Meaning of khushu' and khudu' in prayer

Maulana, agla sawal Dhampur se kiya hai Mehtab Sahab ne. unhon ne likha hai: "Maulana Sahab, what is the meaning of khushu and khuzu in namaz?" dekhein, asal baat yeh hai ke namaz mein hum kuch zuban se kuch alfaaz ada karte hain, jaise Alhamdulillah Rabb al-alameen kaha aap ne, Allahu Akbar hum ne kaha, Quran ki ayat padhi hum ne.

is ke is ka jo meaning hai, is pe dhyan rakhna. jab dhyan rakhenge to apne aap hi sare result niklenge. yani pehle aadmi alfaaz munh se bolta hai, dimaagh is ke maani ko sochta hai, phir jab sochta hai to is ke baad aadmi ke andar ek storm aata hai.

isi storm ka naam hai khushu khuzu. jaise aap ne kaha ke Alhamdulillah Rabb al-alameen, hamd hai is Rab ki jo sare alam ka malik hai. yeh kaha aap ne, ab is ke maani par socha aap ne ke Khuda kitna azeem hai, kitni

badi glory is ki hai, itni badi kainat ko woh paida kiya, us ko control kiya gaya hai. is se aap ke andar ek, aap ke dimaagh mein, aap ke dil mein, aap ke rooh mein ek ek bhonchal aata hai. isi bhonchal ka naam khushu khuzu hai.

khushu khuzu koi koi mysterious cheez nahi hai, ek waqe'a ka shadeed ehsaas ka naam hai khushu khuzu. Maulana, agla sawal kya hai Qazi Nisar Ahmed sahib ne Jammu se.