dunya ko kehte hain ke: "aye logon, tum
1:29:17par salamti ho". yeh to paanch waqt aisa hota hai. yeh yeh bahsi bilkul baseless hai. kyunke namaz khud sikhati hai ke sab ko salamti pahunchao. sab ke liye tumhare dil mein khair khwahi ho. sab ke liye tumhare liye peace ho tumhare dil mein. log bila soch samjhe namaz parhte hain. baat yeh hai. namaz koi soch samajh kar nahi parhta hai. ek ritual ke taur par parhta hai. ritual. warna sochna chahiye ke hum namaz jab padh kar khatam karte hain to kehte hain: "assalam o alaikum wa rahmatullah". "assalam o alaikum wa rahmatullah". yaani saare dunya walon ko aap address karte hain ke: "aye logon
1:29:55, tum par salamti ho". "aye logon, tum par salamti ho". agar soch samajh kar padhein namaz to kisi ke dil mein yeh yeh waswasa nahi aayega. kabhi nahi aayega. maulana, agla sawal dilli se hai shah imran hassan sahib ka. unhone likha hai: "ek sahib se baat hui, unhone kaha ke Al-Risala mission ki kami sirf yeh hai ke woh musalmanon ko sulh-e-kul ki taleem deta hai.